يحيي ابراهيم يكتب هو دة الريس اللي احنا عاوزينه

هل تحققت تلك الامنيه قصيده قديمه قبل الأنتخابات

هو دة الريس اللي احنا عاوزينة
ريس يحط الشعب في قلبة وف عينة
لو يوم يخون الامانة
دوغري شايلينة
كل الشعوب فاقت وما عدش فية استبداد
عاوزينة في عدل عمر
وفي تقوي ابوبكر وف دينة
وفي حياء عثمان وعلم علي ولا شئ في الحكم يشينة
لا يفكر يحوش او يكوش وينهب قوت الشعب وملايينة
كان عندنا خازوق وبالثورات خالعينة
زهقنا من الطواشي والحواشي وظلم الفرد وسنينة
عاوزينة ريس يحب شعبة وما يفكر يوم يهينة
ريس يرعي الحقوق وحقوق الشعب ملتة ودينة
مسلم مسيحي في الوطن اخوة ولتراب الوطن حابينة
عاوزينة ريس ما يحبش يعيش في قصور
عاوزينة ريس يورينا طريق النور
عاوزينة ريس لو ثارت شعوبة يثور
وكرامة الفرد عنة سنة وكتاب مسطور
عاوزينة ريس لا يهمة لا مال ولا جاة
عاوزينة ريس يحكمنا بكتاب الله
عاوزينة ريس يسمعنا لو نقول الاة
عاوزينة نتباهي بية بحكمتة وتقواة
يا تري ارحام النسا ممكن تشيل زية
يبقي كنور الشمس والهلال ضية
هو دة الريس اللي احنا عاوزينة
هو دة بكرة اللي احنا شايفينة
هو دة الامل اللي احنا طالبينة
عاوزينة ريس يحكمنا وحاكمينة
والا في بورتو طرة بايدينا حادفينة
يا تري حلمي طال ولا ممكن هيتحقق
يا رب لجل النبي ريسنا يكون اصدق
شبعت يا مصر ندامة وشعبك اتخوزق
هو دة الريس اللي احنا عاوزينة

جزاك الله خيرا على هذه الكلمات المنتفات التى تحمل فى طياتها كلمات جميلة مبدعه
عظات بليغة وحكم نفسية تنزل على القلوب فتتركها وقت تذوقت بلسم الايمان
فجعل الله عملك بميزان حسناتك

چزآگ آلله خير يحيى

ّمشكور يحيى ايها المبدع
وقد اوحيت الىّ بموضوع سأكتبه حالا بعنوان الراعى والرعية

جزاك الله خير جعله الله فى ميزان حسناتك

اللي يبارك في كل من مر علي موضوعي شكرا للجميع بس معقوله دكتور بغدادي انا الهمك موضوع دة انا منك بستفيد واتعلم واترقي شكرا نبيله عابر سبيل ست الحبايب وعواطف واخي الجميل علي عيسي

يارب حقق لشعب مصر الأبية أمانيها وبارك لشعبها وللخيروديها هم أهلنا نتمنى لهم الخيرزي مابنتمناه لأنفسنا ووفقكم الله لما يحب ويرضى