سجال امس مجمع مع الشاعر عيد ابو عيد أبو زاهر برابطه شعراء العامية المصرية
قلت يابحر ايه مالك
انا محتار ف احوالك
وليه تقسي علي العشاق
وانا العاشق ولجمالك
خدت حبيبي راح لبعيد
حبيبي يخلف المواعيد
وياما اكتب واقول واعيد
يقول الحلو ايه مالك
يابحر الحب والحيره
عاشق والعشق جنني
عاشق للأهل والجيره
َوليا غزال مجنني
كتبت قصيده للعشاق
وتاه طريق حبيب مني
وانا فارس مع الاشواق
ومين ع العشق صبرني
وكان الحب عنواني
طرح اشواك باغصاني
وتفاحي ورماني
وغدر حبيبي خلاني
في دنيا كلها اشواك
عاشق وقال قلبه ملاك
اتاري العشق والله هلاك
ومين ع العشق وداني
ومين ع البر ورماني
ومين خلاني وحداني
ومين قساني الا هواك
وحشتيني
يا عشره عمري وسنيني
يااغلي من ضيا عيني
وحشتيني
وحشني الرقه والخفه
وضم الشفه ع الشفه
عروسه وزاينه الزفه
وحشتيني
ياساكنه اذيني وبطيني
ياعشره عمري وسنيني
وحشتيني
غريق في بحر الهوا
والعشق مر ياخال
عليل ومالي دوا
غير نظره تشفي البال
لما غرقنا سوا
ياصاحبي في المعشقه
فرح عزولي وشمت
قال ميزانك مال
جالي الحبيب وانتشي قليبي
لحظتها
قلت لعزول الهوي
قلب حبيبي مال
يامغرمين في الهوي
قلبي عاشق صبابه
غرق في بحر الهوي
سهم الهوي صابه
اوعاك تلوم ع المعني
ياخلي ف مصابه
ده كلنا عشاق
وعجوزي يتصابي
يابت يام الضفيرة
تشبه لديل الفرس
ع العشق والله صغيره
وقفوا العسس والحرس
وانا واحد من الحجاب
وف قلبي مليون جرس
دوري حبه في كتابك
هتلاقيني
ورده دبلانه يانن عيني
دوري حبه ف جيوبك فتشي
تلقي قلبي في غرامك ينتشي
عاشق يابنت القمر
والنجوم حواليك
غزلت لك م القمر
كام قميص شفتشي
توام روحي وعشقي الغالي
اجمل شطره في موالي
اجمل نغمه بعود غنيتها
اجمل زهره تطوف بخيالي
عشق سنيني وزهره عمري
اجمل لوحه رسمها خيالي
نظره واحده تكفيني
ولمسه شوق بتحييني
وهمسه واحده م المحبوب
ياروح الروح بتشفيني
امانه عليك ياروح قلبي
قليب مجروح وببخبي
ولغايه طلوع الروح
عاشقك ولحد تكفيني
تعالي ياروحي نتلاقي
وتبقي قلوبنا مشتاقه
قلوب صافيه وتتشاقي
في دنيا الحب والافراح
في دنيا السهد والاتراح
قليب اخضر وكله براح
وروح للروح ومشتاقه
غواص ف بحر الهوي
صادتني بلطيه
حلوه صلاه النبي
بكفوف محنيه
قلت اسير الغرام
واشتهي نظره
قالت ضناك الهوي
ده انا وحدي لوليه
اوعاك تنزل بحورنا
ودوله العشاق
ابليس يا نن العين
لم يقدر علي وليه
ياعاشقين في الهوي
ده كلنا مجاريح
عليل وطالب دوا
تصريح او يادوب تلميح
قالي قاضي الغرام
والعشق والمعشقه
كله ياوليدي فاني
غرامك كقبض الريح
ياعم باللي بلا خال
تعالي اعملك خالي
واحط قلبي الملان
علي قلبك الخالي
عشقت نور القمر
ورن خلخالي
لما رماني الهوي
علي قليب خالي
حتي قلوع المراكب
م العشق ما خالي
لما عشقت القمر
ودوبت ف المعشقه
قلبي سرح في الهوي
نصبوا له ميت مشنقه
عصفور وطار بالعلالي
ما طاب له يوم شقشقه
عاشق وقلبي صبي
رضا الحبيب مكسبي
في العشق والمعشقه فارس
علي قلوب العذاري
واقف لي ميت فارس
خطبت يوم ودهم
قالوا لي ليه حبيت.
ده اللي ضناه الهوي
ما يهمه ف فوارس
في سجال ابو زاهر
شاعر انا ماهر
محمود السرسي ياخال
فارس شاعر ظاهر
مع سيف فاروق عثمان
شفت البدع الوان
شاعر ما لوش مثيل
من خالص الخلان
رفيق الصمت الصمت يشجينا
بسحر الشعر يحيينا
ويجمعنا محبينا
في دوله العشاق
توام توأم روحي محلاها
رب العزه حلاها
باشعارها تمتعنا
كشمس الضهر وضحاها
ميشيل جرجس وشرفنا
بفن الشعر عرفنا
وشاعر باعرافنا
شعرا ربي يحميها
ونسمع عمنا ممدوح
طير غرد وفوق الدوح
من شعره عبير بيفوح
بحور شعره ومعانيها
وقول كمان يافللي
شاعرنا براهيم علي
قول ياعمي وانجلي
بحور شعره نعديها
وقول كمان يافللي
شعر جميل قرنفلي
مع العشاق وقول تاني
عمي عبرحيم علي
وسامح الاطير منورنا
بشعر جميل يصبرنا
وبيك زادت في انوارنا
شعرا ربي حاميها
احمد موسي ده شاعر
كله رقه ومشاعر
ولسبف الغرام شاهر
بحور شعره وقوافبها
احمد سبد قول وعيد
سجال ما يخلف المواعيد
شعرا بيها نتباهي
ربي العزه فيها يزيد
سامي جودة ده سيدنا
شعره زاد مواجدنا.
ورب المولي يوعدنا
نكون له في يوم تلاميذ
فواد فؤاد الشمري ياخال
فارس الغنوه والموال
وربي عالم الاحوال
لباب التوبه هادينا
انا عاشق جمال قدك
وانا ياروحي مش قدك
وعشق الخال علي خدك
بياسرني ف ليل ونهار
علي بابك انا زنهار
وانا شاطر من الشطار
وميتني جمال ردك
بحور الشعر عديتها
فدا عيونك
نجوم الليل وعديتها
منا عاشقك ومجنونك
وكام غلطه وعديتها
وقلبي ياحلوه هيصونك
بحور الشعر عديتها
وانا البحار
نجوم الليل وعديتها
واقف زنهار
وكام غلطه وعديتها
وانا محتار
امير في المعشقه وفارس
لفنون الغرام دارس
علي قلبك انا حارس
وانا المختار
ومستني يجيلي الليل
وأفضالك
منا مش ناسي
افضالك
ولو مشغول ياروح الروح
راح افضالك
عاشق وضناه النوح
بافضالك
مسا الرقه علي العشاق
مسا الرقه مسا الانوار
وانا مشتاق
مشتاق لصحبه العشاق
مشتاق لعشقك الغالي
وابيع نفسي وابيع مالي
واكون بذمره العشاق
توأم روحي وعشق عزيز غالي
وانا عاشق نجوم الليل وموالي
لفيتها بلاد وبلاد ف ترحالي
وقمري في السما عالي
ياروح الروح
بقولها والفواد مجروح
بقولها والعبير بيفوح
بقولها وقلبي كله جروح
انا عاشق
اكتب وقول ياقلم
عن قلب صابه الالم
اكتب وبوح ياجدع
واضرب ياواد الودع
مين في الغرام انخدع
مين في الهوي ما طاب
مين سعيه مره خاب
مين يشرب الانخاب
واحكي وقول ياقلم
توام توأم روحي
في بور سعيد قلبي
ياروحي بات مجروح
وكان سعيد وكان
كالطير ضناه البوح
لفيتها بيت ورا بيت
من طنطا لمطروح
في بور سعيد ياخال
دمي صبح مسفوح
انا اللي فارس وانا
في المعشقه جني
اكتب واقول اشعار
والحلو جنني
وابات وانا محتار
واقول جمال فني
حسدوني عزالي
قالو الجدع شاعر
جوه بحور الهوي
والمعشقه واعر
قلت صريع الهوي
واكتبها بمشاعر
وكان الحب عنواني
وبساتيني واغصاني
وبحر الشعر يهواني
واحس بلوعه وهواني
واقول شاعر لكن محتار
بحلم ببكره الف نهار
واكون شاطر من الشطار
واكون بالمعشقه فارس
وحلمي ما له ضل نهار
يابنت الايه ياقمرايه
ياقمر الليل وضلايه
دعيت للقلب في صلايه
يسعد كل لياليكي
منا منك وانا ليكي
وانا اللي قلبي داب فيكي
وبنده لك
واقول اهلك راح اخطبها
وادفع مهرها الغالي
باقمره وساكنه بالعالي
واكتب ليك بموالي
منا منك وانا لبكي
وانا قنديل لياليكي
بابنت الايه ياعشريه
ياعشره عمري وسنيني
يافرحه عمري وعنيا
ياكلمه؛شوق تدفيني
انا عاشقك ياروح روحي
يااحلي نغمه بقانوني
قالو زمان في المثل
عشق الجمال غيه
طلعت فوق السطوح
وعملت بنيه
طار حمام الغرام بالالف والميه
شبكتني يمامه
بكفوف محنيه
قلت اسم القمر
قالت لي حوريه
قوم ياعليل القليب
الرك ع النيه
في عيونك ابات واسهر
ومن غير المدام اسكر
ياحلوه ربي حلاكي
ياطعمه واحلي م السكر
انا فارسك وخيالك
وانا اللي عشت بخيالك
وانا غنوه وموالك
وعلي بعدك ما يوم اصبر
ياروح الروح انا جايلك
وف نن العيون شايلك
انا اصلك وانا اهلك
انا اللي قلبي ينده لك
ولما تيجي علي مهلك
اقولها لك وحشتيني
نادي قوام وانا اجيلك
نادي يا قبله العشاق
وقرانك واناجيلك
ياام الدنيا انا مشتاق
نادي عليا راح اجي لك
واكون نورك في قناديلك
واقول تاني واغني لك
يامصر الحب والأشواق
أمس في 7:47 pm من طرف حبيبه القحطاني
