كيف تنكد على زوجتك

* الزوج النكدي

اعلم ياعزيزي هناك عشروصايا مهمه لكي تصبح زوج نكدي قبل ان تفوز عليك زوجتك بهذا اللقب.
اولا*من ليله الدخله وعلي رأي المثل ادبح لزوجتك القطه يعني تخليك من الاول حمش ولك صوت وصهلله زي الفارس في البيت لانك لو من اولها نخيت او اتهزيت ستفقد مكانك وهتكون دخلتك في البيت تكون دخلة المخلوع من الرئاسه .

ثانيا*المرأه تحب الراجل النزيهه يعني اللي بيصرف عليها ببذخ يعني لبس وفسح ودهب وعربيه وفستان وشنطه اوعي تعمل اي حاجه من دول خليك زي مابيقولوا جلده ومبوز علي طول واوعي تعرف مراتك معاك كام ودخلك ايه ياتروح ياولداه فلوسك وشقاك ودايما طلع بالقطاره يدوب اللي يعيشك واعمل علي رأي المثل يامستكتر الزمن اكتر.

ثالثا*بيقال في العاميه( زوجك علي ماتعوديه) غير انت المقوله دي وعود زوجتك علي طباعك يعني من اول يوم خليك سي السيد الجامد وخلي في بالك ان مراتك الست امينه بتاعه فيلم قصر الشوق كل حاجه حاضر ونعم وتكون الكلمه كلمتك ومافيش مانع تسالها في اي موضوع بس القرارقرارك والشوري شورتك وياويلك لو مراتك مسكت اللجام هتبقي ساعتها تتحول من سي السيد الي علي عوض .

رابعا* الست بتحب الراجل المسبسب الحليوه يعني يلبس كويس وبرفان وجيل في شعره يعني باختصار الواد بتاع المسلسلات التركي الحليوه طبعا انت راجل شقيان وتعبان وماليكش في الكلام ده خليك بعبلك وعرقك ودايما لبسك في البيت بيجامه مقطعه وياريت جلابيه قديمه وادعي دايما انك فقير ومعكش اللضي ولوعاوز تلبس وتتشيك ياريت يكون وهي في السوق بتشتري خضار او عند امها المهم اتصرف وخليك ذكي كده تبقي نكدي ناجح.

خامسا*الستات بتحب الكلمه الحلوه والملاطفه والمسايسه وبتحب يسمعوا كلام الغرام والغزل ومفتاح قلب الست الكلمه الحلوه وخليك انت اذكي من مراتك لما تعوز منها حاجه لاطفها بكلمات غزل وخليك كالثعلب في الغابه متربص للفريسه وبعد ماتنول مرادك ارجع لقواعدك سالما شده وحزم و قوه ودهاء الثعلب وقوه الاسد واوعي تغير خططتك.

سادسا* كيد النساء طبعا انت عارف ان كيد النساء كما ذكر في القرأن الكريم عظيم فدائما خليك حذر وحويط من كيد النساء هتقول ازاي هقولك الستات عندهم اسلحه فتاكه زي الدلع والانوثه والمحايله وغيره خليك انت الواد النمس واوزن الامور بميزان الحكمه وخد طلبك من كل دول دون الوقوع في كيدهن وحاسب من الفخ فحبل الوداد بينكم موصول بس بالعقل والاصول ومتناس تفطرها عدس وتعشيها فول.

سابعا * في رجاله خايبه كتير بتقع في الغلط بسرعه مراته تقوله طلقني يقوم في حماس وهمه يقوم مطلقها ولحظه غضب ويرجع يندم ويدور علي شيخ يحرم ويحلل لحد مايوصل في النهايه لمحلل والخايب التاني اللي يقول لو روحتي او خرجتي او عملتي تبقي طالق اهو ده الغباء والوقوع في البلاء وتكسب مراتك الشقه والمؤخر والمقدم والشبكه والمهر وتطلع انت من المولد بايع الحمص ومش بعيدة تتحبس علشان كلمه وبقول سيادتك ياراجل خليك راجل قالتك طلقني قولها بعينيك تعصي امرك عاقبها وزي ماقلت لك نكد عليها انت الاول.

ثامنا*الستات دايما بعد الزواج بيتغيروا 360 درجه فبعد ماكانت بنت سفيفه رشيقه وزنها 50 كيلوا مش اكتر تلاقيها بسرعه ضربت وتخنت واشتغل المحشي والكرنب ووزنها يتحول الي 100كيلوا بعد سنه ناهيك عن الخلفه واهمالها في شكلها انت عليك من الاول تشترط عليها تفضل زي ماتجوزتها وتجيب ميزان في البيت وتوزنها كل يوم ولو حسيت انها بدات تزيد ووصلت الي ستين كيلو اعرف ان الخطر قادم وابدأ الهجوم وعرفها انها ستفقد مقوماتها كانثي وانك هتبص لغيرها غصب عنك.

تاسعا*الستات بطبعها غيوره جدا حتي لو جوزها عجوز خرده وانت كراجل استغل السلاح ده وخليك دايماغامض ومحير لا تخونها ولا تحسسها ان مافيش في القلب غيرها وامسك العصايا من النصف يعني لو معاك موبايلك بخطين خلي معاك خط ثالث حتي لو مش شغال عليه اسماء وارقام اي بنات باي ارقام وحسسها انك فلانتينوا حتي لو مافيش حتي عرسه بتبصلك ولو حد اتصل بيك من اصحابك وطي صوتك ووشوشه كانك بتكلم فتاه جميله وهكذا من الحيل والعب علي وتر الغيره قد ما تقدر اما ان كانت زوجتك لاتسال فيك فربنا يتولاك .

عاشرا*الستات بطبعهم سريعي الغضب وزي البحر موجهم في العالي وهادر والراجل القبطان اللي يمسك الدفه ويمشي مركبه في البحر بمهارته وبحكمته وقيادته والراجل اللي يفهم ست في العالم مش موجود لانهم مش فاهمين نفسهم ومهما عملت ليهم مش هترضيهم واستغل غضبهم لصالحك وفهمها انك عارف كل احساسها ومشاعرها ولما تثور عليك خليها علي ثورتها لحد ماتغلط فيك وبعدين اتركها وساعه الحساب فكرها بغلطتها

واخير لوفيكم راجل عمل كده يبقى يقابلنى ويقولي ههههههههههههه

نصائح قيمه للرجاله, اللى هيأخد بيها هنتفرج عليه هيخلص من الستات ,ازاى , الله يسامحك

:bhy:

اخي سيد راضي دي نصائح ام حكم بالاعدام ههههههههههههههه

بس كمان ليه سؤال الاول كان الزوج بيقول على الزوجه الحكومة لان كلمتها لاترد طيب وبعد ماضاعت هيبة الحكومة نقول ايه هههههههههه

شكرا اخي الغالي بس مش هعمل بنصائحك وهعما بالمثل اللي بيقول من خاف سلم ( اخي الفاضل ربك ماعظم شئ غير كيد النساء )الله ينجيني وينجيك منه وجميع الرجال قول امين


:jlhl:

واخير لوفيكم راجل عمل كده يبقى يقابلنى ويقولي ههههههههههههه
لا بجد نكته حلوة

هههههههههههههههههههههههههه

شكرا على مروركم وجزاكم الله خيرا جميعا

شكرا لك أبو الروض وعايزين نفرح فيك أقصد بيك ونشوف

وربنا يكفيك شر الزوجه النكديه

شكرا قلبى الايمان على مرورك الكريم

اخى /سيد
.....امانه تنشر حكايتى بعد ما اطبق وصاياك
....لأنى احتمال ما الحقش اكتب وصيتى
.......ياراجل خلينا ماشين جنب الحيط
وابعد عن الشر وغنيله ....(كان بدرى عليك عليك بدرى )
ربنا يجعل كلامنا خفيف عليهم
عن اذنك بئى زوجتى بتنادى عليا هههههههههه

كيف تنكد على زوجتك
شكرا على المعلومات الجميله
علشان الواحد لما يتجوز يبقى مستعد لعمل اللازم ويعمل فيها سى السيد