(٦) الحلقة السادسة

(#_الإدمـــان)
.......... .......
أهلا ومرحب بالغاليين
وعم يحيى يانور العين
كلامنا الليلة هيكون عن
ع الإدمان والمدمنين

مرض العصر ساير داير
خلى العقل دايما حاير
خيبه وحطت ع المخاليق
ربك وحده هو الساتر

إضرَبْ جِيوان وسَلطنْ واضرب أُمَّهاصرمة
فرَّقْ. وهادي الحبايب مانتو سوا فْ حِزمة
أصحاب ومتجمعين،، ع البانجو والجوزة
والله وماليه عوزة ، بُكرة تشُوفوا الأزمة

انا عذري معايا والعقل مغيب
ازمه وراها مليون ازمة
لكن جوَّايا إنسان طيب
الفين أزمة ومن غير لازمه.

إنسان طيب ماقلناش حاجة
بس الأزمة مش محتاجة
إن تروح وتغيِّب عقلك
يدَّهور حالك كدا بسذاجة

ياعم انت مالك ومالي
حياتك انت والا حياتي
كلامك دا ولا على بالي
مش هسمعلك مهما تهاتي
أنا الرجولة مزاجي العالي
أحلى صحبة معايا ليلاتي

حاسس معاهـ بْمَرجَلةمِتْعنْطز ونافش ريش
بِتْضيَّع في قوت عيالك.كِيفَكْ دا.غيره مفيش.؟
وان قالوافلوس الفطار.بِتوطّي ليه الراس؟
فوق راسك يطرقع مداس.مِيتْ جوز غيرالبقشيش

الكيف في مخِّي متحكم
ونسيني أغلى الناس
يارب عليك ما يحكم
ولا يذل ولاد الناس
ومن غيره كنت باحكم
واقول الشعر واتغتدر
ومن بعده ما عدت احكم
وملكني شيطان خناس

بتدمر خلايا المخيخ ،وتبرجل بها الأحْكام
وتمشي من غير هُدى،لاواعي تِقُوم وتْنام
دي صَنْعة ربناكاملة،،ماتسيب جمالهايْدوم
تقوللي بانسى الهموم..... داجايَّة الهموم

ولسه المخ راح يضرب
ولسه الدنيا راح تخرب
ماهي خربت ياعمي خلاص
مخدر في العقول يضرب
مخدر في القلوب يلعب
صار صديقي كما الونّاس
لا عارف انام ولا اصحى
ولا عارف لي بر ومرسي
ومين لربه راح ينسي
أكيد على روحه بيقسي

هـ تْغلِّب معـاك أهلك،،،،، في سكـة الإدمان
يِبيعواهدومهم عشانك،لوخِلْصت الأطيان
هـ تْدمّر حالك ومالك،وعيالك ملهاش ذنب
ماتِرجع بِطِيبة وحُب ،،، قبل فوات الأوان

وياما كتير نصحوني
وخاصموني وصالحوني
وياما الاهل عالجوني
لكن صدقنى دي النوبة
نويت. لارجعة. لاأُوبة
وربك يقبل التوبه
،،،،،،،،،،،،،،،،،،،،،،،،.،،،،،،،.
طب انت جي بكرة ياعم.؟
طبعا جي ياخفبف الدم
بكره كلامنا يكون عن ايه.؟
بكرة نقول مستعجل ليه.؟