صباح النصر يا غاليه صباح النور**********************صباحك عزه وكرامه وقمر بيدور**************
بعد يأس وهزيمه وكسره نفس******************جاب الفرح يا غاليه اسود ونسور
**************************************
صباح النصر منصوره في كل زمان******************جنود صايمين وع التصيميم بكل ايمان*********************رسولنا قالها في حديثه ده خير جندك*****************جابو النصر يتسابقوا مع الازمان
************************
قام الاسد من عرينه في لحظه هب وثار***************محا ذل الهزيمه لم يرتضي بالعار**********************الله اكبر م الحناجر خارجه تهز الكون********************شفت اليهوي استخبي دوغري زي الفار
*******************************
قومي يا مصر العظيمه غيري توبك
البسي توب الفرح وقابلي محبوبك
واترحمي ع الشهيد اللي فداك دمه
انا اللي وقت الكروب ولدك ومحسوبك
*************************************
حلفنا برب الكون والارض ويا السما
الفرحه جايه يا غاليه بنصره متبسمه
خط بارليف الحصين في لحظه اصبح عدم
النصر ساعه العصر صبح كمان ملحمه
***********************
يا مصر قومي واخلعي توب الحداد
بقي فيه عروسه في عرسها تلبس سواد
ايه يعني لو مليون شهيد يفدوا ترابك
ده النصر مكتوب لك يا ارض الجهاد
*******************
الله اكبر العلم رفرف فوق سينا بيغني
منصوره يا ام العرب انا كنت مستني
اشوف في يوم فرحتك واشرب زلال كاسي
انا شفت بسمه شهيد فرحان ومتهني
**************************************
شفت زند البطل وهو ع المدفع
شفت عزم الرجال المرجله المجدع
ايده ع المدفع والنصر حام حواليه
وشفت وجوه كالحه بتجري وتبرطع
*******************
يا خط بارليف بلاش تخاريف في لحظه راح تنهار
شفت ابني البطل في المعركه زنهار
سا دات يا بطل العرب دي المعركه حاميه
بكره مصر العظيمه تصبح باحلي نهار
**************
النصر للشجعان مش للشاكي والباكي
صباح النصر يا غاليه بنلقاكي
تحيه للي عبر واللي صبر واللي
غني للمعركه يا جميله محلاكي
*********************
كان حلم واتحقق والارض تتشقق مطرح خطاويهم
يا خير جند الوطن قلب الوطن حزنان والكرب ماليهم
قاموا الشباب الجميل حققوا الاعجاز
وقف التاريخ مبهور يحكي حكاويهم
***********************
شعب في قلبه قرأنه واناجيله
في وقت الكرب بايمانه وتراتيله
يخطي الصعب يدق الكعب ببساله
ويوم النصر يقيد لمصر قناديله
*********************
احمد وبولس في الميدان اسود كاسره
يفدوا تراب الوطن بشهاده او نصره
ضم الهلال الصليب واخده بالاحضان
يدعوا لرب مجيب في ساعه العسره
*********************
دم الشهيد ع الارض يكتب ملحمه
شفت وجوه عابسه وتانيه متبسمه
وشوش علاها الياس ووشوش تنادي التار
ووشوش في خط النار للمولي مستسلمه
*********************
ياام الشهيد زعرتي وقولي مين زيي
ابني البطل في الجنان بالمسك متحني
في ارض سينا جاب النصر لبلاده
تشوفه في الميدان تقولش ده جني
******************
وعبرنا من شط الهزيمه لشط الانتصار
نعمر صحاريها نحول صفارها خضار
عاش اللي قال اعبروا والمولي راعيكم
عاش الشعب اللي رافض الانكسار
***********************
عاش البطل اللي راكب جوه طياره
عاش البطل اللي جاب النصر بجساره
مات العدو اللي بخندق وبجبنه اتحصن
فاكرين بحر البقر وولادنا في الغاره
أمس في 8:52 pm من طرف مريم صلاح
