كوسه فى كوسه

القاضي و بياع الفراخ


جه راجل ومعاه فرخه مذبوحة ( يعنى ميتة ) وكان رايح (لمحل الفراخ)

عند بتاع الفراخ علشان يقطع الفرخه فقاله البياع خلاص غيب لك

ربع ساعة وتعالالي بعدها تلقاها جاهزة

قاله صاحب الفرخه : خلاص اوك

*

فمر قاضى المدينة على بياع الفراخ

وقاله :عايز فرخه

رد عليه البياع : حضرتك مش فاضل غير الفرخه دي وهى لراجل راجع دلوقت

قاله القاضى : خلاص يا بني انت بيعهالي واذا جه صاحبها قوله اني الفرخه طارت

قال البياع : ازاي مينفعش؟؟ ده هو حتى جايبها ميته لا مقدرش ؟؟؟

قاله القاضى : اقولك قوله كدا وخلاص وسيبه يشتكى ولا يهمك

قال البياع : طيب و ربنا يستر*



*

جه صاحب الفرخه عند البياع وساله فين الفرخه هي لسه مخلصتش ولا ايه؟

قاله البياع : تصدق فرختك طارت

قال صاحب الفرخه : انت بتقول ايه وازاي ده يحصل ؟؟؟ انت مسطول ولا جرى لعقلك حاجه انت... أنا جايبها ميتة

وحصل مابينهم شد في الكلام وكانو هايعملو زعيق جامد ويلمو الناس عليهم

فقال صاحب الفرخه : امري لله تعالا معايا نروح للقاضي علشان يحكم بينا هناك و يبان الحق *


*فراحو للقاضي و هما في الطريق للقاضي في السكه شافوا اثنين طابين خناقه مع بعض

واحد مسلم والتاني يهودي

فجه بياع محل الفراخ يصلح بينهم بس صباعو دخل في عين اليهودي و فقعها


فالناس تجمعت بقى وبتاع ومسكو بتاع الفراخ وفضلو يقولو هو ده اللي فقع عين اليهودي

فصارت القضية قضيتين فوق دماغه *

*

فجروه للمحكمة عند القاضي فيوم قربو من المحكمة حاول يفلت منهم وهرب

وجريو وراه يلحقوه عايزين يمسكوه بس هو راح يتحمىفي جامع و هم وراه

وتعلق بقى بمئذنه الجامع وهم وراه آخرتها راح واقع من فوق وراح خابط بواحد عجوز جاب اخره

فمات العجوز اصل الخبطه كانت جامده عليه

*

فجه ابن العجوز وشاف أبوه ميت وفضل يجري ورا صاحب محل الفراخ لغاية ما مسكه بالاخر هو ومعاه باقي الناس


وجروه معاهم للقاضي

فلما شافه القاضي ضحك كان فاكر كل ده علشان قصة الفرخه
مكنش عارف اللي فيها

اني الراجل عليه ثلاث قضايا

1) سرقة الفرخه

2) فقع عين اليهودي

3 ) قتل العجوز


فلما عرف القاضي حط ايده على راسه وقاله جيبت العيد يا خويه

فقعد يفكر القاضي ويفكر وبعدها قال خلونا يا جماعه ناخد القضايا وحدة وحدة



*

المهم نادى القاضي صاحب الفرخه

قاله القاضي: تقول ايه في دعواك على صاحب محل الفراخ

قال صاحب الفرخه : الراجل ده يا سيادة القاضى سرق فرختي وهو لسه واخدها مني الصبح على انها ميته
ويقووووول إنها طاااارت تيجي ازاي دي حضرتك ؟؟

قال القاضي : هل تؤمن بالله

قال صاحب الفرخه : نعم أؤمن بالله **

قاله القاضي : ( يحيي العظام وهى رميم)
فيها حاجه دي


اندهو للمدعي التاني



*

فمسكو اليهودي وقالوا ده يا سيادة القاضى اللي فقع عينة بتاع الفراخ

فقعد القاضي يحوس ويفكر ويطلع وينزل,,,,,**

فقال القاضي لليهودي : دية المسلم للكافر النصف يعنى نفقع عينك الثانية**

علشان تفقع عين وحدة للمسلم (بياع الفراخ )

فقال اليهودي : خلاص يا باشا أنا أتنازل عن دعوتي مش عايز منه حاجه الراجل ده

فقال القاضي :يلا اللي بعده



جه ابن الراجل العجوز المتوفى وقال : يا قاضى الراجل ده وقع على أبويا وقتله **

ففكر القاضي وقال : خلاص روحو لعند المئذنة والولد يقف فوق ويوقع نفسه

على بياع الفراخ**

فقال الولد للقاضي : طيب واعمل ايه انا بقى لو ميل يمين ولا شمال مش يمكن اموت انا ولحق ابويا القبر

قال القاضي : واللااااه بقى دي مش مشكلتي،ليه والدك ما ملش يمين ولا شمال هو كان حد حايشه؟؟؟؟؟؟؟؟؟؟؟؟؟؟؟؟؟؟

*
*
*
مايستفاد : مهما جبت العيد ومهما كانت المصيبه اللي عاملها سيادتك، هتلاقي دايما هناك من يستطيع اخراجك منها زي الشعره من العجين

شكرا لك راقى بأخلاقى قصه توضح اصحاب الذمم

الخربه والفاسدين عندما يتحايلون للهروب من الجزاء العادل والقصاص

فى الدنيا ونسوا رب الدنيا والاخرة المنتقم الجبار عز من قائل عن دعوة المظلوم

(وعزتى وجلالى لانصرنك ولو بعد حين)




لا تظلمن إذا ما كنت مقتدرا *** فالظلم ترجع عقباه إلى الندمِ
تنام عيناك والمظلوم منتبهٌ *** يدعو عليك وعين الله لم تنمِ"



:22تت:

لولو نجيب سرور كان لة قصيدة مشهورة يقول مطلعها
يا بلدنا يا عجيبة فيكي حاجة محيراني نزرع القمح في سنين يطلع القرع في ثواني علي ذكر الكوسة علي فكرة قراقوش كانت احكامة كدة برضة بس بجد قصة رووووووووووووووووووووووووعة