القلب ينشد للجمال
طالب يحقق المحال
سمع كلام الرب قال
في لحظه تغير الف حال

العلم قال للعقل انا سيدك
بدون العلم ايه بس هيفيدك
العقل قال للعلم انا منحه الخلاق
علم بدون عقل الجهل هيسيدك

طاير وطار ف السماء
راح ينشد الأفراح
كان للجروح بلسمه
يداوي الف جراح
صابه سهام صياد
ده بكا او غنا
حتي في عز الالم
حالف يموت صداح

اليأس قال للأمل
ملكش بينا مكان
قال الامل لليأس
بدوني ما عاش انسان
ولا جرح يوم يندمل
انا الامل والضي
انا ضحكه طفل
انا الضمير الحي
اليأس شاف الامل
زرع في نفسه امل
غروب شمس اليأس
فجر الامل دوم جي

ياجي الدنيا مستعجل على رزقك
ع المقادير بتحايل يزيد رزقك
وكفنك خيطه ليك منسوج ودا رزقك
ده حتي طير السما رازقه مين رازقك
لو كنت طير ف السما او تعوم ف البحر
هتلاقي يابن ادم بيدور عليك رزقك

ياللي ابتليت بالهوي
ده كلنا مجاريح
داوي الهوى بالهوي
اسمع لقولي فصيح
دخلت بحر الهوى
قالوا لي يامسكين
لما رماك الهوى
في بحرنا ما اجي ريح

عاقل وقلبي اتجن
قلت جناني اصل فن
وكام عاقل حسد عقلي
وكم مجنون وليه حكمه
كما فرسه وليه حگمه
ومين هيعيشها في الحكمه
راح يبقى مني اجن

الضحك قال للنكد
انا برئ منك
الضحكة ضهر وسند
اما العلل منك
كم مره ضهري اتسند
لو كنت بعيد عنك
محلا الحياة يا نكد
لو تخلا يوم منك

اضحك هتلقي البشري
م المولي جايه لك
سيپها على مولاك
راح ينصلح حالك
اضحك ولا يهمك
قادر يزيل همك
ورد بٱي الكتاب
الضحك فيه بشري
ضحكت فبشرنا
واضحه لا مستتره
مين اللى قال العبوس
سنه في الاسلام
سيدنا النبي المختار
على كتفه هموم ما ينام
عاتبه حبيبه لما
في مره سيدنا عبس
اسمع جميل قولي
واقرا في سوره عبس

ما بينها اه ولاء
بين الضلال والحق
كلمه بتحيي قلوب
ومنها الجبل ينشق
ياكلمه تحيي موات
وكلمه بعد فوات
في الآخرة فيه اموات
تشتاق لقوله حق

مين اللى قال
الزهر ف البساتين
عتره شباب الوطن
الحلو في الزنازين
مين سكت مين قال
ما عدش شيء فارق
عند المفارق ف الهم متساوين