السلام عليكم ورحمة الله وبركاته
مع حلقة جديدة من برنامج #صور_مرفوضة
سجال ثنائي بمشاركة الشاعر القدير
مصباح ابو حماد
الحلقة (٢٨)
،،،،،،،،،،،،،،،،
#ماذا_بعد_رمضان.؟
......................
ياعم يحيى.. مني سلام..
ياللي ف أُنسك أحلى كلام
ايه اخبارنا بعد العيد
بعد ما نودع شهر الصيام
راح توحشنا فيه خيرات
وكتر طاعات.. مُش عاوزة كلام
ياريت يدوم شهر الصوم
محلا كسلنا فيه والنوم
والخيرات بتهل علينا
ولا بنخاف من اي هموم
يارب ندوم علي دا الحال
رضا ومحبة وخير وجمال
ونسابق بعض في الطاعات
شبه ملايكة وعال العال
فيه الأكل أكوام أكوام
فيه الصحه بتبقي تمام
ولا شغل نروحه ولا نرجع
أصل الدنيا ياعمي صيام
داللي فاكره لشهر الصوم.؟
أكوام أكل. وكمان نوم
حتى الكسل وانت ف شغلك
فين التقوى.؟ عليك اللوم
هو شهر ياخال وكفاية
فيه صلينا والزكوات
شهر يعدي صوم وهداية
بعد نعيد كان ماضي وفات
دا اللي خايف منُّه ياعم
أصل كلامك شكله يغم
بعد ماشُفنا دي الخيرات
نيجي على فرش الطاعة نلم
ساعه لقلبك.. ساعة لربك
حبل العمر ياخال ممدود
قعده قهوه وخلق تحبك
خلي تكالك ع المعبود
خلي تكالك ع المعبود
بس بكل طاعاته تجود
يفضل كدا قلبك مطمن
دا امان ربي مالوهش حدود
والله انا مؤمن برضه موحد
وماليش غيره تاني إله
بكل جوارحي ليه بتودد
بس ياعمي ده نهج حياه
هدف الصوم التقوى ياسيدنا
تسعد بيه الروح وقلوبنا
يوصل حالنا لأحسن حال
لو على نهج الصوم كمِّلنا
قصدك صومنا طول العام
خف شويه ياسيدنا حرام
ربك قال شهر وعاوزني
اقضي العمر كله صيام
أقصد حالنا واحنا صيام
كُتر طاعات والهمة العالية
خايف ترجع تاني للقهوة
تضحك تاني عليك الدنيا
تسمع آدانه... ولا تتحرك
وتهون برضو السنن التانية
مالها القهوه يانن عيوني
فض مجالس وقعدة أُنس
ناوي تطير تاني جنوني
والله كلامك سد النفس
وهاتقطع صلة الارحام
بعد الود ف شهر صيام
راح تحرمهم من فرحتهم
ولاهاتزورهُم باقي العام
ياعم الحاج الدنيا مشاغل
خلي تكالك ع اللي نشاك
قالوا زمان الاهل مشاكل
ليه بتحيَّر فكري معاك
طبعا والقرآن هـتسيبه
بعد ماكنت الشهر معاهـ
كان حبيبك وانت حبيبه
طول الشهر ف ذكر الله
القرآن منهج وحياه
من هيسيبه يكون خسران
بس ياعمي الدنيا تلاهـ
طول رمضان وانا قلبي تلاهـ
صدقة فطر دي هاتكفِّيك؟
عن باقي الصدقات تغنيك
فكرك كدا ماهوش مظبوط
ارجع تاني الله يخليك
رمضان ياما عطانا دروس
فيه هدايات وعظة لنفوس
واحنا نكمل خط السبر
على منهج خيرات مدروس
والله صحيح شهر البركات
شهر التوبة والطاعات
فيه الحسنة بتسوي كتير
ربنا زاينه بالكرامات
. والله كلامك قصدي مصيب
لما دخلت سجال ياحبيب
ربك عارف اني بتوب
يجعل لي ف التوبه نصيب
،،،،،،،،،،،،،،،،،،،،،،،،،،،،،،،،،،،
طيب بكرة دا آخر يوم
ياللا نودع شهر الصوم
بس بكرة كلامنا جديد
علشان بعده يوم العيد
دايما تحصل فيه مخالفات
وها نوضحها ف مساجلات
ونبتغي فيها وجه الله
واللي بيعمل خير يلقاهـ