يحيي ابراهيم يكتب برقيات غنائيه

تلغرافات غنائيه
حاليا بألأسواق علي شرائط وسي دي احدث شريط للمطرب العاتفي يحيي ابراهيم محمد
الغناء هو حاله من الشجن تصف احوال الشعوب من شريطي الجديد انقل لكم بعض تلغرافاته
1/ حاسس بمصيبه جيالي للمبدع نجيب الريحاني اهديها للأستاذ الدكتور عصام العريان بمناسبه تصريحه لحافظ الميرازي برغبته في عوده اليهود اللذين طردهم عبد الناصر الي العوده لمصر ؟؟؟؟؟؟؟؟؟( يا نهار اسود دي من عندي انا) ليه يا عم عصام علشان نوفر مكان للفلسطنيين يرجعوا بلدهم؟؟؟؟؟؟؟؟؟؟؟؟
2/عيب اعمل معروف عيب ما انتاش مكسوف للمبدعه ثريا حلمي اهديها للحازمون بسسب اعمالهم البطوليه من محاصره مدينه الأنتاج الأعلامي والتهديد بأقتحام قسم شرطه الدقي
3/اخي جاوز الظالمون المدي للمبدعه ام كلثوم اهديها للدوله البوليسيه التي عادت اسوا مما كانت يا اما السكوت والصمت المطبق او القتل والسحل ما فيش حل وسط
4/يا دوله الظلم انمحي وبيدي المدي المصدر السابق ثومه يعني لمن قتل اخواننا في كل ميادين مصر وانفطر عليهم قلب مصر
5/حبيبي شغل كايرو ما فيش في القلب غيرو اهديها للدكتور العريفي والدكتور احمد القطان اللذين يعرفون فضل وقيمه مصر ولا اهديها لعبد الله بدر صاحب مقوله اياكش تولع مصر علي فكره العريفي والقطان سعوديان اشربوا في قلوبهم حب مصر
6/لجل ما نعلا وتعلا ونعلا لازم نطاطي نطاطي نطاطي
المبدع سيد درويش اهديها للمتلونون المتحولون المتغيرون الاكلون علي كل الموائد
7/ فيه ناس بتكسب ولا تتعبش وناس بتتعب ولا تكسبشي
للمبدع اسماعيل ياسين الي احمد عز طبعه 2012 و2013 من الشطار والمالكون والعياق ملاك مصر الجدد والمعني في بطن المغني
8/ ابني حبيبي نور عيني بيضربوا بيه المثل للمبدعه ام البطل شريفه فاضل لكل من روي بدمائه ارض مصر الطاهره من ابو ضيف لدنيال لعماد عفت طبعا منا ام البطل
9/ فلاح كان فايت بيغني من جنب السور مش عارف المطربه بصراحه اهديها لوزير الزراعه فين فرحه الفلاح وغناه الذي اصبح بكاء بعد وقبل ثورتنا المباركه
10/ يا رايحين للنبي الغالي هنيا لكو وعقبالي للرائعه ليلي مراد لكل من كتب الله له زياره بيته الحرام او يتجهز لعمره المولد النبوي الشريف وخاصه شخص عزيز الي قلبي اللهم تقبل
11/ سكر حلوه الدنيا سكر اهديها لمن قدموا السكر والزيت لشراء ذمم المصريين ومعاهم البطاطس وربنا يجعل كلامنا خفيف عليهم
12 / الضلمه ما تخوفش يا سمكه ملونه للمبدع بوجي الشهير بيونس شلبي اهديها لوزير الكهرباء باعتبارها شعار المرحله في ظل الانقطاع المتكرر للكهرباء واتذكر النداء القديم اطفي النور يا وليه احنا عساكر دوريه
13/ بانوا بانوا علي اصلكوا بانوا للمبدعه سعاد حسني لكل من لبس مسوح الرهبان واتمسكن لحد ما اتمكن
14/ في الركن البعيد الهادي للمبدعه انغام وفي نفس المكان في النادي الي وزير الشباب والرياضه بعد توقف الرياضه وتحول الانديه الي ركن للعشاق والحبيبه
15/ فنجان شاي مع سجارتين للمبدع محمد الموجي لوزير التموين بعد ارتفاع الاسعار المتوقع وربنا يسترها
16/كان مالي ما كنت في حالي لاي حد يعجبك تبعتها له
17/ انسوا اللي فات وانقضي ما دام زمانه مضي مش فاكر المطرب بصراحه اهديها لكل التحالفات الوطنيه والشعبيه وجبهات الأنقاد

هههه جميل يحيى حلو كتير
صنفت مشكور

عنجد حلو كتير
مشكور يحيى ومشكورة نبيلة حلو كتير

للمره الالف ما زال التؤام الجميل نبيله ونبيل يغرقني بفيض فضله ويخجل تواضعي شكرا اخي نبيل الف شكر نبيله تعليق نبيله يزيد اي كلمه بهاء والقا انه ليس تعليق انه موضوع اجمل من الاصل