(٢٣)السلام عليكم ورحمة الله
#اخي_الحبييب
مش ضروري ابدا انك تعلق
،،، لكن...
#مهم_جدا_انك_تقرأ
مع حلقة جديده من برنامج #صور_مرفوضة
بمشاركة الشاعر القدير
يحيى ابراهيم
...................
(١٩) الحلقة التاسعة عشر
(#الخلافات_الزوجية)
،،،،،،،،،،،،،،،،،،،،،،،،،،،.
قوللي ليه ياعم يحيى
صوتك جايب اخر الشارع
كل يوم موال و فْ ناحية
جَوِّ البيت إعصار وزوابع
أصل الخلافات دايما تفاهات
من قولة كام مع قولة هات
رر من ألقواله... وكتر كلام
داير في ساقية سبع لفات
ماانت ياعمي عمود البيت
ودا لوعاب.. البيت بيعيب
وزي ماقالوا ف الأمثال
حكم عقلك تبقى طبيب
دايما تتْجنَّي بدون اسباب
ياابو المصابيح خف شوية
العيشه ما كانت يوم عنَّاب
حبة عليهم حبة عليَّا
أنا ويَّاك.. العيشة مشاركة
مودة، وألفة بتجيب بركة
المركب توصل كدا بأمان
دا ميراث الرضا أجمل تِركة
والله بحاول والله بجاهد
من فجر لمغرب وانابناهد
دامخي ياخال عاوز عَمرة
سمكرة عند العم مجاهد
مش انت لوحدك بس ياخال
ما هو الكل على دا الحال
كل البيوت فيها حكايات
لكن أسرارها ماتنقال
وحماتي مفاعلات نووية
ولا مرة تقول كلمة حق
وليل ونهار جايه عليا
قربت اطرشق منها واطق
حماتك لك في مقام أمك
زي الوالدة.. أم لزوجتك
وشؤون الاتنين برضه تهمك
وانت الراجل. حكم عقلك
خلي الاخلاق تفرض روحها
ف العش الهادي وهـ تضمك
بتقول اشمعني الواد شعبان
والواد رمضان بن ستيتة
وانا حالي يصعب ع الغلبان
وليل ونهار عاملين زيطة
ياست أنا مالي بغيري
ياعارفة حالي ومصيري
بعد العمر دا كله معايا
جايَّة دلوقتي.... تغيري
مكفي بيتنا وبزيادة
وشمعتي دايما منقادة
وغلبت اقول وشبعت القول
الرضا بالرزق زي عبادة
والله كلامك حلو صحيح
خلي فعلك زيُّه مريح
وانت ياعمي كلك ذوق
والعقل زين بالحكمة صريح
إن قلت يمين بتقوللي شمال
دايما ف عناد على دا الحال
ولا ينفع جلسة عرفية
مشكله عاوزه ميت حلال
داإنت ليك حق القوامة
يعني بحكم الدين مسؤول
خلّي قوامتك بينكو علامة
وأيِّ تصرُّف بالمعقول
صريخ وضرب مافي سلامة
والناتج عنه مش مقبول
أفعال ياعمي تجنني
وانا شاعر بكلامي اغني
وانا زمار الحي تمللي
مستني حد ويسمعني
اقفل عليك بيت وبيبان
وبلاش سرك يطلع برة
حتى لو هـ تبات تعبان
افضل من السيرة المُرة
قالوا حيطان وليها ودان
وسرَّك برة، مامِنُّه مسرة
وخلي الحكمة تقول كلمتها
قولها خالصة، مامنها مضرة
وحبة عليك وحبة عليها
راح يتلم شمل الأسرة
،،،،،،،،،،،،،،،،،،،،،،،،،،،،،،،،،،،،،،،،،،،،،،
طب انت جي بكرة ياعم
طبعا جي ياخفيف الدم.؟
بكره كلامنا يكون عن ايه.؟
بكرة نقول.. مستعجل ليه.؟
أمس في 6:27 pm من طرف مريم صلاح
