مسحراتي مصر ميدان التحرير

وجدت انة من العيب ان الف مصر وكلها ولا اذهب للميدان اسحرهم

مسحراتي مصر التحرير
مسحراتي منقراتي والدق علي طبلي
هليت يا رمضان يا مجمع
الأحباب والدق علي طبلي
لما وصل رمضان علي كتفي طبطب لي
وقال لي قوم دلوقتي طير
سحر حبايب مصر في التحرير
طلعت ع التحرير حزين القلب وكسير
ع اللي جرا ليك يا مصر يا غالية
الطبلة بترن والقلب بيئن عليك يا محروسة
الطبلة بترن والدم بيحن
والحزن فارد جناحة وقلوبنا في الهم مغموسة
دي مصر لسة صغار والقلب لسة خضار
عجزتي يا عروسة
من شلة ملعونة والأمة مطحونة والطغمة منحوسة
انا شفت خالد سعيد معاهم ما كانش بعيد
وامة تقول يا شهيد بالثورة انت سعيد
في القبر نام وارتاح وانا لسة مفروسة
لحد ما اخد التار م الظالم الغدار
اللي خلع قلبي وفداك يا محروسة
شفت هنا ولادي دكاترة تسعد فؤادي
تسعف جريح الوطن والخطة مدروسة
لا سني من سنهم
في عروقي فار دمهم
بكيت بعلو الصوت وبكايا كان دعمهم
انا رحت سحرتهم بكلامي صبرتهم

ع الطبلة غنيت لهم عشتي يا محروسة
من عزم صوتي ناديت
من حزن قلبي بكيت
ورفعت ايدي شكيت
يا رب انت القوي الكل ردد ورايا
نروح شهدا كلنا وتعيشي يا محروسة
وناديت فينك يا فادي كالبلبل الشادي
سحورك وجب يا بطل
قالو لي فادي شهيد واحمد وعم سعيد
وسالي وشهدي ومرقص معاة زهدي
تحت التراب لكن لازم نجيب حقهم
الطبلة بدل الرنين بكت بدمع العين
انا قلت لا تبكي الحرية تمن دمهم
مسحراتي منقراتي عمال اهاتي اسحر ليلاتي
واقول يا محروسة راح تفضلي عروسة
رغم الجراح والألم هنكسر في يوم سمهم
رغم الجراح والأنين
ورغم ذل السنين وكل نقطة دم
بتزلزل الكرسي من تحتهم
مسحراتي منقراتي والدق علي طبلي
هليت يا رمضان يا مجمع
الأحباب والدق علي طبلي
لما وصل رمضان علي كتفي طبطب لي

شعر رائع ومميز وكلام اكثر من رائع
شكرا لك الشاعر المتالق المبدع
يحي ابراهيم
سلمت يداك
بارك الله فيك

أإسـ عٍ ـد الله أإأوٍقـآتَكُـم بكُـل خَ ـيرٍ

دآإئمـاَ تَـبهَـرٍوٍنآآ
بَمَ ـوٍآضيعكـ

أإلتي تَفُـوٍح مِنهآ عَ
ـطرٍ أإلآبدآع وٍأإلـتَمـيُزٍ