ة
علمونا في الطفوله
يعني ايه معني الرجوله
علمونا في الجوامع
يعني ايه معني البطوله
علمونا في الكنايس
علمونا في المدارس
اللي يبقي اصله فارس
يبقي عنوان للرجوله
البطوله يعني منسي
اوعي مره ياولدي تنسي
تنسى بطولات بلادك
تنسي ايه عملوه ولادك
ع الحدود خيره جنودنا
يرسموا معني الرجوله
علمونا ان الرجال
كالاسود تحمي بلادها
علمونا وعلمونا
مصر تتباهي بولادها
علمونا ان الرجوله
تبقي كل يوم سندها
الرجوله ان بيتك
قمحه يبقي زرع غيطك
ان ما تمدش ايديك
للعويل وتقول ياريتك
ان تبقي ياولدي فارس
ربنا وحده يغيتك
علمونا ان الرجوله
تبقي ست بالف راجل
كتفها بكتاف راجلها
جوه غيطانها بمناجل
ست لكن ياحبيبي
في الصعاب تعمل هوايل
الرجوله جوه بيتك
كالاسد داخل عرينه
لو يشيخ العمر لكن
حميه الشباب تزينه
عمره ما راسه يطاطي
ولا شي بالكون يشينه
معني الرجوله ادب
وروح تقابل روح
معني الرجوله ياخال
ما بسري يوم وتبوح
معني الرجوله وفاء
حتي طلوع الروح
الرجوله تبقي فارس
تنحني كل الفارس
لما يبقي لوطنه حارس
لما يبقي لدينه دارس
هو دع معني الرجوله
والضمير ع القلب حارس
علمونا في المدارس
اوعي للعويل تطاطي
علمونا وعلمونا
ان ربك وحده عاطي
الرجوله معني سامي
وبس للديان تطاطي
افتح القاموس ياخال
قول ايه معني الرجوله
لما حظ السبع مال
والكلاب لازم تطوله
الرجوله مش كلام
بس موجود في الاغاني
الرجوله مش تمني
شبعنا والله م الاماني
الرجوله وقت ضيقك
تحمي جارك او حبيبك
اللي مكتوب لك ياعمي
في القدر لازم يصيبك
الرجوله ان ابدا تبتعد عللي يعيبك
قالو الرجوله ادب
قالوا لي هز كتاف
قلت زمان العجب
اصيل م النداله يخاف
خليك جدع ياولد
وكلها لو عيش حاف
ياعمي الرجوله كلام
يتقال في وقت صعيب
راجل بدون كلمته
عن الرجوله غريب
جانا الزمان الردي
وما عادش فيها رقيب
زمن القوالب خلص
واتسيدوا الانصاص
اه يازمان العبر
المجد للرقاص
فين الرجوله ياجدع
قال لك ما بح خلاص
صوته عالي وجوفه خالي
هو ده خيبه الرجال
جيبه متنفض تمللي
والوفاض خالي ياخال
يبقي معدوم الرجوله
ويزاحم وسط الرجال
الرجوله يعني مبدا
والمبادئ للرجال
افتح الاقواس ياسيدنا
عقلي هيصيبه الخبال
طلع اللي باع ضميره
واللي عايش بالخيال
الرجوله الف معني
والف معني للرجال
قالي ابويا من زمان
الرجوله ياواد تزينك
زينه الحريم مصاغ
والرجوله تاج جبينك
اوعي تامن للنداله
خلي المولي ضمينك
احلى ايام الزمان
هي ايام الطفوله
شبنا ليه قبل الاوان
راحت الذكري الجميله
قالو ساجل قلت فكره
السجال معني الرجولة
اوعاك تآمن لخاين
ولا تكون خوان
الغدر في القلب كامن
زمن الرجوله هان
صاحب رجوله واصاله
عمر الكريم ما اتهان
قالو عاش الولد
كان للمرجله عنوان
سيره تلف البلد
لو حتي في الاكفان
حلوه صلاه النبي
والسيره في الميزان
باض الحمام ع الوتد
زمن الرجوله راح
امنت يوم الخسيس
بالسر فضحه وباح
وقت الفرح تلاقيه
وعدوي في الاتراح
حطوا الولد في الكفن
زمن الرجوله اندفن
كان الولد محلاه
برجولته حضن وسكن
واللي رجولته زين
لاحبابه أجمل وطن
راجل وسيفه بايده
وتكاله علي سيده
لا ميزانه مره مال
ولا نمل ترديده
أمس في 10:47 am من طرف مريم صلاح
