يحيي ابراهيم يكتب الشعر لو شاب

الشعر لو شاب القلب لسه شباب
له كل يوم قصه للحب والاحباب
لو البدن يفترق شوقي عمره ما غاب
شاعر دروب الهوا والعشق دارسها
مين قيس وليلي لعبله ناظر مدارسها
في العشق والمعشقه طول عمري حارسها
بفتح كتاب الهوي واقرا في دروسها
واكيد عوازلي واخلع نابها وضروسها
انا عدو العوازل وانا اللي فارسها
اوعاك تبيع الوداد الصافي يا خلي
ياللي تكيد العوازل وانت داخل لي

من فرحتي راح اقول ده حبيبي وده خلي
اوعاك تنسي الفؤاد اللي لقلبك هوي
داوي الوداد بالودادوبخاف عليك م الهوا
كان قلبه جنب النجوم في لحظه جنبك هوي
لو راح في يوم يشتكي يقولوا قلبك دوا
حالف اقول غنوتك في غنوتي وطبلي
واحلف برب الكون قلب الحبيب طاب لي
الكف جوه الكف علي قلبي طب طب لي

ررررررررررررروعه فوق الوصف

مهما يكبر الانسان فالقلب شباب
بيحب وبعيش وبيستمتع بحبيبه القلب لا يشيب
لانه ينبض رررررروعه يحيى والله زمان
لا تحرمنا من اشعارك يا شاعرنا المبدع

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

القلب شباب على طول الحياة

شكرا لك على الكلام الجميل

شكرا اساتذتي جميعا دمتم بكل خير

شكرا لك على الموضوع الجميل و المفيد