Hitskin.com

تذكير بمساهمة فاتح الموضوع :

بسم الله الرحمن الرحيم

لا شك أن بداخل حياة كل واحد فينا اسرار وحكايات غريبة ومفارقات عجيبة لا تخلو

من حكمة وعظة ، ومدرسة الحياة مليئة بالدروس والمواعظ البالغة لمن يعتبر .

ولا شك أيضا أن حياة الاطباء على وجه الخصوص مليئة بتلك العبر ، لأنهم يتعاملون

مع الاحياء ومع من هم على مشارف الموت ،ويعيشون اليأس والامل مئات المرات .

لذا فقد استأذنت صديقنا الدكتور محمد فى نشر بعض مذكراته مع الحفاظ التام على

اسرار المرضى والاموات ،وانما نلتمس العبرة من واقع الحياة العلمية والعملية

لصديقنا دونما المساس او التعرض للاسرار .

صديقنا الدكتور محمد خريج كلية طب القصر العينى جامعة القاهرة ،وحاصل على

دبلوم طب الاطفال كلية طب عين شمس ،وسوف ننشر له بعض مذكراته ، وقصص

من واقع الحياة ،وسوف نبدأ ان شاء الله اولى صفحات مذكراته قريبا وهى بعنوان

"اليوم الاول فى دروس التشريح داخل المشرحة "

_________________
^يوميات طبيب ^حصريا [1] - صفحة 2 002m052Z9QF

مشكور اخى الرائع عابر سبيل
الأعمار بيد الله من الأول سبحانه وتعالى يعلم كل شئ
موضوع قيم مشكور

شكرا لك عابر سبيل
يوميات مفيدة وجميلة جزاك الله خيرا

اخى الغالى نبيل
اختى الفاضلة فكرية
اشكر مروركم الطيب بصفحتى المتواضعة
دمتم فى حفظ الرحمن

_________________
^يوميات طبيب ^حصريا [1] - صفحة 2 002m052Z9QF

وكم من سليم مات من غير علة وكم من عليل عاش حينا من الدهر
وكما قالت ستي نفوس طيب الله ثراها ايش حال مريضكم
قالو سليمنا مات
عابر سبيل كل يوم اشتاق لقراءة مذكرات قبل الذي يلية دمت بالف حب

جزاك الله خيرا عابر سبيل
يوميات ررررائعه وسبحان الله لكل أجلا كتاب
مشكور

مرحبا بعودتك اخى الغالى يحيى
وما اجمل المثل "ايش حال مريضكم قالو سليمنا مات"
رحم الله ستك نفوس وجميع موتانا وموتى المسلمين

_________________
^يوميات طبيب ^حصريا [1] - صفحة 2 002m052Z9QF

الشكر لاختنا الفاضلة ناريمان
مرورك اسعدنى

12cvb

_________________
^يوميات طبيب ^حصريا [1] - صفحة 2 002m052Z9QF

لا بد لطالب الطب ان يمتحن عملى على الحالات لمعرفة مدى

قدرته على تشخيص المرض ،

وهناك مجموعة من المرضى اصحاب الامراض المزمنة مثل

امراض صمامات القلب ، وامراض الصدر المزمنة وامراض

المناعة مثل الذئبة الحمراء والروماتويد وغيرها ،وهؤلاء

المرضى اكتسبوا معلومات كثيرة عن الامراض الخاصة بهم

من كثرة حضورهم فى الدروس الخاصة وكذلك فى ايام

الامتحانات حيث يتوجهون الى المستشفيات الجامية قبل

الامتحانات ليتم الاستعانة بهم فى امتحانات الطلبة ،

ويبدو ان الامر تحول مع الوقت الى سبوبة واكل عيش بالنسبة

لهم حيث انهم يتقاضون مبلغ من المال من كل طالب قبل ان

يدلوا بأى معلومة عن مرضهم او حتى قبل ان ينطقوا باسمهم

وهذا حوار دار بين مريض وطالب طب فى لجنة امتحان

عملى :

الطالب :صباح الانوار.

المريض :صباحك نادى .

الطالب :اسم الكريم ايه؟

المريض :اسمى مجدى .وسنى 45سنة ،ومن شبرا ،ومدخن

ومتزوج ومهنتى ..

الطالب :ما شاء الله ،دا انت فلة ،وعارف كل اللى انا عايزه

المريض :بص يا بيه ،انا ولله الحمد عارف كل اللى مطلوب

وممكن امليه لك بالانجليزى وتكتبه فى الشيت ،بس انت فتح

مخك معايا وشخلل جيبك .

الطالب :آه آه ،تمام تمام ،قلى ايه المطلوب ؟؟

المريض :انا باخد 300جنيه ،بس انت شكلك انسان محترم ودوغرى وعشان كده هاخد منك 200جنيه بس .

الطالب :انت مش شايف ان دا كتير شوية ؟

المريض :والله يا بيه فى بهوات زيك مبيسألونيش ع الفلوس

ابدا ،الواحد او الواحدة منهم تروح خابشة ومديانى الاقيهم 400

او 500 جنيه انا ونصيبى .

الطالب :يا سيدى كل واحد ومقدرته ،والطالبة اللى زى كده

تلاقى مصروف ايديها اكثر من 300جنيه فى اليوم .

المريض :طب انت معاك كام ؟؟

الطالب :أنا عامل حسابى على 100 جنيه ليك ؟

المريض :لا يا بيه ؟قليل قوى والله ،خليهم 150 جنيه .

الطالب :لاحظ انى انا لسه قدامى كذا مريض غيرك ،وكله

فاتح يده وعايز فلوس .

المريض :يا بيه بكره تتخرجوا وتلموهم تانى اضعاف اضعاف

اللى صرفتوه .

الطالب :والناس ترجع تقولك الدكاترة رافعة تمن الكشف ليه ؟

يجوا يشوفوا اللى احنا بنشوفه ؟

ماشى يا عم الحج مجدى ،هاديك 150 جنيه وامرى لله ،

المريض :تمام كده اتفقنا ،

ويبدأ المريض فى سرد التاريخ المرضى لحالته منذ البداية وما

تناوله من ادوية او قام به من فحوصات

ويتم مناقشة الطالب عن الحالة المرضية وسؤاله عنها تفصيليا

عن طريق الاساتذة الممتحنين ،

وبعد الامتحان يلتقى الطلبة ويحكى كل واحد منهم عن مريضه

والحوار الذى دار معه وكم دفع له من المال ؟

وتعلو الضحكات والقفشات عن المرضى والطلاب .

_________________
^يوميات طبيب ^حصريا [1] - صفحة 2 002m052Z9QF

لا انسى هذا اليوم ..

كنت أعمل فى مستشفى خاص ،بمنطقة بولاق الدكرور وكان

نوبة عملى تبدأ من 8 مساء حتى 8 صباحا ،وكنت يومها

طبيب امتياز ،وحضر للمستشفى مريض يعانى من مغص كلوى

شديد ،والذى يتسبب غالبا عن وجود حصوة فى الكلى او

الحالب ونتيجة لمحاولة الجسم لطردها خارجا تحدث هذا

المغص المبرح ..

المهم .. المريض حضر حوالى الساعة 11 مساء وهو لا

يستطيع الكلام من شدة الالم ،فأخبرتنى زوجته انهم من 5

صباحا وهم يطوفون به على المستشفيات والمستوصفات

ومفيش فايدة ،كل مكان يدولو حقنة مسكن يروح مفعولها

ويرجع الالم اسوأ من الاول .

والراجل بدا عليه الارهاق والاعياء الشديد نتيجة المغص الشديد

ونتيجة عدم النوم من الفجر وحتى 11 مساء .

وقررت اعطاءه محلول جلوكوز وريدى وعليه كوكتيل .وكلمة

كوكتيل كلمة دارجة بين شباب الاطباء تعنى مجموعة من

الحقن على محلول لتعطى مفعول اقوى .وهناك كوكتيل

لارتفاع درجة الحرارة وكوكتيل للمغص الكلوى وكوكتيل لازمة

الربو الشعبى وهكذا ..

وقام الممرض باعطاء المريض محروس جلوكوز وعليه

كوكتيل المغص الكلوى ،وبدأ المغص يهدأ شيئا فشيئا ،وبدأ

آهات وآلام محروس تسكت بالتدريج ..

وكان المريض وزوجته فى حجرة خاصة ،وكنت فى صالة

الاستقبال وفوجئت بالزوجة تصرخ بأعلى صوتها :يا خراب

بيتك يا محروس !يا خراب بيتك يا محروس !

فقد ظنت ان زوجها مات .

فأسرعت ومعى التمريض اليهما ،وظننت ان الرجل قد مات ،

وما حدث ان الرجل عندما بدأ المغص يهدأ ويختفى بالتدريج

راح فى نوم عميق وكما قلت سابقا انه لم ينم منذ الفجر

وعلى صراخ الزوجة استيقظ محروس وقال لزوجته :فيه ايه

؟مالك بتصوتى ليه ؟منك لله يا شيخة صحتينى بعد ما عينى

غفلت وبدأت ارتاح !

اما انا فقلت لها :مالك فيه ايه؟ ما هو الراجل زى الحصان

اهوه ! الراجل لما خف المغص نام وبيشخر .

وردت السيدة :اعذرنى يا بيه ! لما لقيته بطل يتألم وبيشخر

افتكرت انى دى شخرة الموت .

وانصرف محروس وهو يشكرنى ويمطرنى بوابل من الاطراء

والثناء ،فقلت له يا حج محروس ما نحن الا اسباب والشافى

هو الله .وأوصيته بعمل تحليل بول واشعة على الكليتين والمثانة

لمعرفة السبب وراء المغص وعلاجه حتى لا يتكرر الامر بعد

ذلك .

_________________
^يوميات طبيب ^حصريا [1] - صفحة 2 002m052Z9QF

السلام عليكم عابر سبيل
بجد انا عن نفسى بنتظر يوميات طبيب لمعرفة ما يدور
لكن الموقف الرررائع بين الطبيب والمريض طريف جدا ونجد المريض بيستغل الطيب استغلال جامد لانه واثق وعارف أن الطيب سيأتى اليوم ليستغل فيه المريض فهذا تخليص تار ههههه يعنى المريض بيسبق الطبيب فى الاستغلال
يوميات جميلة جدا وطريفة
,,,,,,,,,
الموقف التانى فيه أنسانية مريض شفاه الله وجعلك سبب فى علاجة ، أنت طيب فيك الخير
والزوجة معذوره لكن واجب التريس وطلب الطبيب لينظر ما حدث للمريض
حقا عابر سبيل موضوع قمة ررررائع بنتظرة بقوة اشكرك

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

دكتور عابر سبيل ممكن سؤال
هل انت فعلا طبيب
اوعي تقول لا لان كدة يبقي ذكائي المتواضع ضحك عليا واداني بمبة
صح انت دكتور يا دكتور

يحيي ابراهيم محمد كتب:: دكتور عابر سبيل ممكن سؤال
هل انت فعلا طبيب
اوعي تقول لا لان كدة يبقي ذكائي المتواضع ضحك عليا واداني بمبة
صح انت دكتور يا دكتور

هههههههههه هههههههههههه

لقد سألت وأجبت !

وانا مقدرش اقولك لا ،ويمكنك قراءة مقدمة المذكرات او

سؤال استاذة نبيلة .

حبيب قلبى يا ابو ابراهيم .

_________________
^يوميات طبيب ^حصريا [1] - صفحة 2 002m052Z9QF

ههههههههههههههههه عابر سبيل
كل شيجن أنكشفون وبان ههههههه على رأى عبد المنعم مدبولى
خلاص كل حاجه ظهرت وبانت هههههههههههههه
لا مخرج لك عابر سبيل وقعت فى ايد يحيى هههههههههههههههه ويحيى مبيرحمش حد ههههههههههههه
ربنا يخلينا كلنا لبعض ما شاء الله على الصحبة الطيبة والكلمات الطيبة اشكر عابر سبيل

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

شكرا لك استاذة نبيلة على المجهود
المبذول لرفعة المنتدى
والى الامام الى الامام
مش عارف ليه كل ما اقرا او اكتب الكلمة دى (الى الامام الى الامام )
تقفز الى ذهنى صورة الاخ العقيد العنيد .

_________________
^يوميات طبيب ^حصريا [1] - صفحة 2 002m052Z9QF

ههههههههههههههههه عابر سبيل
سبحان الله شئ يضحك وشئ تزعل
لكن ربنا سبحانه وتعالى سبحان من يغير الأحوال
ربنا يقدرنى ويقدركوا على رفعه شأن المنتدى الذى أنشئ بنية أعلا كلمة الله والأخلاص لله شكرا لك

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

كنت اعمل فى فترة التكليف

فى احدى محافظات الصعيد ، وهى فترة بعد التخرج لا بد ان

يقضيها الطبيب فى الريف

وكنت اعمل باحدى الوحدات الصحية المنتشرة فى ربوع مصر

وجاءتنى مريضة ومعها صديقتها ،وكانت المريضة تشكو من

مغص بالبطن وميل الى القيئ (غممان نفس )،

وسألتها :انت متجوزة ؟.

المريضة :ايوة يا دكتور .

س : الدورة الشهرية متأخرة عن مواعيدها ؟ .

المريضة :ايوة يا دكتور .

س :بتاخدى وسيلة منع حمل ؟

المريضة :لا يا دكتور .

س :حنعمل اختبار حمل عن طريق عينة من البول علشان

منديش علاج يؤثر ع الحمل .

المريضة :حاضر يا دكتور ،

واحضرت عينة بول وقمت بعمل اختبار حمل لها قبل اعطاء

اى علاج ،وتأكد من التحليل انها غير حامل وتم وصف العلاج

اللازم لها ،وقبل ان تنصرف السيدتان قالت لى صديقتها :ممكن

لو سمحت تكتب لى اى حاجة للمغص .

فقلت لها نفس الاسئلة ،:انت متجوزة ؟

فقاطعتنى قائلة :متقوليش اعملى اختبار حمل لانى عاقر

مبخلفش ،فقلت لها :مين اللى قال كده ؟

قالت لى :يا دكتور انا اجوزت 4 رجال ،كل راجل منهم ياخد

معاى سنة او 2 او 3 وميحصلش حمل ،فيطلقنى ويجوز

غيرى ويخلف عيال .

كل الاربعة اللى اجوزتهم خلفوا من زوجاتهم .يبقى العيب من

مين ؟

قلت لها : طيب جوزك الخامس ده ،اجوزك ليه ؟

قالت لى : دا ابن عمى وكبير فى السن حوالى 55 سنة

ومجوز ومخلف من واحدة اخرى ،وعياله كبار ،ومجوزنى

سترة لىّ من كلام الناس .

وانا روتينى فى عملى الطبى ولا افعل شيئ الا بعد التأكد منه

فقلت لها كنوع من الحيلة انا عايز اعمل تحليل املاح فى البول

علشان ممكن تكون هى سبب المغص .

قالت لى :حاضر ،وقمت بعمل اختبار حمل على البول الى

جانب تحليل الاملاح الذى لم انظر اليه ،

وكانت مفاجأة لا تخطر على بال !

شريط اختبار الحمل يثبت انها حامل ،

ولكن لا يمكننى اخبارها بأمر مثل هذا قبل ان اكون متأكد

بنسبة 100% من انها حامل ،وشرايط الاختبار قد تكون تالفة

واحتمال الخطأ وارد فى كل عمل بشرى .

اذن لا بد من التأكد عن طريق الاشعة التليفزيونية هل يوجد

حمل ام لا ؟

فقلت للسيدة : نسبة الاملاح فى البول عالية ، ولا بد من عمل

اشعة تليفزيونية لنرى هل هناك املاح مترسبة بالكلية او المثانة ،

واصطحبت السيدتان الى الغرفة الخاصة بالأشعة التليفزيونية

وتأكدت انها حامل لانى شايف الجنين بعينى ،ولكن كيف

اخبرها بذلك ،فعلوم الطب التى درستها تقول ان الفرح الشديد

مثل الحزن الشديد ،كلاهما سيئ ،وقد يموت الانسان من شدة

الفرح كما يموت من شدة الحزن .

فقلت لها بلطف شديد :أليس كل شيئ بيد الله ؟وهو سبحانه قادر

على كل شيئ ؟

قالت :نعم يا دكتور ربنا قادر على كل شيئ ،بس هو فيه ايه ؟

قلت لها :الحمد لله ربنا اكرمك بعد طول صبر ،وانت حامل.

فصرخت السيدة وهى تقول :معقوولة ، بعد كل السنين دى ..

معقوولة.. معقوولة ..ربنا يجبر خاطرى بعد 15 سنة

لا لا ..انت متأكد يا دكتور ..

وقامت السيدة باحتضانى وهى تبكى بشدة ..

وحاولت ومعى السيدة الاخرى ان نهدأها ،وبعد مدة هدأت

السيدة وقلت لها طبعا انا متأكد واختبار الحمل كان ايجابى

وادى صورة الجنين على التليفزيون ..

والمحرج فى الامر ان هناك مجموعة من المرضى كانوا

منتظرين دورهم للكشف خارج حجرة الاشعة وعندما سمعوا

صراخ السيدة هبوا واقفين ومنعاَ لسوء الظن قمت باخراج

السيدتين من حجرة الاشعة وانا اقول باعلى صوتى وموجها

كلامى الى السيدة التى ما زالت تبكى من الفرحة :قولى الحمد

لله بدل البكاء ،احمدى ربنا واشكريه .

فتساءل الناس هو فيه ايه يا دكتور ؟ فقلت لهم ان هذه السيدة لم

تنجب منذ 15 سنة وهى الان حامل حمل مؤكد بالاشعة

التليفزيونية .

فقالوا جميعا : الله أكبر... الله أكبر ، قادر على كل شيئ

وبعد مرور عامين من هذا اليوم وبينما كنت اعمل فى العيادة

دخلت علىّ سيدة وهى تحمل طفلا جميلا له بشرة بيضاء

صافية وشعره اسود طويل ومتدلى على وجنتيه ،وقالت لى

عايزة اكشف للولد يا دكتور !

قلت لها اتفضلى استريحى ، فقالت لى انت فاكرنى ؟ فقلت لها

اعذرينى ذاكرتى لم تسعفنى !

قالت لى :انا اللى جتلك من سنتين وبشرتنى بالحمل ،كلامك

صحيح وهو دا الولد .

فقلت سبحان الله ...

_________________
^يوميات طبيب ^حصريا [1] - صفحة 2 002m052Z9QF

السلام عليكم يا وش الخير عابر سبيل
سحان الله سبحان القادر
الله أكبر... الله أكبر ، قادر على كل شيئ
الحمد لله على عطاءة وعلى منعه هذا خير وهذا خير
وماشاء الله عابر سبيل على طريقة اخبارك لها بأنها حامل طريقة جميلة راقية
:أليس كل شيئ بيد الله ؟وهو سبحانه قادر

على كل شيئ ؟
ونعمه بالله أنه قادر على كل شئ
كل الشكر والتقدير لك عابر سبيل جزاك الله خيرا

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

السلام عليكم ورحمة الله وبركاته
بارك الله فيك علي هذا المجهود الرائع

والمعلومات القيّمة

...

اختينا نبيلة وسلوى
اشكر مروركما ورقيق ردكما

_________________
^يوميات طبيب ^حصريا [1] - صفحة 2 002m052Z9QF

موضوع: ادينى عمر .. الجمعة سبتمبر 14, 2012 8:38 pm

الساعة حوالى الثالثة بعد منتصف الليل
البرد قارس ،والشتاء يفرض حظر الخروج ..
واذا برجل قادم يطرق باب الاستراحة الخاصة بى يستنجدنى
لأمرأته المتعثرة فى الولادة ،فخرجت مضطرا ورحت اتجاذب معه اطراف الحديث حتى نصل الى البيت :
انا : هى الحالة متعثرة بقالها زمن ؟؟
الرجل : والله هى بقالها فترة ،واحنا لما لقيناها طولت قوى قولنا نستدعى الدكتور يشوفها ,
انا : بس دى ممكن تحتاج نقل للمستشفى .
الرجل : يا بيه مش حنقدر ننقلها وهى كده ،
انا : ازاى يعنى مش حتقدر ؟؟
الرجل : اصله يا بيه العيل نازل كله بره الا راسه ،
انا : يخرب بيتك !وسيبنا نحكى وماشيين على مهلنا !مد الخطوة واسرع شويه ،المولود ممكن يموت كده !
الرجل : يا بيه ولا يهمك ،البيت مليان بنات غيرها ،
انا : اظن لو كان ولد كنت جريت جرى ؟؟
الرجل : هاههههههه.
واسرعت الخطى وانا استحضر الطرق الصحيحة لاستخراج الرأس ،وهى مشكله فى حالات الولادة عندما ينزل المولود برجليه وتبقى الرأس ،فيما يسمى فى الطب (after coming head)
ووصلنا الى المنزل الريفى البسيط ودخلت الى الحجرة التى بها الحالة وبها اضاءة خافتة ،فوجدت المولود نزل كله الا رأسه ، ومن حسن الحظ ان المولود كان صغير الحجم ورأسه صغيرة فلم تستغرق زمنا فى النزول ،وبعد نزول الرأس اخذت احاول اسعاف المولودة ، فقالت لى السيدات الحاضرات :يا بيه خليك فى الام ،لانى المولودة ميتة ،
والام كانت مجهدة من طول الولادة والضعف العام الذى تشكو منه ، فولدت المشيمة ( الخلاص) ،واعطيتها حقن لمنع النزيف وحث الرحم على الانقباض ،واتممت كل شيئ وهممت بالانصراف ،واذا بالمولودة تصدر صوتا يشبه العطاس ، فتناولتها وقمت ببعض الاسعافات الاولية لها ووضعتها فى لفافة سميكة من القطن لان وزنها كان ناقص جدا وتعتبر مبتسرة ،والقطن سيحميها من الموت بردا ،
وقلت لابيها لا بد من وضعها فى الحضانة بالمستشفى العام ،
وانا اعلم انه لن يفعل ، وظننت ان المولودة ستموت حتما .
وبعد عدة اشهر تأتى الى فتاة تحمل طفلة صغيرة للكشف عليها فقالت لى :هذه هى المولودة اللى كانت متعثرة فى ولادتها ،
فقلت سبحان الله
وتذكرت المثل القائل ادينى عمر وارمينى فى البحر .
وهى نجت حقا من بحر الجهل والاهمال .

_________________
^يوميات طبيب ^حصريا [1] - صفحة 2 002m052Z9QF

باارك الله فيك سلمت يداااااك على هذا الطرح الراااائع والاكثررر من رااائع
الله يعطيك الف عااافيه واتمنى لك التوفيق وسعاااده دااائمه يااارب

السلام عليكم عابر سبيل
سبحان الله كتب لها عمر
سبحان الله الخالق رغم أن الحالة كانت صعبه جدا الا أن الله أراد لها الحياة رغم اهمال الزوج وتباطئة
أنت تقول بسرعه المولود ممكن يموت وهو يرد ويقول ولا يهمك البيت مليان عيال
طيب والأم المسكينة والمعاناه ليس لها ثمن لا اله الا الله
ورغم هذا أراد الله لها البقاء
كل الشكر والتقدير لك عابر سبيل المبدع والله وحشتنا مواضيعك الجميلة ووجود المميز

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

سبحان الله وبحمده سبحان الله العظيم
لله طرائق عدد أنفاس الخلائق
الله يساعدكم ياأطباء على
نساء هذا الزمان ويلهم ربي نساء المسلمين رشدهم ويقيهم شر أنفسهم مذكرات
تجعلك تؤمن أن الله حليم ستار

جزاك الله خيرا

جعله الله فى ميزان حسناتك

موضوع في قمة الروعه
لا عدمنا التميز و روعة الاختيار
دمت لنا ودام تالقك الدائم

جزاك الله خيرا وتقبل االله منا ومنك

جزاك الله خيرا

صفحات من الزمن الجميل

_________________
^يوميات طبيب ^حصريا [1] - صفحة 2 002m052Z9QF

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

» تبحث عن طبيب اون لاين يوفر عليك عناء الذهاب للطبيب والبحث عن طبيب متخصص !!!
» يوميات طالبة(حصرى)
» كن }} طبيب {{ نفسك }} جراااااااح {{ قلبك.