مسحراتي مصر

بمناسبة شهر رمضان المبارك اطوف كل يوم في محافظة لتسحيرها

القاهرة
مسحراتي منقراتي والدق علي طبلي
هليت يا رمضان يا مجمع
الاحباب والدق دة طاب لي
لما وصل رمضان علي كتفي طبطب لي
وقال لي قوم وكفاية نوم سمعني صوتك دة صوتك دة بيطيب لي
وسحر عباد كما الزهاد في بحري وفي قبلي

علي القاهرة العامرة شديت الرحال
علي الحسين سحرتهم وقابلت احلي رجال
يا بن بنت النبي جايلك وسفري بعيد
اسحر هنا اهلي ولا اخلف المواعيد
في القاهرة الساحرة من عطفة لحارة لبيت
في السيدة افطر وفي الحسين صليت
من نيلك العنبر يا غالية اتوضيت
يا عم نبيلة ويا نبيلة يلا نتسحر
الفجر راح يدن وسحورنا يتاخر
في الجامع الأزهر المدنة بتنور
وفي رحاب الحبايب نفسي اتصور
مسحراتي منقراتي والطبلة بتنادي
يا عم قوم اصحي وصلي ع الهادي
اصحي ياعم سميح صحصح يا عب هادي
يا مصر يا ام العرب كالبلبل الشادي
رمضان زينة الشهور رمضان يكون نادي
علي كل اهل الحضر والبدو والوادي
مسحراتي انا لفيتها بيت ورا بيت
م القاهرة لأسوان لا عمري يوم مليت
دة الدق طاب لي والمشي علي طبلي
مدد يا عز الرجال بركات سيدي الشبلي

اخي الجميل نبيل شباب ورد الجناين
نبيلة احمد فرج عابر سبيل كل من عطر موضوعي بالمرور شكرا لكم جميعا