مصر مصر تحيا مصر

خاطره مرت بي احببت ان تشاركوني الرأي فيها
:منت:
جاءت لي هذه الخاطره عندما كان ابني
ذو الأربع اعوام ونصف يلعب مع اباه
كرة القدم
فلما دخلت الكوره في الجون هتف زوجي
جووون جووون
فرد ابني عليه وقاله لألأ يابابا قول
مصر مصر مصر!!!!!!!!!!!!!!
الموقف اضحكني ،ولكني وجدت في نفسي
شئ من القلق!
معقول ابني اتكونت صورة مصر عنده على انها مجرد كوره في مرمى !!!!!!!!


قلت انه مازال صغير وبكره افهمه

بعدها بقليل وانا اقلب التلفاز في اليوم التالي لفوز مصر بكأس اللامم
الأفريقيه اندهشت بشده
هل تدرون ما الذي ادهشني؟؟؟!!!!!!

الذي ادهشني هو انني اكتشفت ان ليس

ابني فقط هو الذي تكونت لديه هذه الصوره بل دي البلد كلها!!!!!!

اتعجبت لما شوفت الناس كلها بكبيرها وصغيرها ،رجالها ونساءها،شبابها وشيوخها
الكل ترك بيته واسرع الى الشارع مهللاً

الكل بيهتف وبيقول مصر مصر تحيا مصر!

وبيرددوا هتافات النصر اللي معرفش الفوها امتى!!!

بصراحه بعقلي البسيط ابتديت احلل الموقف :?: :?:

وجدت ان الناس يعيني من كتر الكبت والمشاكل والأزمات المستمره التي انهكت البلد والناس كلهم ماصدقوا اي حاجه يحسوا بيها ان البلد لسه بخير

وان العزه رجعت لنا والنصر اللي حققناه في اكتوبر رجع تاني ،حتى لو كان ده لمجرد فوزنا في مباراة كرة قدم :bball: :bball:

ووجدت ان هناك مفاهيم كتير اتغيرت عند الناس بالظبط زي ماصورة مصر اتغيرت عندهم

يعني مثلاً: كلمة النصر دي مكناش بنقولها الا في المعارك والحروب

فكيف الفوز في مباراه اصبح نصر!!!!!!

واصبح العدو اللدود عند اغلب المصرييين طبعاً هم الجزائريين .
وناس تحرق علم الجزائر وناس تحط العلم الجزائري في الشارع علشان تدوس
عليه العربيات وحرب اعلاميه واخرى الكترونيه...........الخ الخ الخ

وكله علشان المباراه!!!!!
لأ واصبح عندنا رمز التحضر هو ان البنت تلطخ وجهها بالوان علم مصر وتروح الماتش علشان تشجع بس اوعى تنسى قبعة الجوكر اللي هي ايضاً بلون علم مصر علشان الوطنيه تكمل!!! :lol: :lol:
اما الفدائي عندنا هو الراجل وبقول
الرااااااجل اللي في عز الساقعه والثلج قلع البلوفر ورسم على جسمه
الوان علم مصر وطبعاً منسيش النسر

يعيني ضحى بنفسه فداءً للوطن :( :(

اما المشروع الكبير اللي راح فيه مصريين غلابه كتير وهو رمز لمشاريع البلد العملاقه وهو السد العالي
ملحوظه"سابقاً" لأنه الأن بقى اسمه عصام الحضري !!!!!!وعجبي

معقول ياناس هي عقولنا راحت فين!!!!!

ماشي طبعا نفرح ونهلل بالفوز لكن ليس بهذا الشكل؟؟؟1!!!
اعتقد لو كنا فرحنا على قد اهمية الكوره في حياتنا والقيمه التي تضيفها لنا

هل كل المظاهر اللي عملناها دي تساوي
هذه الأهميه
ام ان الموضوع كان"so much over"

انا عارفه ان في ناس دلوقتي هتقول عليا خاينه للوطن ومحبطه وعايزه اضيع
فرحت المصريين

بس والله الموضوع مش كده انا حاسه ان احنا فعلا في خطر
لما نربي جيل بأكمله على ان منتهى امالنا وطموحاتنا هي فوزنا بكاس

يبقى الأصلاح هيحصل ازاي حد يفهمني!!!

ده احنا مفرحناش الفرحه دي لما الدكتور احمد زويل خد جايزت نوبل


اعتقد ان احنا مفرحناش وهللنا كده من قبل الا بعد نصر اكتوبر

يبقى ازاي نساوي دي بدي!!!!!!!

لو كنت غلطانه هتقبل النقد ولو شايفين كلامي صح ازروني قبل مالناس
يحدفوني بالطوب :pale:

واخيراً يارب نفرح ببلدنا وهي نظيفه،جميله،متتطوره،آمنه،غير مديونه،اغنياءها بيدوا فقراءها،مسؤلنها بيسألوا في الغلابه
مدرسنها بيشرحوا بزمه،موظفنها مابيخدوش رشاوى،دكاترتها حنينين على العيانين وشيوخها مابيخبطوش في بعض


وساعتها انا اول واحده هتنزل الشارع وتقول مصر مصر تحيا مصر

معلش عالإطاله
:[qq[qowowoei:

:smaili1:
:ffffff:
:smaili1:
:ffffff:
على مروركم اخواتي الكريمات نبيله وسلوى
:44444:

:smaili1:






:Hpshk:

جزاكم الله خيراً كثيراً
اخواتي العزيزات على ردودكم الأكثر من رائعه
بارك الله فيكم جميعاً
:الله لا يحرمنا