يحيي ابراهيم محمد يكتب الكلب والاسد

الكلب خاف م الاسد من قله الحيله
وقال لابد اخدعه بالمكر والحيله

انا وحيد الاهل والعزوه والحيله ممكن
يا كلني الاسد وانا ما ليش حيله
وان دار عليا الاسد برضه ما ليش حيله
لكن كيف اخدعه وهو ملك الغاب
حافظ مكانته ان حضر في يوم او غاب
هو صحيح الاسد والطبع فيه غلاب
مهما كبر سنه او حتي شعره شاب
الكل منه يخاف ويقبل الاعتاب

شاف الاسد عن بعد جمع عضام حواليه
وقال ده لحم الاسود طعمه لا يعلي عليه
سمعه الاسد ارتعب قال زمن الاسود ولي
الكلب ياكل اسد الدنيا دارت بيه
الفرد شاف الاسد مرعوب ومتكدر
والكلب من نشوته فرحان بيتغندر
جري لحق الاسد وقال له يا سيدنا
الكلب لو يخدعك يبقي نهار اغبر
الكلب ياكل اسود نكته اكيد ماسخه
صبحت مسخه وكل الغاب بيتندر
رد الاسد قال له علي ضهري نط قوام
اللي يخون الملك يبقي نهاره ظلام
انا اللي كل البرايا تخشي زئير صوتي
يلعب بعقلي الكلاب دي حقيقه او اوهام
هجم الاسد ع الكلب والقرد فوق ضهره
الكلب شاف موته لكن بلع قهره
وقال يا قرد لازم فورا هتتعاقب
ايه اخرك عني عن خدمتي راغب
يا احط خلق الله لازم هتتحاسب
تروح تصيد لي اسد تغيب ولا تسال
وبعد موت الاسد يا قرد نتعاتب
خاف الاسد واترعب والقرد بين رحليه
وبان عليه التعب والمكر اثر فيه
في لحظه كان القرد محمول ما بين فكيه
م الوهم خاف الاسد والكلب اصبح ملك
اوعاك تخاف يا ملك مكر الكلاب يخدعك
الوهم لو يخدعك ما قوه يوم تنفعك