~ منتديات الرحمة والمغفرة ~
. منتديات الرحمة والمغفرة على منهج اهل السنة والجماعة

: ( كُنْتُمْ خَيْرَ أُمّةٍ أُخْرِجَتْ لِلنّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِالله )

نداء إلى أنصار رسول الله " صلى الله عليه وسلم "أنضم الينا لنصرة رسولنا من خلال منتدى الرحمة والمغفرة

. لزوارنا الاعزاء ومن يرغب بالتسجيل بمنتدانا ... بادر وسجل نفسك بالمنتدى لنشر الإسلام

أهلا وسهلا بك زائرنا الكريم,

~ منتديات الرحمة والمغفرة ~

~ معاً نتعايش بالرحمة ~
 
الرئيسيةاليوميةس .و .جبحـثقائمة الاعضاءالمجموعاتقناة الرحمة والمغفرة يوتيوبفيس بوكتويترمركز تحميل للصورالتسجيلدخول
منتديات الرحمة والمغفرة على منهج اهل السنة والجماعة
( كُنْتُمْ خَيْرَ أُمّةٍ أُخْرِجَتْ لِلنّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِالله ) . نداء إلى أنصار رسول الله "صلى الله عليه وسلم "أنضم الينا لنصرة رسولنا من خلال منتديات " الرحمة والمغفرة ". لزوارنا الاعزاء ومن يرغب بالتسجيل بمنتدانا . بادر وسجل نفسك بالمنتدى لنشرالإسلام .مديرة الموقع / نبيلة محمود خليل


تنويه .. لكل الأعضاء : على كل من يرغب فى عمل موضوع مشترك بينه وبين أى عضو من الأعضاء .. عليه أن يخبره فقط فى قسم حوار مفتوح بين الأدارة والأعضاء .. وقد تم تحديد يوم الجمعه فقط  للردود على الموضوعات  التى لم يرد عليها .. وأيضا الردود على الموضوعات القديمه .. شكرا

أعلان ... أرجو من الأعضاء الألتزم بوضع موضوع وأحد فقط فى كل قسم حتى نستطيع قرأتها بتمعن - موضوع واحد يقرأ أفضل من عدة مواضيع لا تقرأ - أشكركم


المواضيع الأخيرة
بحـث
 
 

نتائج البحث
 
Rechercher بحث متقدم
مشروع تحفيظ القران
 
تلفزيون الرحمة والمغفرة
نشرة اخبار منتدى الرحمة واالمغفرة
توك توك منتديات الرحمة والمغفرة

كاميرا منتديات الرحمة والمغفرة



شركة طيران منتديات الرحمة والمغفرة

أفضل 10 أعضاء في هذا الأسبوع
نبيلة محمود خليل
 
عزمي ابراهيم عزيز
 
ناريمان
 
كلمة حق
 
المواضيع الأكثر نشاطاً
مع كل إشراقة شمس ^ بصبح عليك^ مع وعد الله ونبيلة محمود خليل ^ حصرياً
مشروع حفظ القرآن والتجويد"مع نبيلة محمود خليل"" حصرى"
^ من اليوم أنتهى عهد نبيل خليل ^ أدخل وشوف مطعم منتديات الرحمة والمغفرة مع نبيلة ونبيل ^
تليفزيون منتديات الرحمة والمغفرة يقدم لكم "برنامج الوصول إلى مرضات الله " مع نبيلة محمود خليل" كلمة حق"
بريد منتديات الرحمة والمغفرة ^ ظرف جواب ^ مع نبيلة محمود خليل وكلمة حق ^ حصرياً
^ نشرة أخبار منتديات" الرحمة والمغفرة " مع نبيلة محمود خليل"حصرياً "
* كلمة للتاريخ * مع نبيلة محمود خليل ود / محمد بغدادى * حصرى
^ كاميرا منتديات الرحمة والمغفرة ^ إبتسامة كاميرا ^ مع نبيلة محمود خليل وكلمة حق ^ حصرياً ^
^^ دورة التبسيط فى دقائق علم التجويد ^^
,, قلوب حائرة ,, وقضايا شبابية متجدد ,, مع نبيلة محمود خليل ونبيل خليل ,,

شاطر | 
 

 {{حكايات ألف عريس وعريس }} مع {{ نبيلة ونبيل}}

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
نبيلة محمود خليل
مديرة موقع الرحمة والمغفرة
مديرة موقع الرحمة والمغفرة


عين تدمع
الدولة : مصر
انثى عدد المساهمات : 17129
نقاط : 26559
تاريخ التسجيل : 31/08/2009
العمل/الترفيه : مديرة موقع الرحمة والمغفرة
المزاج : الحمد الله
تعاليق : اللهم اجعلنا ممن يدعون الجنة من أبوابها كلها

مُساهمةموضوع: {{حكايات ألف عريس وعريس }} مع {{ نبيلة ونبيل}}    الثلاثاء مايو 14, 2013 12:19 pm

تذكير بمساهمة فاتح الموضوع :

حگآيآت ألف عريس وعريس

حگآيآت مختلفة متچدد پين نپيلة ونپيل

وعرسآن يتقدمون لنپيلة گثيريين


لگن مآذآ تفعل معهم نپيلة

آلأن نپدأ آلحگآيآت

آلحگآية آلآولى

آلفصـــــــل آلآول
چآئني يآقرآء يآ گرآم .. أنه وفي آحدى آلأيآم
ولمآ نپيلة تمت 28 سنة ..



وقآعدة في آوضتهآ پترسم .. ومتسلطنة
آتصلت پيهآ وآحدة معرفة
وقلپت عليهآ آلموآچع آلمقرفة
آنآ : آلو


آهلآ يآ طنط آزآي حضرتگ ؟


هي : آزيگ يآ پلپله آخپآرگ آيه ؟

- آلحمدلله ..
- هو يآ پلپله مهندس .. عندو زي 32 آو 33



( يووووه وده وقت عرسآن !! ... گفآية پقى آنآ قرفت من آلسيرة دي حگآيآت ألف عريس وعريس (( آلپشمهندس نپيل !)


- ممم .. آنتي تعرفيه شخصيآ ؟
- آيوة طپعآ .. شآپ وسيم وعندو گآريزمآ گده مآشآء آلله شپه آلممثلين .. دمه خفيف وطيپ
- وآلله يآ طنط مآ آگدپش عليگي آنآ مآعنديش آي آستعدآد آقآپل عرسآن في آلفترة دي .. قرفآنة

-
ليه گده مآ تقوليش آلگلآم ده يآ حپيپتي رپنآ آن شآء آلله هيعوض صپرگ خير
وآلله آلپشمهندس محمد شآپ تتمنآه آي پنت ولو گآن ده نصيپگ تأگدي آن رپنآ
پيحپگ




- آنآ فقدت آلآمل خلآص حگآيآت ألف عريس وعريس (( آلپشمهندس نپيل !
- لآ لآ لآ آوعي تقولي آلگلآم ده .. حسني نفسيتگ وآنآ هتفق معآه ييچي يشوفگ آيه رأيگ ؟
؟
- مآ تأچليهآ شوية يآ طنط
- آنتي عآيزة تطيري آلرآچل ولآ آيه ؟
- يآطنط ق
عدة آلعرسآن وآلصآلون چآپولي عقدة خلآص !



- آستغفري رپگ وروقي گده وآدعي رپنآ تگون دي آخر مرة ..
- آستغفر آلله آلعظيم ..
- هگلمه وآخد منه موعد وآپلغگ ..

- طيپ .. زي مآ تحپي
وچآء آليوم آلمنتظر ..

آستعديت على مضض للقآء آلعريس ..آهلي گلهم متفآئلين
آلآ آنآ مش قآدرة أتفآئل ..
آصلي پقيت متخيلة آلمشهد قپل مآ آشوفه .. هيسألني في آيه وهسأله في آيه .. آلنظرآت وآلحرگآت

آلله آعلم آيه آلآحرآچ آللي مستنيني في آلموقف ده گل مرة يحصلي مقلپ حگآيآت ألف عريس وعريس (( آلپشمهندس نپيل!
وپقيت حآسة گده آن في مصيپة هتحصل

وصل آلپشمهندس نپيل ومعآه وآحد صآحپه



آخويآ ومآمآ قآعدين ومعآهم آلست آللي گآنت وسيط في آلموضوع
دخلت آلصآلون وحآسة پنفس آحسآس آلمصآپين پآلچدري
لآ عآيزة آشوف حد ولآ حد يشوفني
آنآ : آلسلآم عليگم حگآيآت ألف عريس وعريس (( آلپشمهندس نپيل!



آلگل پصوت وآحد : وعليگم آلسلآم ورحمة آلله وپرگآته
آخويآ : مآ قلتليش يآ پشمهندس نپيل .. آلشرگة آللي آنت پتشتغل فيهآ مقآولآت ؟
آلپشمهندس نپيل : آيوة وصآحپهآ رآچل رخم چدآ ..

هو ده ؟ يآ سعدگ يآ هنآگي يآ پلپله !! حگآيآت ألف عريس وعريس (( آلپشمهندس نپيل !
ده آمور آوي .. وپآين عليه لطيف .. وآپتسآمته چذآپة !
وپشرته گده پتلمع گأنه مستحمي حآلآ

حگآيآت ألف عريس وعريس (( آلپشمهندس نپيل !

آلعريس : پتشتغلي يآ آنسة ؟

رديت عليه پگسوف : لآ حگآيآت ألف عريس وعريس(( آلپشمهندس نپيل !
- رپنآ پيحپگ ... آحسن مآ يگونلگ مدير تحلمي پيه گل ليلة گآپوس هـهـهـهـ
ه
- هـهـهـهـه
- ده مچنني سآعة مآ يقولوآ يآ نپيل آلمدير عآيزگ پپقى نفسي آنط من آلشپآگ .. پفگر آچر شوية صعآيدة وينزلوآ پآلشوم على قرعته
- هـهـهـهـهـهـه


وآلگل ضحگ .. فعلآ وسيم وشخصيته چميلة .. يآي !

پآلزپط زي مآ قآلت آلست .. عنده حضور وگآريزمآ
هو آللي وآخد گل آلقعدة !

آلتوتر آللي گنت حآسة پيه رآح .. لأنه پيتگلم عآدي معآيآ وپشگل تلقآئي شآل آلقلق آللي گنت حآسة پيه

أخييييييييييييرآ يآ پلپله
ده پچد فآرس آلآحلآم

وآندمچت چدآ في آلقعدة ومش عآيزة آلوقت يمر
طلع عگس گل توقعآتي
حگآيآت ألف عريس وعريس(( آلپشمهندس نپيل !

آخويآ گآن قآعد پيقلپ في آلقنوآت ومن غير مآ يآخد پآله وقف على قنآة روتآنآ وگآنت هيفآ پتغني


آلعريس : آيه ده آيه ده آلظآهر حضرتگ من معچپين هيفآ ولآ آيه
آخويآ : هـهـهـهـه لآ يآ رآچل آعوذ پآلله دي چت گده صدفة

- يآ رآچل ! .. عليآ آنآ !
- هـهـهـهـهـه
- آنآ مش پطيق آلولية دي .. آه آسف يآ آنسة پلپله مش قصدي
آنآ : ليه ؟
- يعني لتگوني من معچپيهآ وآنآ عگيت في آلگلآم ..

- هـهـهـهـه لآ خآلص ..
- يعني آعگ زي مآ آنآ عآيز ؟

- عآدي خد رآحتگ في آلعگ حگآيآت ألف عريس وعريس(( آلپشمهندس نپيل !


_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almaghfera.ahlamontada.com

كاتب الموضوعرسالة
سلوى محمود
مشرفة منتديات الأسرة والمجتمع
مشرفة منتديات الأسرة والمجتمع


الوسام الفاضى
الدولة : مصر
انثى عدد المساهمات : 1756
نقاط : 2052
تاريخ التسجيل : 11/09/2009

مُساهمةموضوع: رد: {{حكايات ألف عريس وعريس }} مع {{ نبيلة ونبيل}}    السبت يونيو 01, 2013 8:34 pm

حلوة نبيلة ونبيل
نقول مغامرات نبيلة ونبيل هههه مشكورين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نبيل خليل
عضو فضى
عضو فضى


درع التميز
العمر : لحظه وجودى
الدولة : فلسطين
التوقيع : الكلمة الطيبة ذكر عدد المساهمات : 4907
نقاط : 11924
تاريخ التسجيل : 29/12/2010
الموقع : عند الشدائد جبل وفي الفرح ريشة
العمل/الترفيه : أزرع الطيبة و الإحسان بلا امضاء
المزاج : الحمد لله

مُساهمةموضوع: رد: {{حكايات ألف عريس وعريس }} مع {{ نبيلة ونبيل}}    الإثنين يونيو 03, 2013 9:21 am

جائني يا قراء يا كرام .. أنه .. وفي احدى الأيام
البت نبيلة .....

اتخطبت تالت ... و ..

اصل ... اصل ... خطيبها ..
المرة دي ....

أأأ ... أأأ ...

أأأأأأأأأأأأأأأأأأأأع

- شوفي يا بنتي ..
- ايوة يا بابا


-
المرة دي دكتور وبيحضر ماجستير في الجراحة , هو صحيح لسة طالب وما بيشتغلش
وظروفه مش مساعداه اوي , انما جاد في طلبه واحنا اللي يهمنا يا بنتي
الأخلاق واهو مستواه التعليمي ممتاز مش ده اللي انتي عايزاه ؟
وسنه من سنك بالزبط 27 سنة , انا سألت عنه وكل الناس شكرت فيه وقالولي جوزه بنتك وانت مغمض .. ها قلتي ايه ؟
- .....
- اقوله ييجي بكرة ؟؟
- اللي تشوفه يا بابا



هييييييييه هتجوز

- بقولك ايه المرة دي هتلبسي بنطلون قدام العريس فاهمة , وتحطي مكياج كويس على وشك
- اشمعنى يعني ...
- عشان تباني اصغر منه
( آااااه دخلنا في المرحلة الذهبية من حياة كل بنت .. وهي التعقيد من السن ! ... لازم نعمل احتفال بالمناسبة دي !! )
- بنطلون اوكي انما مكياج كتير لا !
ودخلت الصالون ... بخطى الخبير الواثق في مجال الخطوبات الصالونية


وانا داخلة : السلام عليكم ...
العريس وقف : وعليكم السلام ورحمة الله ... بسم الله ماشاء الله


وعمالة اقرب .. هو ده ! ..
معصعص ! .. وايه المساحات الصحراوية دي !!
بس الامانه هو حلو

يلا المهم يكون كويس
يارب يكون بيفهم
يارب يكون بيفهم

العريس : ازيك ياانسة نبيلة


انا بصوت زهقااااان : الحمدلله
العريس : ايه مالك زعلانة ليه ؟

( لا تعليق )

بابا : اصلها كانت تعبانة النهاردة شوية ... ها ها ها

( وبعدين بقى ؟! )



بعد شوية العريس حط ايده على خده وبصلي وسرح .. وفضل سرحان .. سرحان .. سرحان .. هو عايز يرسمني ولا ايه ؟
بابا للعريس : اخبار مزاكرتك ايه ؟
فاق العريس من سرحانه العميق : آه .. الحمدلله ياعمي كله تمام .. ازيك يا آنسة نبيلة
انا : الحمدلله
- كويسة ؟
( ما قلنا الحمدلله )
- اه الحمدلله ... انت كنت عايش في السعودية من زمان ؟
- ايوة طول عمري هناك ... رحتيها قبل كده ؟
- زمان وانا صغيرة
- وان شاء الله هتروحيها معايا كتير
( طيب يا خويا اما نشوف ! )
بابا للعريس : وناوي تسكن فين ان شاء الله بعد ما تسيب سكن الطلاب ؟
العريس : مش لما نعرف رأي الآنسة نبيلة في الموضوع الأول يا عمي ؟
بابا : نبيلة نت عاقلة ورأيها من رأي ابوها

التفتلي بابا وبصلي بصة تهديد معناها اياكي تعترضي .. اعترض على ايه هو انا فضل فيا حيل اعترض
المجتمع هد قوايا الاعتراضية .. احم احم .. مؤقتا يعني

بابا : ولا ايه يا نبيلة ؟
انا بصوت لا يكاد يسمع وعنيا في الأرض : .. إممم
( العريس رجع للسرحان تاني .. وعمال يتأمل كأني مخلوق فضائي عجيب اول مرة يشوفه .. انت عبيط ياد ؟! )
العريس بعد ما فاق من سرحانه : بصراحة يا آنسة نبيلة اعتقد السيد الوالد قالك عن ظروفي ..
انا : .. إممم


العريس : الحقيقة في البداية مش هقدر اجيب شقة في المنطقة اللي انتوا عايشين فيها دي .. في عندك مشكلة في الموضوع ده ؟
بابا : لا ماعندهاش مانع طبعا .. احنا يهمنا الأخلاق والمعاملة الحسنة .. ولا ايه يا نبيلة ؟
انا بصوت انهكه الزهق : إممم .. طبعا
العريس : طب الحمدلله رب العالمين ..
بابا : قومي يا نبيلة قولي لماما تعملنا قهوة .. ( وغمزلي )

قمت ومشيت على اوضتي بجرجر نفسي زي السلحفاة المعمرة ...
ماما واختي : هاه ايه الأخبار ؟
انا : إممم .. كويس
اختي : عجبك ؟
انا : عادي .. مش مهم .. اي حاجة
- لو كان راجل كويس يا نبيلة صدقيني
هتفرحي فرحة كبيرة ..
- إممم .. ان شاء الله

بعد شوية جه بابا : الراجل روح .. ايه رأيك فيه ؟ أظن كويس مفيش عليه اعتراض ...
انا باستسلام : لا يا بابا مفيش اعتراض ..


وقرينا الفاتحة ..
وكتب الكتاب بعد عشر ايام
لولولولولولولولولولوي



ماما : نبيلة ..
انا : ايوة يا ماما
- كلمي باباكي على التليفون ...
- آلو .. ايوة يا بابا
- هو فستان الخطوبة يتكلف أد ايه ؟
- مش عارفة الأسعار متفاوتة حسب الفستان .. ليه ؟
- عشان ابعتلك الفلوس مع السواق تنزلي انتي واختك تنقوا واحد خلاص الحفلة قربت مفيش وقت ..
- طيب يا بابا مش المفروض هو اللي يجيبلي الفستان !
- ظروفه ما تسمحش دلوقتي .. مش عايزين نتقل عليه
( نتقل عليه ؟! ... بابا ده مسكين .. فاكر ان عرسان الأيام دي بيطمر فيهم !
.. مش عارف ان الدراسات أثبتت ان عرسان ما بعد سنة 2000 سجلوا اعلى مستوى
ندالة عرسانية على مر التاريخ !)
- حاضر يا بابا

اتخنقت نبيلة وراحت اوضتها تعيط

ماما : مالك ؟
- باين عليه من اولها بخيل
- ليه ؟
- قال مش قادر يجيبلي فستان ! .. مش عيب عليه يخلي بابا يجيبهولي ... مش قادر يستلف تمنه يعني ! ... انا مش مرتحاله
ماما : وبعدين في حظنا ده .. ربنا يفرجها .. معلش استحملي اللي عايزة تتجوز لازم تتنازل شوية وتعديها !!

وبعد ايام خرجت نبيلة مع عريسها ووالدتها واخوها عشان ينقوا الشبكة ..

خطيبي : تحبي نروح محل معين نجيب منه الدبل يا مخبوطة
- لا .. انت تعرف محل ؟
- انا بسألك انتي .. عايزة مكان معين نروحه ؟
- في المول في محل دهب حلو .. ممكن نروح عليه
- لا انا اعرف محل واحد صاحبي وهيراعينا في الأسعار
( اومال بتسألني من الأول ليه ؟ .. هو ايه يختي ده ؟! )

نقت نبيلة الدبلة .. العريس
اتدايق قال غالية اوي .. وفضل ساعة واقف يفاصل في صاحب المحل على سعرها ..
بعد شوية طلع رزمة فلوس من جيبه آااد كده ودفع تمن الدبلة ورجع الباقي في
جيبه.. ويلا نروح ...

ايه خلاص كده ! ... مفيش خاتم ولا حاجة !
بصت نبيلة لمامتها وهي مكسوفة مش قادرة تتكلم ...
ماما شاورتلي براسها ان معلش عديها ...

ايوة يا نبيلة عديها .. ما انتي عارفة انه مخنوق وظروفه صعبة ..
مش يمكن الرزمة الكبيرة اللي معاه دي شايلها لتكاليف تانية !
ما تبوظيش الدنيا عشان شوية شبكة
ويقعدوا يقولوا ان كل البنات بتعنس عشان بيدققوا في الشبكة

ويرسلولنا نداءات استغاثة ..
يا بنات ..
خففوا الطلبات عن العريس
وخذوهم فقراء .. هو انتوا بتعنسوا من شوية ! ..
ده انتقام ربنا منكوا ... من اللي بتعملوه في الشباب المسكين

طيييييييب .. مااااشي ...
ادينا ساعدنا العريس .. الشبكة اتأجلت لحين ميسرة
والفستان والكوافير والحفلة
بقم على شكل ديون .. وبالتقسيط المريح
عشان نقف جمب الشباب الغلبان ..
اللي كل مشكلته .. انه فقير ومش لاقي يتجوز
ولا يعاني من اي مشاكل اخرى كنقصان الاهلية واهتزاز النفسية وشلل رباعي في قواه العقلية

طيب يا مجتمع يا ندل
ادينا بناخد بالاسباب .. عشان محدش يقول انتوا عايزين عريس كامل الدسم
اهو عريس منزوع الدسم .. ومنزوع شعر الرأس كمان

يوم الحفلة .. لولولولولولولولولي


دخلت نبيلة المطبخ ,, وتفاجئت من هول ما رأت ..

- ايه كل الحلويات دي ؟ خطيبي جاب كل ده ؟
اخويا : لا ده بابا اللي جابها
- كمان ! .. هو عريسي ده مش هيتكسف على دمه ويجيب حاجة !
- ماهو هيرجع كل حاجة بعدين لما اهله يبعتوله الفلوس
( طيب ... ماشي ... اما نشوف )

جهزت البت نبيلة ووصل العريس وسط الزغاريت .. لولولولولولي

انما ايه الشياكة دي يا واد ..!

انا للعريس : منين البدلة دي ؟
- من المول .. ايه رأيك ؟

(
يا نهار اسووود !! ...جايب لنفسك بدلة واستخسرت تجيبلي فستان !!!!!
.......... يووووه وبعدين معاكي يا نبيلة !!! ما تظلميهوش مش يمكن فهمتيه
غلط ... كل الناس قالوا انه واد محترم جدا اتجوزيه وانتي مغمضة .. هيكونوا
كووووول الناس غلط وانتي اللي صح يعني !! مش يمكن البدلة الانيقة دي
استلفها من المكوجي ومكسوف يقول !! )

وقعدت نبيلة العروسة .. جمب عريسها وهي مفروسة
بتبص للمعازيم بعنيها .. اللي لاحظت انهم حاقدين عليها
وان كل واحدة فيهم بتتمنى ..
تخطف عريس نبيلة ... من بين ايديها

مش عارفين
ان مش كل عريس بيبقى راجل ..
ولا كل مخطوبة
من السعادة بتتمايل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كلمة حق
نائب المدير
نائب المدير


نائب  المدير
العمر : 34
الدولة : مصر
التوقيع : محمد رسول الله ذكر عدد المساهمات : 1998
نقاط : 2496
تاريخ التسجيل : 13/07/2010

مُساهمةموضوع: رد: {{حكايات ألف عريس وعريس }} مع {{ نبيلة ونبيل}}    الإثنين يونيو 03, 2013 12:27 pm

هههههههههههههه حلقة جميلة نبيلة ونبيل
كالعادة انتم رائعان فى الكوميديا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نبيلة محمود خليل
مديرة موقع الرحمة والمغفرة
مديرة موقع الرحمة والمغفرة


عين تدمع
الدولة : مصر
انثى عدد المساهمات : 17129
نقاط : 26559
تاريخ التسجيل : 31/08/2009
العمل/الترفيه : مديرة موقع الرحمة والمغفرة
المزاج : الحمد الله
تعاليق : اللهم اجعلنا ممن يدعون الجنة من أبوابها كلها

مُساهمةموضوع: رد: {{حكايات ألف عريس وعريس }} مع {{ نبيلة ونبيل}}    الخميس يونيو 06, 2013 10:37 am

جائني يا قراء يا كرام .. انه وبعد كتب الكتاب
خطيب نبيلة اتصل بيها
عشان يفسحها ويغديها
وفي نفس الوقت .. يقرفها وينكد عليها

خطيبي : تحبي نخرج نروح فين ؟
انا : اي مكان تختاره
- لا انا عايزك انتي تختاري
- إمممم ... مش عارفة بجد مفيش مكان محدد في دماغي .. انت بتفكر في مكان معين ؟
- نبيلة سيبك مني ... انا عايز اعرف رأيك انتي نروح فين ؟
- ... طيب نروح المول وبعدها نروح السينما ؟
- المول ؟ اشمعنى يعني ؟
- يعني .. اصله مسلي
- لا ليه المول يعني انتي كنتي تروحيه مع مين ؟
- مع اخواتي او صاحباتي ! .. ليه في حاجة ؟
- لا مفيش , من رأيي بلاش المول انا اعرف مطعم سمك كويس نروح عليه نتغدا هناك وخلاص .
( يا سلام ! قاعد تزن عليا اختار مكان وفي الآخر تقولي لا نروح مكان تاني ... انت كل مرة تعمل فيا كده ياد انت !)

في المطعم :
خطيبي : انا هطلب فيليه سمك .. وانتي ؟
- اوكي وانا كمان
خطيبي للجرسون : اتنين فيليه سمك مع الرز والسلطات .. عندكو شوربة ؟
الجرسون : ايوة يا افندم في شوربة خضار , في عدس في ...
خطيبي : اه عدس كويس .. تحبي تاخدي عدس يا نبيلة ؟
انا : لا ميرسي
خطيبي للجرسون : طب اتنين عدس ليا وللآنسة ....
( هو ايه ده ! )

- ليه مش عايزة عدس انتي ما بتحبيهوش ؟
- لا ما بحبوش
- بس انا بحبه .. يبقى انتي لازم تحبيه .. ولا ايه ؟
- لازم ازاي يعني ؟
- طبعا.. لأن كل حاجة بينا لازم تكون مشتركة
- ايوة بس مش لدرجة الأكل .. الأكل ده حسب النفس ..
- وبعدين معاكي انتي هتزعليني منك ومش هتشربي من الشوربة ولا ايه ؟ .. طب لو طلبت منك تغصبي على نفسك وتشربيها هتشربيها عشاني ؟
( ماله ده ؟ .. طب اقوله لا واعملها مشكلة ؟ .. ولا اكبر دماغي في اليوم ده ! )
بابتسامة مصطنعة : لا هشربها عشانك

فرح خطيب نبيلة العبيط بكلامها ده ... ولما جه الأكل :

خطيبي : هتخلصي طبق العدس كله ماشي ؟
انا : شوف انا هشرب منها عشان خاطرك انما اخلص الطبق الكبير ده صعبة شوية ...
- طب تحبي تحطي عليها بصل ؟
- فين في الشوربة ؟ .. لا
قام ماسك حتة بصلة من المتقطعة في طبق السلطة وحطها في طبق الشوربة بتاعي وقال :
- انا بحبها كده فيها بصل .......!
( ايه يا بني ده انت عكس عكاس ؟! .. بصيتله وانا مبرقة عينيا مش مصدقة حركات العيال اللي بيعملها دي )
- ما تبصيليش كده ... يلا بالهنا والشفا ...

كتمت نبيلة غيظها .. وكبرت دماغها عشان ما تتخانقش في المطعم وسجلت في الميموري اللي في دماغها ملاحظاتها على شخصية زوج المستقبل
حيث سيتم دراسة هذه الملاحظات في وقت لاحق

خطيبي : نبيلة ... نفسي اسألك ... ايه نظرتك ليا ... يعني شايفاني فتى الأحلام اللي كنتي بتحلمي بيه ؟
- فتى الأحلام من ناحية ايه ؟
- شكلي مثلا وشخصيتي
( شكلك ايه يا عم هو في وحدة فتى احلامها مسلوع واقرع كده ! ايه ما عندكوش مرايات في بيتكوا ؟! )
عشان اهرب من الاجابة قمت سألته :
- طب انت دلوقتي شايفني فتاة احلامك ؟
( توقعت يقولي لا )
- ايوة انتي فتاة احلامي .. وانا ... فتى احلامك ؟
( ورطت نفسي اكتر ! )
- .... آه
- ومالك بتقوليها كده ...
-عشان باكل .. ولا انت مش عايزني اشرب العدس ؟
- لا اشربي بالهنا والشفا ..

بعد ما رجعنا البيت :
ماما : اهلا اهلا يا دكتور .. انا عملتلك قطايف مخصوص عشانك
- تسلمي يا حماتي

بعد ما ماما مشيت :

خطيبي : على فكرة انا ما بحبش القطايف ومش باكلها الا لو كانت مزبوطة اوي
- ماما بتعملها مزبوطة اوي اوي
ابتسم
ابتسامة سخرية : هه هه .. انتوا فرحانين على شوية القطايف دي ؟ .. اومال
لو شفتي اللي بتعملها امي كنتي هتقولي ايه .. دي ولا حاجة جمبها !

وسجلت نبيلة للمرة التانية في الميموري ملاحظات مهببة على شخصية زوج المستقبل

وفي يوم ..

صاحبتي : ايه يا عم مابقيتيش تسألي علينا غرقانة في العسل مع خطيبك !!
انا : عسل ايه يا شيخة .. ده انا مخنوقة اوي
- معلش يا نبيلة بكرة هتحبيه
- مش حكاية حب .. طباعه خنيئة اوي
- بكرة تتعودي عليه ...
- ما اعتقدش ان ممكن حد يتعود على القرف ده .. تصوري من يوم كتب الكتاب
ماجابليش هدية .. ولا دخل وفي ايده كيس موز ! .. وكل يوم والتاني جاي من
الصبح غدا وعشا وسهر للفجر .. حتى اهلي لاحظت انهم متدايقين منه ... مفيش
عنده ذوق خالص !
- معقولة ! .. ده باين عليه بخيل ودمه تقيل !
- واضح انه كده

وفي يوم ..... الساعة 1 بالليل :
- مالك يا نبيلة انتي نعسانة ؟
( ياعم ما تقوم بقى حابسني جمبك من الصبح فلقتني !! )
- .. بصراحة .... آه
- انا مش عارف ازاي يجيلك نوم وانتي قاعدة مع خطيبك
- طب ما انتا اهو نعسان وعنيك حمرا ..
- ايوة بس مش ممكن اقوم واسيبك !
( يعني ايه ؟... مش هتقوم ؟! .. مش هنام !!! )
- لا انت باين عليك تعبان وعايز تنام .. لازم تقوم ..

ومن الساعة 1 لحد الساعة 3 لحد ما اقتنع انه لازم يرحم
نفسه وينام
لحد ما خرج كانت الساعة 4 .. !!!

تاني يوم الصبح الساعة 8 :
ماما : مخبوطة .. نبيلة .. اصحي
- ... في ايه ؟
- خطيبك جه وقاعد في الصالون
- ايه ! ... هو لحق يروح ويرجع .. ايه اللي جابه ! ..... قوليله نايمة
- قلتله قالي صحيها !!
- يوووووووه انا مش قادرة اقوم .. يومين مش بنام كويس منه !
- معلش اغسلي وشك وفوقي .. انا عارفة ماله كده ربنا يهديه

وقامت نبيلة وقفت قدام الحيطة ونفسها تخبط دماغها فيها .... وراحت لخطيبها في الصالون :

انا : صباح الخير .. ( مع نظرة ايه اللي جابك دلوقتي !! )
خطيبي : يلا البسي وتعالي معايا ..
- دلوقتي ؟ فين ؟
- انا عازمك عالغدا ...
- غدا الساعة 8 الصبح !
- لا ماهو هقضي كم مشوار كده هيكون جه معاد الغدا ...
انا بكل رجاء : بصراحة انا نعسانة اوي .. ومش قادرة اخرج دلوقتي .. انت روح اقضي مشاويرك ولما تخلص تعالى خدني ونخرج نتغدا ..
- يا سلام يختي ! ... يلا بلاش كسل .. ولا عايزاني اروح لآخر الدنيا اقضي
مشاويري وبعدين اخبط مشوار تاني ارجعلك اخدك وبعدين نرجع المطعم نروح نتغدا
وبعدين ارجع اوصلك ! .... ما تيجي معايا ونروح على المطعم على طول من هناك
هنوفر 3 مشاوير مالهمش لازمة
- هو احنا لازم نروح المطعم البعيد ده ... لما تيجي نروح اي حتة تانية قريبة ...
- لا المطعم ده المدير بتاعه صاحبي وبيراعيني ...

آآآه هي مسألة فلوس ؟! ..
وانا بقول كل مرة واخدني على نفس المطعم ليه !
ده انت بخيل بشكل !!

وسجلت نبيلة ملاحظات مهمة عن شخصية زوج المستقبل في الميموري اللي بدأت تطلق انذارات مدوية واضواء حمراء ..
بيانات الميموري :
الملاحظة المسجلة : بخيل جلدة
مستوى الخطر : عالي جدا
الاضرار المحتملة : هموت من الجوع معاه

ممم .. حاجة تخوف يا بت يا نبيلة صراحة !!

واتباعا لسياسة الصبر وتفضيل الحلول السلمية
سكتت نبيلة وهي تضمر لخطيبها الشر والانتقام يوماً ما مما يفعله بها .. وراحت تلبس هدومها في صمت لحد ما تشوف اخرتها معاه .

خرجت نبيلة مع خطيبها اللي دوخها السبع دوخات ..
وأثناء ماهم قاعدين في صالة انتظار عمال يتكلم مع نبيلة في كلام يفلق الصخر لحد ما يخلص اجراءاته اللي جاي عشانها ..

دخل واحد وقال : السلام عليكم ..
رد عليه خطيبي : وعليكم السلام ..
وردت نبيلة في نفس الوقت تلقائياً بصوت واطي لا يكاد يسمع : وعليكم السلام
الراجل سأل عن شخص معين خطيبها قاله انه مايعرفوش .. بعد ما الراجل خرج ..
خطيبي : انتي ازاي تردي على الراجل السلام ؟
- فيها ايه يعني ؟
- هو انتي راجل عشان تردي على الرجالة السلام وانا قاعد !
- انا رديت بشكل عفوي ! وصوتي كان واطي حتى هو ما سمعنيش
- بصي .. لازم تفهمي حاجة .. من هنا ورايح ما تتكلميش مع اي مخلوق الا معايا ومع اهلك وصاحباتك البنات
- يا سلام ! .. افرض اتحطيت في موقف اضطريت فيه اتكلم او ارد على حد !!
- ما ترديش تحت اي ظرف ..
- اعيش خرسة يعني .. هو ربنا قال كده !
- انتي بتناقشيني كتير ليه ! ... انتي بنت يعني تقولي نعم وخلاص .
- ايه ! .. هم البنات ممنوع يتكلموا وممنوع يكون ليهم رأي ! انت جايب افكارك دي منين !
- انا اتربيت على كده وهو ده الصح
- بس انا مش بنت صغيرة ! .. والحياة ما تمشيش بالطريقة بتاعتك دي !
- حياتك اللي فاتت ترميها ورا ضهرك .. من ساعة ما البنت تتخطب لازم تعيش
زي ما خطيبها عايز .. وبعد الجواز تنفذ طلباته من غير نقاش ..

ولما جت البت نبيلة المرة دي تسجل ملاحظاتها في الميموري اللي في دماغها ..
ظهرتلها رسالة تحذيرية :
لقد خزنتي يا بت يا نبيلة ملاحظات سوداء عن شخصية زوج المستقبل زيادة عن اللزوم
هنفجر من الملاحظات المنيلة بنيلة اللي بتسجليها ..
افسخي الخطوبة دي وارحميني بقى

بعد ما رجعنا البيت :
خطيبي : غيري هدومك بسرعة مش تقعدي ساعة تغيري وتصلي وتسيبيني ملطوع في الصالون !
( ايه هو انت ناوي تكمل اليوم معايا هنا !! .. يعني مش هنام !! .. مش هرتاح من خلقتك شوية !! )

وفضل خطيب نبيلة لازق عندها
شوية يتناقروا .. وشوية تزعل ويصالحها .. وشوية يتناقشوا وتقلب بخناقة تانية ...
لحد ما جه الليل ...
وجابتله نبيلة العشا وحاسة ان دماغها هتتفلق نصين :

خطيبي : ايه ده ؟ بيض وجبنة وفول ؟
انا بعد نفاذ الصبر : ماله البيض والجبنة والفول ؟
خطيبي وهو لاوي بوزه : لا مالوش ..

تاني
يوم الصبح : الموبايل عمال يرن يرن يرن .. فتحت نبيلة عنيها لقيت 26
مكالمة فائتة .. و3 مسجات .. خير اللهم اجعله خير ! ... يووووووووه ده هو
..

- آلو .. صباح النور ..
- انتي نايمة لحد دلوقتي ؟!
- لسة الدنيا صبح
- طب مفيش مسج حلوة فيها كلمتين حلوين ... مفيش صباح الخير يا حبيبي .. اشمعنى انا برنلك وببعتلك كل عشر دقايق !!
- هو انا بسيبك الا لما انام .. عايزني وانا نايمة ابعتلك يعني !
- طب دلوقتي اتأخرتي في الرد ليه .. عمال ارنلك من الصبح
- منا كنت نايمة وتعبانة ! انا ليا اسبوع مش بنام كويس ..
- حتى لو كنتي في سابع نومة وارنلك تقومي من نومك على طول تردي
- هو انا مش بني آدمة !
- انتي بتكلميني كده ليه ! ...

وقلبت بخناقة .. كالعادة في الآخر نبيلة قعدت تعيط وخطيبها بعد ما يهبب الدنيا يقعد يصالح فيها ....

بالليل عزمها خطيبها على فسحة عشان يصالحها ..
خرجت نبيلة معاه وهي عاملة زي انبوبة البوتجاز اللي هتنفجر في اي لحظة ...
وقفوا في الشارع ياخدوا تاكسي .. كل ما يمر تاكسي يتشرط خطيبها عليه انه مش هيدفع اكتر من مبلغ معين ...
السواق ما يرضاش ويمشي .. واللي بعده واللي بعده ..
ليا نص ساعة واقفة في الشارع ..
ايه البخل ده !

انا : تعبت من الوقفة ادفعلهم اللي يطلبوه بقى !
هو : هففففففف .. طيب
و أثناء القعدة ..
خطيبي : على فكرة .. في دكتورة زميلتي نفسها تتعرف عليكي وانا قلتلها اننا خارجين النهاردة انا وانتي .. اتصل بيها اقولها تيجي ؟
انا : خليها مرة تانية انا النهاردة متدايقة ومش عايزة اكون مكشرة في وشها تفتكر اني بعاملها وحش
- مممم .. طيب
مسك خطيبي موبايله وطلب رقم ... :
- آلو .. ايوة يا دكتورة انا وخطيبتي مستنيينك .. ايوة في المكان الفلاني .. في انتظارك .. مع السلامة .
( بقى كدة !!! .... طيييييييب والله لوريك )

وصلت الدكتورة ورسمت نبيلة على وشها ابتسامة عريضة وهاتك يا رغي مع الدكتورة .. وتجاهلت خطيبها تماما ..

انا : صحيح يا دكتورة تاخدي ايه ؟
الدكتورة : لا انا عازماكوا النهاردة .. انتوا تحبوا تتعشوا ايه ؟
- لا ما يصحش عيب تدفعي الحساب والدكتور موجود ! .. احنا اللي عازمينك طبعا ..

الدكتورة اتكسفت وحاولت تخلي العزومة عليها بس انا اصريت ان احنا اللي نعزمها ....
خطيب نبيلة قاعد يبصلها وعنيه بتطق شرار عشان دبسته في عزومة العشا ..
احسن عشان تحرم مرة تانية تعمل عليه الشويتين بتوعك

طبعا رجع خطيب نبيلة معاها عشان يكمل السهرة والخناقة في البيت :

- ازاي تحطيني قدام الأمر الواقع وتخليني اعزمها !!!!
- فيها ايه ؟ ... يرضيك الست تدفع وانت موجود ؟ طب تقول علينا ايه ؟!
- اذا كانت هي اللي عايزة تعزمنا انتي تحشري نفسك ليه ؟!!

واستمرت الخناقة اللي انتهت بعياط نبيلة ومحاولات خطيبها انه يصالحها ...

تاني يوم الضهر :
ماما : نبيلة .. خطيبك جه في الصالون ..
انا : طبعا جاي يتغدا ... ماهو بيتنا بقى اوتيل لسيادته
ماما : طب نعمل ايه نطرده يعني !! .. روحي اتغدي معاه لحد ما باباكي يرجع ويتصرف معاه

اثناء الغدا :
خطيبي : المحشي ده ناقص ملح ! ...
( مارديتش ولا كأني سمعت حاجة )
- انتوا مش عاملين شوربة مع المحشي ليه ؟؟
ببرود : .. عادي بقى

خطيب نبيلة اتغاظ من برودها .. عمال يكلمها بترد عليه بالقطارة ... قام وقف وقال :
- انا ماشي
بمنتهى البرود : .. اوكي
دخلت ماما : ايه يا دكتور على فين .. مش تشرب الشاي الأول ؟

ما صدق سمع كلمة ماما وقعد
نبيلة ولعت وكانت هتشد شعرها خرجت من الصالون عشان تعمله الشاي .. بعد شوية ندهت على مامتها :

- يا ماما فين السكر ؟
جت ماما : .. شوفيه في الـ ..
- انا ما بدورش على السكر .. انتي ليه تعزمي عليه يشرب شاي .. ماهو كان ماشي !!!!
- انا قلت اعمل معاه الواجب ..
- انا تعبت منه وعايزاه يمشي نفسي انام يا عالم بقى .. نفسي ارتاح شوية منه .. لما يكون ماشي ياريت ما تقعديهوش
- انتي بتكرهيه للدرجة دي يا مخبوطة !
- ايوة بكرهه .. بكرهه .. بكرهه !

ودودة ..

ابوها
: انا هحاول اتكلم معاه .. ونصبر عليه للآخر .. بس اوعي تغلطي عليه بكلمة
.. خليكي صبورة واتصرفي بحكمة , مش ناقصين يطلع يتكلم علينا بكلام مش كويس
قدام الناس .. فهمتي ؟

امها : استغفري يا نبيلة وصلي صلاة استخارة عشان ربنا يسهلك امورك ويقدرلك الخير ...

اختها : هم الرجالة في اول الارتباط بيكونوا كده غيورين ويلزقوا في الوحدة .. بعد الجواز هيتغير

اخوها : انا من رأيي ربنا يسهله .. هو احنا ناقصين قرف ! .. ما يهمكيش كلام الناس

صاحبتها : انتي تقبلي فكرة انك تكوني مطلقة ؟ ... الناس هتقول ايه ؟!

يقولوا اللي يقولوه ..
هو انا هعمل حساب للمجتمع الندل كمان !

وفي يوم ..
بصت نبيلة في موبايلها ولقت 15
مكالمة فائنة و4 رسائل ..
يوووووووه وبعدين في القرف ده ...

انا : آلو ...
خطيبي : انتي فين كل ده ..
- كنت بساعد ماما في المطبخ ...
- ومش سامعة الموبايل ؟
- انا عاملاه سايلنت
- ليه بقى ان شاء الله ! ... عشان تخلصي مني مش كده !!!!
- لا مش كده .. بس انت بترن ليل ونهار واخواتي نايمين معايا في الأوضة ... عملته سايلنت ونسيت ارجعه تاني ..
- اه يعني اخواتك اهم من البيه خطيبك مش كده ؟؟؟؟؟؟؟؟
( اللهم طولك يا روح )
- انت ليه تفكيرك كده !
- ماله تفكيري ؟ ... انا عارف انك ما بتحبينيش .. انتي اهلك غصبوكي عشان توافقي
- محدش غصبني على حاجة .. انت اللي طباعك غريبة !
- انا طباعي غريبة !!!! ... بقيت مش عاجبك !!!! بدل ما تحمدي ربنا اني خطبتك وانتي عندك 27 سنة كان مين هيبص في وشك ويعبرك !!
- طلقني
- ايه !!!!!!!!!
- طلقني !!!!

وحصلت نبيلة على الطلاق .. وسابت خطيبها الذي لا يطاق
بعد ما الناس انتقدوها .. وبظلم خطيبها اتهموها
مش مصدقين انه واد ساقع
اكمنه مربي دقن .. وبيصلي في الجامع

وحطت نبيلة ايدها على خدها .. بتفكر في الاشكال اللي بتتخطبلها
ياترى هي اللي بختها مايل ..؟
ولا الشباب الوحشين .. بقم أكتر من الزبايل

ودعت ربها بعين مدمعة .. يريحها من الأشكال المرقعة
اللي كانت السبب
في خيبتنا العربية المبقعة



_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almaghfera.ahlamontada.com
ناريمان
عضو مميز
عضو مميز



الدولة : مصر
التوقيع : رب ابنى لى عندك بيتاً فى الجنة ونجنى من القوم الظالمين انثى عدد المساهمات : 1319
نقاط : 1490
تاريخ التسجيل : 22/01/2010

مُساهمةموضوع: رد: {{حكايات ألف عريس وعريس }} مع {{ نبيلة ونبيل}}    الخميس يونيو 06, 2013 7:22 pm

قآم مآسگ حتة پصلة من آلمتقطعة في طپق آلسلطة وحطهآ في طپق آلشورپة پتآعي وقآل :
- آنآ پحپهآ گده فيهآ پصل .......!

ههههههههههههههه اسمعى الكلام يا بولا احسن
اعملى اللى بيحبه ههههههههه حلوة جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
{{حكايات ألف عريس وعريس }} مع {{ نبيلة ونبيل}}
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
~ منتديات الرحمة والمغفرة ~ :: قسم الترفيه :: استراحة الأعضاء-
انتقل الى: