خالتي تماضر بنت عبده سلامه
سابت في روحي قبل قلبي علامة
سابها راجلها وهي لسه يادوبك
فستان فرحها ما داب وياما وياما
جالها عدلها بس قالت ابدا
هحفظ وداده ليوم لقانا وابدا
ما ينام مكانه او يفك ضفايري
لو حتى سبع وساب عرينه وابدا
خالتك تماضر قول عشر سنوات
عمك صميده قام عملها ومات
والبت شابه وكم لها علامات
كل اللي فكر في هواها اهو مات
شهيد هواها وهي دوم ملتزمه
م الفجر تسعي ع الرزايق دايمه
جوه السويقه تبيع خضارها ونعمة
تشكر باريها وتنام كده مبتسمة
الصيغه ملو اديها لحد كيعانها
صوتها يجلل ما هي دهب ابريزي
والنعمة دايمه للي دوم بيصونها
عوازلها كتروا من دواهي وزيزي
تشوفها تقول دي لسه النغه
واللي ف دورها صبح ياخال عواجيزي
القصد الواد شلاطه نظرها
قال الجميله ما احلي ياواد منظرها
كما الابالسه كل يوم ينظرها
غرضه دهبها وسألها ايه أخبارها
قالت له نحمد رب كون ستار
دايما ساترني في ليلي ويا نهار
الواد نواعمي والكلام اباليسي
والست صابره وصبرها ايوبي
سألت جارتها بنت عمي خميسي
قالت له عن الرجال ما تتوبي
اصل السكن والامن هما ياستي
ياريت صميده اختارني يبقي عريسي
العمر يوم ورا يوم يا ست يعدي
ولا عمره قطر زمانا يهدي
وانتي جميله وحلوه لسه صبيه
قومي الحقي قطر الجواز ياوليه
والواد صميده صحيح حليوة ولكن
لسه صغار عنها وعنها ما ساكن
لف وراها كل حته تروحها
شعلل غرامها وف القليب بقي ساكن
لكن تماضر برضه يعنى اروبه
حر بؤنه وبرد خالتك طوبه
ساكن بدنها ولا كات في يوم معيوبه
قالت يجوز عينه على الدهبات
اصل الحريم ياعمي دول دهيات
واللي حصل زمان لخالتي زينات
لما عشقها واد من البهوات
كان شكله بن ناس واصول
ع البت دايما كان يصول ويجول
وبعد جمعه يفتح المقفول
سرق صيغتها وفص ملح وداب
طلع نداله وعره الافوات
قالوا قانون بلدنا ياعمي في مبدأ
ان القانون لا يحمي يوم جمالات
قالت تماضر استخاره يادوب
وادعي لربي يكشف المكتوب
في ليلها تدعي ربها يسترها
شافت ديابه قاطعه منها التوب
قالت شيطان الإنس جاي متنكر
ليلها نهارها ستنا بتفكر
قالت كيد النسا ياشلاطه ما يتقدر
ربك ذكرها في الكتاب ما تفكر
الصبح قاعده فوق فرشتها
شافت شلاطه نزلت قوام دمعتها
ابن الحرام سرق ياناس في صيغتها
صبحت فقيرة ما ساترها غير هدمتها
شلاطه سمعها قال قوام يافكيك
رايح لفين قام قدم التلاكيك
قام قالها امي قالوا عيانه
تحت قدمها اختي سعاد سهرانه
وف باله قال نسا عدمانه
كان قصدي منك اسرق الدهبات
خالتي تماضر الضحكه فيها تكركر
تشكر لرب الكون وتحمد لفضله وتشكر
نور طريقها بعد ما كات عميانه
بعد شيطان الانس عنها وقدر
قصه جميلة بالدموع اكتبها
علق وقل لي لو في مره حاببها
اعيدها تاني ولا مره وتوبه
وادعي لتماضر قصه تانيه تجيبها
امضاء
عريس تماضر المنتظر
الصوره للفنان محسن ابو العزم
@#الجميع