يحيي ابراهيم محمد مشرف القسم الأدبى
العمر : 40 الدولة : مصر عدد المساهمات : 1190 نقاط : 1921 تاريخ التسجيل : 05/08/2011 العمل/الترفيه : مدرس المزاج : فضلا من الله ونعمة
| موضوع: بكائية الولد واللحم الأربعاء أكتوبر 31, 2012 10:54 am | |
| انا شفت جزار قلت دة بازار بيبيع حاجات انتيكه اللحم ده نسيته من عقلي ومحيته باستيكه وقلت للفول في معاهده علي طول مع الويكا اللحم متعلق يسحر نفوس والباب وحلفت من سنين ما دق عليا الباب افتوني يااهل المروه واهل العقول والباب من صغر سني وظني لما شعري شاب وعلموني الاهل في بيتي وف الكتاب اللحمه يابني دي رجس ملعونه في كل كتاب انا ابني قالي اللحمه طلعت شفتها بعيني حلفتله كداب بايماني وبديني ابني سالني يابويا يعني ايه جزار انا قلت من وكستي دا راجل بيبيع جزر وخيار بص وقالي الولد تبقي فاكرني حمار توب لربك يابني وداوم علي استغفار جزار ياولدي يعني الفشه والممبار ومنين نجيب لحمه ومرتبي ع الاد لو يوم اجيب كيلو ادخل في حاره سد اللحمه لصحابها اصحاب العلا والمجد اللحمه ياولدي ادعي ننولها في الجنه عند رب العباد تاكل وتتهني كل واشكر الهك ذو العطف والمنه ممكن اجيبلك ربع كيلو في الدخله والحنه دا ياما ناس معاها فلوس بالكيله تتكيل ويدعي رب العباد مشتاق لضوفر عيل ربك مقسمها يابني بالعدل والقسطاس ربك يديمها علينا طع100 في القرطاس وميه متلوثه نشربها ملـ فنطاس ادعي لرب السما واتشفع بابو العباس اصل الحياة عندنا اساسها مالو اساس سبحانه خلق الكون الوان بشر اجناس ناس تشتهي المش مش لاقيه غير الدود وناس فطارها يوماتي كوراسون و جلاس وناس تلاقي غداها في زباله الكناس انا شفت جزار قلت دة بازار بيبيع حاجات انتيكه اللحم ده نسيته من عقلي ومحيته باستيكه وقلت للفول في معاهده علي طول مع الويكا
| |
|
نبيلة محمود خليل مديرة موقع الرحمة والمغفرة
الدولة : مصر عدد المساهمات : 17830 نقاط : 28643 تاريخ التسجيل : 31/08/2009 العمل/الترفيه : مديرة موقع الرحمة والمغفرة المزاج : الحمد الله تعاليق : اللهم اجعلنا ممن يدعون الجنة من أبوابها كلها
| موضوع: رد: بكائية الولد واللحم الأربعاء أكتوبر 31, 2012 6:33 pm | |
| ابني سالني يابويا يعني ايه جزار انا قلت من وكستي دا راجل بيبيع جزر وخيار بص وقالي الولد تبقي فاكرني حمار توب لربك يابني وداوم علي استغفار الله يحيى الكريم الله يحيى ياريت تلاقى اللحمة اصلهم بيقولوا الحمة كتير بس البشر مش راضى اشكرك يحيى وحشنا شعرك ربنا يكرمك ,,,,,, رجل فقير فى العيد شاف ناس كتير بتاكل لحمة
روح بيته لقى زوجته عامله "فول نابت"
وبتقوله : كل سنه وانت طيب !!
قالها : وانتى طيبه ، وأكلوا عادى ..
هو بقى ياكل الفول ويرمى قشره من الشباك ويقول فى نفسه : بقى الناس كلها بتاكل لحمه وانا باكل فول !! يللا الحمد لله ."
نزل الفقير من منزله وشاف حاجه إستغرب لها جداً .. !
شاف رجل كان قاعد تحت شباكه
بيلم قشر الفول النابت وينظفه و ياكله !
ويقول: الحمد لله الذى رزقنى من غير حول منى ولا قوه.....!!!
فقال الفقير " رضيت يارب .. يارب لك الحمد كما ينبغى لجلال وجهك وعظيم سلطانك " --------------------
أوعى تنكر على ربنا نعمه اللى بيمن بيها عليك ، أو تقوله ليـه يارب ؟؟
لإنه سبحانه أعلم منك بالخير ليك ، وهو العالم إمتى وإزاى هيديهولك
ارضَ بما قسمه الله لك وقل الحمد لله على كل شئ
_________________ اللهم كما علمت آدم علمنا وكما فهمت سليمان فهمنا اللهم كما أتيت داود وسليمان علماً علمنا والحمد لله الذى فضلنا على كثير من خلقه تفضيلا
عدل سابقا من قبل نبيلة محمود خليل في الأربعاء أكتوبر 31, 2012 6:38 pm عدل 1 مرات | |
|
راجينى مشرف منتدى مهارات الاتصال وتطوير الذات
الدولة : مصر عدد المساهمات : 1763 نقاط : 2061 تاريخ التسجيل : 11/09/2009
| |