(١٨) السلام عليكم ورحمة الله وبركاته
أخي العزي مش ضروري ابدا انك تعلق
لكن،، #مهم_جدا_إنك_تقرأ
مع حلقة جديدة من برنامج #صور_مرفوضة
سجال ثنائي يوميا في رمضان بمشاركة شاعر العياط القدير
ا/ مصباح أبو حماد
(١٨) الحلقة الثامنة عشر
................
#زواج_القاصرات
،،،،،،،،،،،،،،،،،،،
سلام الله على الأحباب
من جيران ومن أصحاب
عندك ايه قوللي ياعمي
من بدري واقف ع الباب
جواز البنت ولسه صغار
أمر ينافي كل.....شريعة
تبقي العيشه ياعمي مرار
نفوس ضعيفة يعنى وضيعة
والله يايحيي طرحك مثمر
في هم الغير دايما بتفكر
وهذا الأمر .... جد خطير
من عواقيبه... ربك يستر
لما تبقى.... يادوبك لسه
طفلة بتلعب حجلة وأُولي
تبقي بضاعة وتمن بخسة
ضاع العمر وأحلي طفولة
منطق ايه؟ دا مش معقول
دا لسه البنت مافهماشي
ولا بيراعـــوا أي أصول
ناس ضمايرها ماصحياشي
لما المال بقى. .... يتحكَّم
حُكم الشرع ف لحظة يغيب
مين ف جوازها دا راح يُحكم
خلق ونسيت معنى العيب
يعني جوازها بيعة وشروة
مهما تلاقي فيه من قسوة
قاصر قالوا. مافهاش حاجة
هيَّا لوحدها هـ تشيل بلوي
بلوي ياعمي وخيبة تقيله
لما البنت تشيل الليلة
رب الكون وصَّانا وقال
جنة رضوان للي يْصونها
هيا أمانة تكون ف عنينا
ملعون دايما اللي يخونها
بعد جوازها وبعد نفاسها
أبوها لوحده يشيل النيلة
شايف أبوها ياخال طمعان
لما لقا لها عريس دفيان
يقبل ويجيب ألف مبرر
لجل مايطلع مُش غلطان
عمر المال ما يعمر بيت
زي الخل ما يخلط زيت
بكره المال يفنى يااخينا
ولا هيفيدك مرة.. ياريت
قوللي ياخال واصدقني القول
بنت في هذا السن حرام
هتشيل هم البيت. معقول؟
ماتقدر.. مش عاوزة كلام
واللاَّ تخلف فين الصحة
تفنى الصحة ياعمي أوام
وازاي تخدم وسط العيلة
جوزها طبعا لازمه مطالب
خيبة ووكسة وقلة حيلة
قالوا زمان نصيبها وغالب
وأما يحصل مرة طلاق
وفيه بينهم أولاد أطفال
ولسة مااتوثقش جواز
صبحت حيرة وكام اشكال
ييجي الزوج منهم يتلوَّى
ويقول.. انا ماعندي عيال
صبح اولادهم همّا ضحية
ولاينفعهم ...... كتر المال
اللي يبني ياخال ع الباطل
لازم دايما زرعه يبور
واللي دماغه دايما عاطل
يبني ف صحرا أحلي قصور
واللي ما يرضي بحكم الله
ولا مرة هيبات منصور
ترجع شايله معاها عيالها
وشغل محاكم ع المنظور
رب الكون شرعه ف كتابه
ليه تبقى انت ياخال مغدور
أنا بستغرب والله ياعمي
ع اللي يفرط كدا في ضناهـ
هتضيع منه وذنب يشيل
ونكد العيش بعدها يلقاهـ
غالي الضنا مايوازنه المال
حتى ان جه قارون ورضاهـ
اللي يبيع الغالي رخيص
واللي يفرط لحمه واللي
يرضى لحمه يبقى فطيس
يفضل تعبان عمره تمللي
بص ياعم يحيى صراحة
اللي مايمسك أصل الدين
يمشي على خطاويه وضاحة
واضحة معالم والقوانين
عمر ماعيشته تكون مرتاحة
ولا يسلم من ..... هم دفين
،،،،،،،،،،،،،،،،،،،،،،،،،،،،،،، .
طب انت جيّ بكرة ياعم
طبعا جيّ يّاخفيف الدم
بكره كلامنا يكون عن ايه.؟
بكرة نقول،،،مستعجل ليه؟
اليوم في 9:29 am من طرف مريم صلاح
