~ منتديات الرحمة والمغفرة ~
. منتديات الرحمة والمغفرة على منهج اهل السنة والجماعة

: ( كُنْتُمْ خَيْرَ أُمّةٍ أُخْرِجَتْ لِلنّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِالله )

نداء إلى أنصار رسول الله " صلى الله عليه وسلم "أنضم الينا لنصرة رسولنا من خلال منتدى الرحمة والمغفرة

. لزوارنا الاعزاء ومن يرغب بالتسجيل بمنتدانا ... بادر وسجل نفسك بالمنتدى لنشر الإسلام

أهلا وسهلا بك زائرنا الكريم,

~ منتديات الرحمة والمغفرة ~

~ معاً نتعايش بالرحمة ~
 
الرئيسيةاليوميةس .و .جبحـثقائمة الاعضاءالمجموعاتقناة الرحمة والمغفرة يوتيوبفيس بوكتويترمركز تحميل للصورالتسجيلدخول
منتديات الرحمة والمغفرة على منهج اهل السنة والجماعة
( كُنْتُمْ خَيْرَ أُمّةٍ أُخْرِجَتْ لِلنّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِالله ) . نداء إلى أنصار رسول الله "صلى الله عليه وسلم "أنضم الينا لنصرة رسولنا من خلال منتديات " الرحمة والمغفرة ". لزوارنا الاعزاء ومن يرغب بالتسجيل بمنتدانا . بادر وسجل نفسك بالمنتدى لنشرالإسلام .مديرة الموقع / نبيلة محمود خليل


تنويه .. لكل الأعضاء : على كل من يرغب فى عمل موضوع مشترك بينه وبين أى عضو من الأعضاء .. عليه أن يخبره فقط فى قسم حوار مفتوح بين الأدارة والأعضاء .. وقد تم تحديد يوم الجمعه فقط  للردود على الموضوعات  التى لم يرد عليها .. وأيضا الردود على الموضوعات القديمه .. شكرا

أعلان ... أرجو من الأعضاء الألتزم بوضع موضوع وأحد فقط فى كل قسم حتى نستطيع قرأتها بتمعن - موضوع واحد يقرأ أفضل من عدة مواضيع لا تقرأ - أشكركم


المواضيع الأخيرة
بحـث
 
 

نتائج البحث
 
Rechercher بحث متقدم
مشروع تحفيظ القران
 
تلفزيون الرحمة والمغفرة
نشرة اخبار منتدى الرحمة واالمغفرة
توك توك منتديات الرحمة والمغفرة

كاميرا منتديات الرحمة والمغفرة



شركة طيران منتديات الرحمة والمغفرة

أفضل 10 أعضاء في هذا الأسبوع
نبيلة محمود خليل
 
كلمة حق
 
الدنيا فناء
 
alfalah
 
عزمي ابراهيم عزيز
 
عواطف
 
المواضيع الأكثر نشاطاً
مع كل إشراقة شمس ^ بصبح عليك^ مع وعد الله ونبيلة محمود خليل ^ حصرياً
مشروع حفظ القرآن والتجويد"مع نبيلة محمود خليل"" حصرى"
^ من اليوم أنتهى عهد نبيل خليل ^ أدخل وشوف مطعم منتديات الرحمة والمغفرة مع نبيلة ونبيل ^
تليفزيون منتديات الرحمة والمغفرة يقدم لكم "برنامج الوصول إلى مرضات الله " مع نبيلة محمود خليل" كلمة حق"
بريد منتديات الرحمة والمغفرة ^ ظرف جواب ^ مع نبيلة محمود خليل وكلمة حق ^ حصرياً
^ نشرة أخبار منتديات" الرحمة والمغفرة " مع نبيلة محمود خليل"حصرياً "
* كلمة للتاريخ * مع نبيلة محمود خليل ود / محمد بغدادى * حصرى
^ كاميرا منتديات الرحمة والمغفرة ^ إبتسامة كاميرا ^ مع نبيلة محمود خليل وكلمة حق ^ حصرياً ^
^^ دورة التبسيط فى دقائق علم التجويد ^^
,, قلوب حائرة ,, وقضايا شبابية متجدد ,, مع نبيلة محمود خليل ونبيل خليل ,,

شاطر | 
 

 الشعراء وحلمهم فى الرئاسه ولو نص ساعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lolo
عضو مميز
عضو مميز


وسام كبار الشخصيات
العمر : الاجل المحدد
الدولة : مصر
انثى عدد المساهمات : 3908
نقاط : 5016
تاريخ التسجيل : 15/05/2011

مُساهمةموضوع: الشعراء وحلمهم فى الرئاسه ولو نص ساعه   الثلاثاء فبراير 28, 2012 11:21 pm

الشعراء وحلمهم فى الرئاسه ولو نص ساعه
-------------------------------





حلم ان يكون الانسان رئيس حلم يداعب الكثير منا ، وقد عبر عن ذلك الكثير

من الشعراء منهم من يتمنى ان يكون رئيس للأبد ، ومنهم لليله واحدة ،ومنهم

يتمنى حتى نصف ساعه فقط كشاعرنا الموهوب شاعر المنتدى يحيى إبراهيم


hhhhhhhhhhhhhy hhhhhhhhhhhhhy



انا نفسي ابقي ريس انشا الله نص ساعة

واسكن في قصر تحفة واطلع في الأذاعة

منا اصلي واد حلنجي ليا في شغل الصياعة

شعبي ياكل ويشبع وامسح لفظ المجاعة

انا نفسي ابقي ريس انشا لله نص ساعة

اروق فيها نفسي واظبط الجماعة

اخوانجي ليا فيها وابقي المرشد كمان

او سلفي برضة يمشي واظبط الميزان

اما الاحزاب حبايبي انا واد علي كل لون

اول قرار راح اخده راح اقفل الميدان

ومفتاحه هبيعه ده ربالي الجنان

ثورة ووجع دماغ دوشة من غير آوان

انا نفسي ابقي ريس والخلق تنتخبني

اما الكبير اخويا وصغيرهم ده ابني

ايدك في ايديا يلا نعمر بلدنا ونبني

اوعاك تقول يا صاحبي ده شغل اراجوزات

ساعتها اقول يا دمك ابوك السقا مات

دة انا واد ريس ادارجي لو يوم تديني صوتك

هطلع بيك البرنجي لو ترفض يبقي موتك

بتكلم سبع لغات والمصري واللاوندي

يلا اديني صوتك رشحت نفسي ليك

لا يوم نفعت نفسي ولا يبقي فضل ليك

ولا عمرك تبقي فرخة ولا عمري هبقي ديك

انا نفسي ابقي ريس ان شالله ربع ساعة

انا نفسي ابقي ريس دة انا واد ملعب جدع

ولما ابقي ريس راح اعمل البدع

راح اجوز الصبية واوظف الجدع

واعرف اسرار فؤادك واوشوش الودع

وهخلي العملة دية باليورو والدولار

اما الجنية الفقري احلف ما يخش دار

انا نفسي ابقي ريس انشالله عشر دقايق

منا اصلي واد خلاصة ودماغي لسة رايق

والشعب بتاعنا دايما بعد ثورتنا فايق

ممكن اروح في توكر قبل ما اعد الدقايق

مش عاوز ابقي ريس ملعون ابو الرياسة

يطلع لي واد محفلط ويسوق فيها الغلاسة

وابص الاقي نفسي مدلوق ويا الكناسة

ويجري ع الميدان ويقول ده عاوز له شيلة

وحياتي بعد بمبي راح تصبح تاني نيلة

وحق من خلقني جل في علاه تبارك

مش عاوز ابقي ريس ولا احصل يوم مبارك



hhhhhhhhhhhhhy hhhhhhhhhhhhhy






وشاعر أخر لم يعد بوعود براقه



انتخبوني

أنا مش حدّي لحد وعود ولا عاشق لعيونكو السود

ولا حاخد من "موسي " عصايته ولا حاعمل للفقر حدود

ولا حاتنيل علي عين أهلي ولا حاسمع لو حد ندهلي

ولا بينكم حاصبح موجود

فانتخبوني

وستجدوني .... أنضف جداً م الموجود


يا جماهير الشعب الواعي يا أوجاع بتزيد أوجاعي

يا عشمي وغشمي وأطماعي يا خوفي وبابي المردود

يا طلسم ... محتاج تفسير ومعايا متفرقش كتير

وزمانكم كده كده مفقود

فانتخبوني

وستجدوني ... أشجع جداً م الموجود


سبقونا الهلافيت ع العزبة من بعد ما لهفوا الأصوات

وسابونا ... بنهر محبة واتلبخوا ف صرف البدلات

انصرفوا للهدف الأسمي للجمع المشبوه والقسمة

واترسمت ف وشوشهم بسمة وحمارهم بقي زلمكات

عمدتهم كا أصله غفير اتبرمج وعاملي "مشير "

وبيفهم قال في الدساتير ؟؟! ويناقش في مواد وبنود !!

فانتخبوني وستجدوني ....

أنا مش ألطخ م الموجود

انتخبوني الله يكرمكم انتخبوني ينوبكو ثواب

حافضل شايل فضل كرمكم وأهو كداب مطرح كداب

صوتكوا أمانة.. ضايعة معانا زي ماضعتوا مع النواب

الـ "مرضان" أبو بدلة وشنطة والتعبان أبو حزب أونطة

والحلوف أبو وش ودود

فانتخبوني وستجدوني

أنا مش أوسخ م الموجود

أنا مش حدي لحد وعود ولا عاشق لعيونكو السود

ولا حارفع صوتكم ولا نيلة دي بلدكم رايحه ف تعسيلة

منكوبة وخيبتها تقيلة تفكيركم دايما محدود

إدوني لو بالبراطيش

إدوني وماترحمونيش

دي خيبتكم خيبة بكرانيش

ومزاجكم ف المش أبو دود

فانتخبوني

وستجدوني

أحدق جدا م الموجود


محمود عبد الوهاب

hhhhhhhhhhhhhy hhhhhhhhhhhhhy





شاعر آخر نفسه يبقى ريس لمده ليله

انا لو كنت الريس ليله؟؟
كنت هوزع فول وبليله
واغير من شعبى كتير
وارفع من فوق شعبى النيله
واسهر ليله ؟؟
انما ايه ليله طويله
وتكون ليله طويله التيله


بس ابقى الريس لو ليله؟؟

اه لو اغمض بس وابات
اسقى الناس كلها شربات
وامسك اى حرامى واجيبو
مهما عمل ايها حركات
وكمان اخلى وزير للكره
انشالله يكون لها بركات
وافتح للعاطلين مشاريع
واعينهم ف الشركات
ومخليش فيه ايهو عاطل
وافرق ف كنافه وموغات
وافضل الف على الجعانين
واوزع ليهم لحمات
والمستوظف نديه حقو
ونعلى كمان ف مهيات
ولا نطلب ابدا احسان
وكمان مش عوز معونات
وان كات كامب ديفيددى خنقه
تبقى تغور لتفقيات
وقروض من غير فايده عليكم
ارحملكو م الجمعيات
وادى لكل الناس ف حقوقها
وهوزع كل التركات
والبترول راح هيكون ليكم
وعوائد مشاريع قنوات
واعمل للمولود ف مهيه
والعيل يشترى بوتيكات؟
وافتح ليكم عائد شهرى
وابعد عنكم اى شيكات
علشان يبقو يدعم ليا
لما يقولو الريس مات

اه لو مره بقيت الريس؟؟

كنت هوظف ف العاطلين
واوكل كل الجعانين
واخلى الاغنياء فبيوتهم
طول الليل يغسلو مواعين
وان كان ده مش راح يعجبهم
راح اشيلهم طبعا طين
بس ف مره اكون الريس
وهنييمكم وسط حرير
وافرش ليكو الارض ف رمله
م امبابه لحد التحرير
طبعا مش هنسى التعليم
دا التعليم ده مشكلو كتير
هعمل ف مناهج وابسطكو
راح اخليه من غير تفسير
واللى هيتخرج نصرفلو
قرض اعاشه ويبقا كبير
ونخلى الطلاب دى تنتج
او يعملوانتاجوخطير
احسن م المرقعه ف الجامعه
قعده بتنتج لنا فرافير؟
وهخلى الشعب يصقفلى
من اسوان لابو المطامير
وكمان مش هنشوف افرانا
مخنوقه ف زحمه وطوابير
وهخلى العيل ابو رياله
وسط الكل هيبقا امير؟؟
والاقسام جواها مش افرق
بين اى مدير ولاغفير؟
وهنمنع الناس م السرقه
ونصحى كده اى ضمير
والطربيش هتعود من تانى؟
او احسن تلبسو طراطير؟؟

بس اكون الريس ليله؟


كنت اكلم كل الناس
وامشى كمان من غيرحراس
حتى المدعوا اللى اسمو اوباما
راح اكون زيو راس ؟ وبراس؟
وومخليش واطى ف بلدنا
واعلى ف اجر الكناس
واسمع كل الناس وكلامهم
واتابع كل الاحداث
واوزع ع الفقرا ماهيه
والايتام وبتوع لحداث
واشوف جوه مشاكلى الاول؟
ولا اروح بره احوش وخلاص؟؟
وهوزع ف صابون وف اومو
وهفرق ع الشعب بوطاس

بس ادعولى اكون الريس؟

يلا ان شالله محد ما حوش
عبى وعبى يا شعب وكوش
ديما متداس كده طول عمرك
فرفش بقا قوم حبه وروش
اخرج بقا م الخنقه يا شعبى
كان الكل عليك بيلوش
كل شويه فلوس هتديكو
علشان كل الشعب يحوش

بس اكون الريس ليله؟؟

كنت اهتم باى مواطن
واخفض سعر اللحمه اوام
علشان كل الشعب يهيص
يكل لحمه ويبقا همام
واصرف ليكو يا شعبى فياجرا
وهجوز كل الشبان
والعواجيز هسهر لرحتهم
وهجوزهم شبه تمام
والطلاب ديما راح تنجح
مش هنسقط حد كمان
والمقاطيع بردو نوكلهم
مش هنبيت حد جعان
والجرابيع نوصل لعششهم
ونخليهم م الاعيان
وطوارئ بردو هنلاغيها
لجل بلدنا تعيش ف امان
وننظف على طول شوارعنا
ونساعد ايها عيان
وهتكلو ف لحمه طوالى
مش عيش ناشف وبتنجان
واصرف بردو ف سجنل تو
علشان تنظيف الاسنان

بس اكون الريس ليله؟؟

اه ياسلام لو كنت الريس
كنت هخلى الشعب كويس
كنت هخلى الناس مبسوطه
احسن بقا مالكل متيس
كنت هوطى ف سعر القوطه
ولاراح تلقى ف حد مهيس؟
والدولارات شعبى يقطعها؟
ونا على رحتى اعبى وكيس؟
ارجوكم انتخبو رئيسكم
قولو تعيش يا سياده الريس
انا والله هكون علشانكو
عمرى ف مره عليكو هميس
بس ف مره اكون الريس

اه لو كنت يناس الريس؟؟

كنت هوزع اى فلوس
وهحافظ اوى اوى ع البيئه
مش راح تلقى قرص ناموس
وهصنع انتاج ف بلدنا
زى الصين اوحتى الروس؟
ولا هتحتاج ف قروض هتدينا؟
والانتاج هيكون ف باسوس؟
ومن الارض هننتج احسن؟
ولا سرطان وتعيش ف كابوس
ولا امراض راح تيجى من بره
ولا عمرك هتعيش مفروس؟
والصادرات هتفيض ونعبى ؟
بيت المال هيكون متروس؟
ونا ف الاخرهعمل نووى
عمرى مخاف من قرص السوس؟
ومخبرتناهتفتح عيناها؟
علشان تمسك اى جاسوس؟
والحريه نعيشها بروحنا
غصبن عنها اى جا--مو--س؟؟

؟اه لو كنت بجد الريس؟؟؟؟؟

كنت هخلى الشعب البوس
وهغير ف نشيدنا الوطنى
وهترقصو على وحده ونص؟
وفلسطين هتكون ف حميتى؟
وهرجعهامن غير حس
تل ابيب لو مش يعجبها؟
انا هضربها زى البرص؟
وعشان بردو اريح بالكو
واحد ريفو يوماتى وقرص؟
؟وكمان شاى يعدل ف دماغكو؟
واعمل ليكو فايل اوسورس؟
بس الكل يكون ايدو وحده
علشان يمشى بس الترس
واجى كمان احيى ف افراحكو
مش راح اسيب لا فرح او عرس
وارفع يلا يا شعب ف صوتك
راح او ولى زمان الخرص
اه لو كنت ف يوم الريس؟؟-


كابتن أحمد

hhhhhhhhhhhhhy hhhhhhhhhhhhhy hhhhhhhhhhhhhy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يحيي ابراهيم محمد
مشرف القسم الأدبى
مشرف القسم الأدبى


وسام شاعر مميز - موف مزرق
العمر : 40
الدولة : مصر
ذكر عدد المساهمات : 1182
نقاط : 1893
تاريخ التسجيل : 05/08/2011
العمل/الترفيه : مدرس
المزاج : فضلا من الله ونعمة

مُساهمةموضوع: رد: الشعراء وحلمهم فى الرئاسه ولو نص ساعه   الأربعاء فبراير 29, 2012 4:35 am

الله عليك يا لولو روحي يا شيخة الله يفتح نفسك زي ما فتحتي نفسي الف شكر ليك ولا تنسي ان هذة القصيدة هي السبب لكي اتشرف بعضوية المنتدي عندما رفعتها لولو علي المنتدي
لولو دمتي بالف الف خير

_________________
<BR>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نبيلة محمود خليل
مديرة موقع الرحمة والمغفرة
مديرة موقع الرحمة والمغفرة


عين تدمع
الدولة : مصر
انثى عدد المساهمات : 17156
نقاط : 26620
تاريخ التسجيل : 31/08/2009
العمل/الترفيه : مديرة موقع الرحمة والمغفرة
المزاج : الحمد الله
تعاليق : اللهم اجعلنا ممن يدعون الجنة من أبوابها كلها

مُساهمةموضوع: رد: الشعراء وحلمهم فى الرئاسه ولو نص ساعه   الأربعاء فبراير 29, 2012 9:40 am

اه ياسلام لو كنت الريس
كنت هخلى الشعب كويس
كنت هخلى الناس مبسوطه


ربنا يعين الريس الجديد على أنبساط الشعب

بس يارب الشعب يرضى

كل الشكر والتقدير لكى لولو

والحمد لله أن الموضوع دة كان السبب فى دخول يحيى المنتدى الحمد لله بتشريفك يحيى فى المنتدى

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almaghfera.ahlamontada.com
ناريمان
عضو مميز
عضو مميز



الدولة : مصر
التوقيع : رب ابنى لى عندك بيتاً فى الجنة ونجنى من القوم الظالمين انثى عدد المساهمات : 1319
نقاط : 1490
تاريخ التسجيل : 22/01/2010

مُساهمةموضوع: رد: الشعراء وحلمهم فى الرئاسه ولو نص ساعه   الأربعاء فبراير 29, 2012 9:41 am

تل ابيب لو مش يعجبها؟
انا هضربها زى البرص؟
ههههه جميلة شكرا لولو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lolo
عضو مميز
عضو مميز


وسام كبار الشخصيات
العمر : الاجل المحدد
الدولة : مصر
انثى عدد المساهمات : 3908
نقاط : 5016
تاريخ التسجيل : 15/05/2011

مُساهمةموضوع: رد: الشعراء وحلمهم فى الرئاسه ولو نص ساعه   الأربعاء فبراير 29, 2012 11:41 am

شكرا لك يحيى بارك الله فيك على هذه

القصيده الرائعه التى ابدعت فيها ورأيت ان ارد الحق والفضل لصاحبه

الشاعر الموهوب يحيى صاحب ومؤلف هذه القصيدة وهذا وقته الوقت

الذى تتوق فيه كل النفوس لحلم الرئاسه وقد عبرت فى قصيدتك عن هذا


الحلم مهما كانت نتيجته ولو سجن طرة كما حدث للرئيس المنزوع

وعائلته


شكرا لكى نبيله على مرورك الكريم ...والشعب المصرى راضى بقليله

..بس فين قليله .. والحمد لله



شكرا لكى ناريمان مرورك دائما يسعدنى




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HoDHoD
عضو جديد
عضو جديد


العمر : عمر فى الخير
الدولة : مصر
انثى عدد المساهمات : 158
نقاط : 166
تاريخ التسجيل : 16/12/2011

مُساهمةموضوع: رد: الشعراء وحلمهم فى الرئاسه ولو نص ساعه   الأحد مارس 04, 2012 7:20 pm

كلنا نحلم بالرياسه لولو


z\a
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lolo
عضو مميز
عضو مميز


وسام كبار الشخصيات
العمر : الاجل المحدد
الدولة : مصر
انثى عدد المساهمات : 3908
نقاط : 5016
تاريخ التسجيل : 15/05/2011

مُساهمةموضوع: رد: الشعراء وحلمهم فى الرئاسه ولو نص ساعه   الخميس مارس 22, 2012 12:17 pm

شكرا لكى هدهد

حلم الرئاسه حلم جميل ولكنه خطر جدا جدا جدا..أخرته الليمان اذا لم يطبق

شرع الله ونشر فى الدنيا الفساد والظلم والمحسوبيه والرشوة ويبيع بلده

مقابل حفنه من الدولارات



000^^^^^ 000^^^^^
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشعراء وحلمهم فى الرئاسه ولو نص ساعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~ منتديات الرحمة والمغفرة ~ :: المنتديات الأدبية :: الخواطر والنثر والشعر واداب الرسالة-
انتقل الى: