يحيي ابراهيم يكتب الأهل والعشيره

بالأهل والعشيره هنكمل المسيره
ونبيعها حته حته ونقسم الفطيره
بالأهل والعشيره راح تبقي مصر احلي
بالواد ابو وجه باسم والبنت ام الضفيره
دي حكومه من ولادنا ماهي البلد بلدنا
لو حد في يوم عاندنا تلقي مليون مسيره
م الأهل والعشيره
طول عمري واد سياسي وف فكري دبلوماسي
فرض علي واساسي اراعي اهل بلدي
والعزوه والعشيره
في كل حته هامه هنسيب فيها علامه
يبقي ولائه لينا وللاهل وللعشيره
ان شالله يكون جهول او عمره في الأفول
ان شالله يكون بيبصم ولا اخشي في يوم ملامه
م الاهل والعشيره
ايه يعني يكون كفائه ويطلع ولائه بره
الاصل ولائه لينا وللأهل والعشيره
في كل خرابه ليا عفريت يغوي الأذيه
لو اي قرار راح اخده
يرفع لي 100 قضيه ع الأهل والعشيره
انا ريس ميه ميه ولا عمري هكون هفيه
بس حكم الجماعه هو خيبتي القويه
اوعاك تكون فاكرني ممكن اسيب الرياسه
وتعمل ثوره ضدي وتسوق لي في الغلاسه
ساعتها انادي اهلي والعزوه والعشيره
اسحل جناب سيادتك واكمل المسيره
واجيب حواليا اهلي والعزوه والعشيره

ربنا يتوب علينا منهم يارب
وتبقه مصر بأهلها وعشيرتها أحرار
مصر الحرة بدون قيود
كل الشكر والتقدير لك يحيى على روعه كتاباتك المميزة المعبرة عن نحن فيه

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

كل يوم قضية تتلفق للطيبين المحترامين
كل يوم 1000 قضية امته يرجعوا الى حظيرتهم
شكرا اخى يحيى

أحسنت ألاختيار ماشاء الله موضوع جميل
ومفيد جدا الله يفتح عليكِ ويبارك فيك

» يحيي ابراهيم يكتب هذا ابي بكر
» يحيي ابراهيم يكتب حزر فزر
» يحيي ابراهيم يكتب مصر ع الترعه