حب الوطن مذكور
بكتابنا والسنه
عاشق انا وطني
وترابه كالحنه
عشق الوطن زادي
من جدي لولادي
عشق الوطن ياابه
هدفي ومرادي
عشق الوطن غايه
له قصه وروايه
عشق الوطن ياخال
في هجيرها ضلايه
قلب الوطن لو مال
ما ابيعه يوم بالمال
عشقه ومتاصل
مهما ميزانه مال
لو كنت ولد ابوك
عاشق تراب بلدك
فينه حق اخوك
والعتره من ولدك
لو كنت يوم قاسي
ياوطني ونقاسي
حب الوطن مخلوط
بدمي وانفاسي
عشق الوطن ياخال
مش غنوه او موال
عشق الوطن بالحشي
عشق الوطن زلزال
عشق الوطن كاسي
واكتب بكراسي
عشق الوطن كالداء
مخلوط بانفاسي
عاشق انا ومذهبي
عاشق وقلبي صبي
يامصر مين زيك
احلف ودين النبي
انتي وطن مجتبي
علمونا في المدارس
يعني ايه كلمه وطن
في الجوامع والكنايس
قلوب و عاشقه للوطن
يامصر مين غيرك
ياساكنه بقلوبنا
ولو ينوح طيرك
في هواكي دوبنا
علمي الناس الحضاره
مصر ياامي ومناره
اللي خان واللي باعك
علي غدره ميت اماره
عشاق ودين النبي
والسيده الطاهره
عشق الوطن مكسبي
في القلب ليه زهره
بلد العلوم والفنون
وبعشقها مجنون
شاعر وبكتب درر
وبعشقها مفتون
دعا الخليل ليها
وموسى عاش فيها
داوود بترانيمه
وعيسى وأحمد
باركو اهاليها
والسيده الطاهره
وسبط سيدنا النبي
والسيده عيشه
ده عشقها مطلبي
تعيشي ياامنا
عاشق وقلبي صبي
في طنطا البدوي
وسيدي ابراهيم بدسوق
ياقناوي نظره ومدد
ياحسين قلبي مشوق
المرسي ياابو العباس
ياصفوه الجلاس
والسيده نفيسه
والقلب كله حنين
زرت زين العابدين
والسيده فاطمه
ورئيسه الديوان
عاشقك وعاشق ترابك
وكتبت الف ديوان
ام الغلام ياجدع
قصه وفيها البدع
عاشق ترابك انا
بالعشق قلبي انصدع
من سيدي شبل مشيت
للاقصري حنيت
من مسجدك ياعمرو
الي السيوطي وجيت
كم فيك من اوليا
كم فيك من اصفيا
عاشق تراب ارضك
ورفعت الالويه
اكتب وقول ياتاريخ
وعدل التواريخ
واحكي بامجادها
الطالعه للمريخ
مسلم وقبطي انا.
قلبي طرح سوسنه
ومادنه جارها جرس
عشاق تراب الوطن
الكل في واحد
بالعشق صابه الهنا
عشاق تراب الوطن
وقلبي صابه شجن
لكن جمال طلتك
بنعدي بيها المحن
فيك الغريب مكروم
بيك العدا مهزوم
فيك الكرم مطبوع
راح نرضي بالمقسوم
يامصر مين زيك
نور القمر ضيك
والشمس ياامنا
سكنت هنا بحيك
عايشه فينا وعشنا فيها
والقلوب بتميل اليها
حتي في وقت الكروب
جنود نحمي اراضيها
عاشقين ولترابها
والمشي بدروبها
ومهما مال الزمن
برضه احبابها
عشق الوطن دافي
ولحمه بكتافي
كما الزلال صافي
يادره الاوطان
اخر كلامي سلامي
راح تعيشي يامصر
نفسي ابني جنينه
من فوقيها قصر
لدره الاوطان
وعشقي فاق الحصر