ثورة 25 يناير عام 1952
لو حدثت ثورة 25 يناير في عام 52 فعلا وكان موجودا الانتر نت وقتها والمحمول
ماذا كان يحدث
حوار تخيلي مع الملك فاروق وحاشيتة
يقوم الملك فاروق مع علي جهاز الكمبيوتر مفزوعا
ومناديا فين حسين حسني فين سكرتيرنا الخصوصي
فين المحروق بولي
البلد بتوع الولاد بتوع الجيش هيولعوا البلد
الضباط الأحرار هيحرقوا البلد
فين وزير الداخلية علي ماهر
فين حيدر باشا وزير الدفاع
يقترب بولي القواد الخاص بجلالة الملك مترنحا
بولي .. نهارك سعيد مولانا المعظم
فاروق .. نهارك مهبب بولي انت جاي لي تتطوح علي الصبح
بولي.. سموك زعلان لية ع الصبح هيا سهرة امبارح
ما كانتش علي مزاج سموك
فاروق..سهرة اية يا حيووووووووووووووووووووان البلد بتولع وانت بتقول لي سهرة
بولي مندهشا.. تاني يا مولانا مصر بتولع
فاروق ثائرا انت صابح شارب اية ع الصبح يا حيوان
بولي.. متراجعا بظهرة ويرفع يدية الي راسة محنيا ظهرة معتذرا
فودكا يا مولاي فودكافودكا
فاروق... فودكا يا حيوان ع الصبح
بولي...نغيرها يا افندم نغيرها
يتذكر فاروق الهدف الذي نادي بولي من اجلة
فاروق.. البلد بتولع يا بولي بكرة مصر هتولع
بولي محدثا نفسة هي مش ولعت في 26 يناير السنة دي
يسمعة فاروق
انت يا حيوان 26 يناير دة حاجة وبكرة حاجة تانية
بولي النهاردة كام
بولي.. النهاردة يا مولاي 25 يناير
فاروق انت بصيت في النتيجة الصبح النهاردة يا متخلف 22 يوليو عام 1952
بولي .. مش عارف يا مولاي لكن 25 يناير دة لازق في دماغي ازاي
فاروق .. اسمع بولي انت دخلت ع الفيس بوك امبارح
بولي..ملوحيا بيدية دلالة انة لم يفعل
فاروق.. ولا التويتر ولا كلمت اصحابك ع الياهوو
بولي .. لا يا مولاي والله ما حصل اية بس فية اية
فاروق .. فية ان شوية ولاد عاوزك تجيبهم لي هنا
تخلي حيدر يجيبهم في ظرف ساعة
بولي.. هما الولاد دول من الجيش يا مولانا
فاروق .. امال تفتكر بيلعبوا في نادي المختلط
ايوة في الجيش دول ولاد عاوزين يقوموا بثورة ضد النظام الملكي ضدي انا فاروق الأول ملك مصر والسودان
حفيد الملوك العظام
بولي.. هو الجيش اللي ناوي يعملها انا كنت فاكر ان الشعب هو اللي هيعملها ع العموم كمان 50 او 60 سنة يعملها الشعب
فاروق .. بتقول اية يا حيوان خد الورقة دي وهات لي الأسماء اللي فيها
بولي ياخذ الورقة ويقراء
حسين الشافعى
محمد نجيب يوسف
مصطفى كامل مراد
عبد اللطيف البغدادي
كمال الدين حسين عبد الرحمن
جمال عبد الناصر حسين
خالد محي الدين
زكريا محي الدين
يوسف صديق
محمد أنور السادات
عبد الحكيم عامر كل دول يا مولاي
ايوة يا سيدي هما دول الولاد بتوع الجيش
ثم ينادي يا حيدر
يا حيدر
هو راح فين
يدخل علي ماهر وزير الداخلية مسرعا
نهارك سعيد مولانا
فاروق.. نهار مهبب نهار قطران انت نايم في العسل
ينظر علي ماهر الي بولي
ويتشاغل فاروق ياشعال سيجار من النوع الكوبي الفاخر
بينما يرفع بولي يدية الي راسة مكورا اية ويحركها يمنا ويسار يحاول ان يفهم علي ماهر ان جلالتة عقلة مفوت
ينظر فاروق الي علي ماهر
شوف يا علي
ثم يحكي لة
امبارح وانا ع الفيس بوك وانت عارف اني عامل اكوانت
باسم اوجيني وانت عارف اني بحب الملكة اوجيني قد اية
لقيت ولد باعت لي رسالة نتقابل بكرة في التحرير لأسقاط الملك
علي ماهر.. تحرير اية يا مولانا
فاروق.. مالك يا علي ميدان التحرير يا اخي
انت عارف ان فرنسا كانت طالبة انها تشترية
انا بفكر ابيعة واخلص منة
حيدر فين حييييييييييييييييييييييدر فين
يدخل حيدر باشا
فاروق .. اية اللي بيحصل عندك دة في الجيش يا حيدر
حيدر.. كلة تمام مولانا
فاروق تمام ازاي والولاد بتوع الضباط الأحرار
حيدر مولانا لا تقلق كل شئ تحت السيطرة
الجيش كلة ولاء لمولانا المعظم ملك مصر والسودان
فاروق.. يا علي باشا اعمل أي حاجة اقطع النت
ملعون ابو الفيس بوك ع التويتر علي ميدان التحرير
واقطع اتصالات المحمول
علي ماهر مندهشا
محمول اية ونت اية مولانا
ينتقل المشهد الي مكان اخر
جمال عبد الناصر والضباط الأحرار
جمال عبد الناصر منفعلا
يا جماعة ما عدش وقت لابد من التبكير
بالثورة دلوقتي قبل ساعة
مصادرنا قالت ان اسمائنا كانت في ايد الملك
كلنا هنتعلق ع المشانق
محمد نجيب.. انا مستعد اروح لفاروق واطالبة بالتنحي
لكن لابد اولا من السيطرة علي الجيش
ومبني الأذاعة وكل مرافق الدولة الحيوية
جمال حماد يكتب الخطاب
يلا يا جماعة لابد ان نسابق الزمن
كل لحظة تقربنا من حبل المشنقة
يسمع صوت اصوات في الخارج
مش هنمشي هو يمشي
الجيش والشعب ايد واحدة
الشعب يريد اسقاط النظام
حالة من الوجوم علي وجوة الجميع
ينظر الجميع الي النتيجة المعلقة علي الحائط
تختلط الرؤي النتيجة تقول ان اليوم 25 يناير
2011
هو فية اية قالها احد الحضور احنا يا اخوانا في سنة كام
واية الناس دي كلها
احنا في سنة كام وفي أي عصر ودي أي ثورة
52 ولا 2011 ويوم 26 يوليو سمع العالم مولانا الملك المعظم فاروق وهو يقول
أمر ملكي رقم 65 لسنة 1952
نحن فاروق الأول ملك مصر والسودان لما كنا نتطلب الخير دائما لأمتنا ونبتغي سعادتها ورقيها ولما كنا نرغب رغبه أكيدة فى تجنيب البلاد المصاعب التي تواجهها فى هذه الظروف الدقيقة ونزولا على إرادة الشعب قررنا النزول عن العرش لولي عهدنا الأمير أحمد فؤاد وأعهدنا أمرنا بهذا إلى حضرة صاحب المقام الرفيع على ماهر باشا رئيس مجلس الوزراء للعمل بمقتضاه. صدر بقصر رأس التين فى 4 ذي القعده سنة 1371ه 26يوليه سنة 1952.
ثم سمعت صوت المذياع يقول
"""يا شعب مصر الوفى اتحدث اليكم اليوم وانا خارج السلطة بعد ان تخليت عن منصب رئيس الجمهورية استجابة لمطلبكم لا احمل الان لقب رئيس ولا املك لاحد منكم شيئا. اتحدث اليكم بعد نجاح ثورتكم البيضاء التى اشاد بها العالم وفرضت على .كل شعوبه وحكامه ان ينظرو اليكم بعين الاحترام والتقدير وان يشهدو لكم بالعظمة والرقى والتحضر اتحدث اليكم اليوم وكلى امل ورجاء ان تستمعو لكلماتى باذان صاغية وروح مصرية عرفت بالتسامح وتربت على العفو لقدعشنا سويا على ارض مصر العزيزة على نفوسنا جميعا حاربنا من اجلها وقدمناارواحنا فداء لترابها الغالى وكرامتها وشموخها عشت معكم اياما سعيدة ذقنا فيها طعم الانتصار فى مجالات عديدة وتجرعنا مرارة الالم فى احداث وأزمات وكوارث المت بنا وتجاوزناها بعزيمة وارادة قوية.
محمد حسني مبارك
ثم قمت من نومي مفزوعا وقلت اللهم اجعلة خير
الثلاثاء أبريل 23, 2024 10:20 pm من طرف مريم صلاح
