فى انتظارك يا رمضان

السلام عليكم ورحمة الله وبركاته
اخواني واخواتي كل سنة وانتوا طيبين ومن طاعة ربنا قريبين

.....الكلام هيكون بالعامية شوية اعذرونى
عارفين ياجماعة احنا في شهر ايه من الشهور الهجرية؟؟طاب اللي مش عارف يروح يبص عالنتيجة ويرجع تاني.....عرفتوا؟؟ احنا دخلنافى أبواب شهر جديد من الشهور الهجرية وهو شهر شعبان ، يااااااااااااه يعني خلاااااااااص أسابيع قليلة وندخل على شهر رمضان ؟؟ إيه ده؟؟ ده رمضان قرب أوووووووووي واحنا مش مستعدين....ازاي لسة لحد دلوقتي ما استعدناش؟؟ ده القنوات الفضائية ابتدت تستعد لرمضان وابتدت تعلن عن خطتها في عرض البرامج والمسلسلات اللي هتكون في رمضان.....ده الناس اللي مش بتفكر في طاعة ربنا مانسيتش رمضان وبتجهز خطة لرمضان.....طاب احنا جهزنا خطة طاعاتنا في رمضان ولا لا؟؟

طاب تيجوا نبتدي من النهاردة.... خلاص من النهاردة لسانا مش هيبطل يدعي (اللهم بلغنا رمضان) ايوا من النهاردة والمفروض كمان نكون بندعي بالدعوة دي من 4 شهور فاتوا اقتداء برسولنا الكريم صلوات ربي وسلامه عليه والصحابة رضي الله عنهم وارضاهم اللي كانوا يفضلوا 6 شهور قبل رمضان يدعوا ربنا يبلغهم رمضان......
لكن اللي مبتداش يلا مع بعض نبتدي من النهاردة (اللهم بلغنا رمضان)

ياتري يا جماعة مستعدين ولا لسة؟؟ لسةالقلوب بعيدة عن روحانيات ورقائق رمضان؟؟ ولا ابتدينا نحس برحمات ربنا اللي بتغرقنا في رمضان؟؟طاب مشتاقين لليالي رمضان الجميلة؟؟ايه يا جماعة قلوبكم حست واشتاقت لليالي العتق من النار ولا لسة؟؟اشتقنا للعفو ولليلة القدر؟؟اشتقنا لشهر بتفتح فيه ابواب الجنة وتغلق فيه ابواب النار؟؟اشتقنا لكل لحظة حلوة بنعيشها في اعظم شهر واكرم ضيف علينا (رمضان)؟؟

طاب ايه رأيكم يلا بينا مع بعض نعمل حملة استعداد للضيف الكريم اللي بيغرقنا بكرمه.... يلا نعمل استعداد لاعظم ضيف بينور حياتنا لايام معدودات يلا هنبتدي مع بعض من دلوقتي.... ايوا من دلوقتي....جوارحنا وعقولنا وقلوبنا لازم تستعد.... حياتنا كلها لازم تتهيأ للضيف الكريم.

يلا نعلي الهمة.... يلا نرقق قلوبنا.... يلا نعيش من دلوقتي في رمضان.... يلا نوري ربنا من انفسنا خيرا.... يلا نتعرض لنفحات ربنا الجميلة.... يلا نكون بجد مستحقين الرحمة والمغفرة والعتق من النار.....يلا من النهاردة ننوي نفوز بليلة القدر وبثوابها العظيم.....
ايه يا جماعة قلوبنا فين دلوقتي؟؟ قلوبنا ارتقت كدة وافتكرت ايام رمضان الجميلة؟؟ ابتدينا نعيش الجو الرمضاني بقلوبنا ؟؟

طاب يلا من غير ما اطول عليكم نبتدي استعدادنا بشكل عملي :
*الخطوة الاولي واللي بجد اهم خطوة في استعدادنا لرمضان

(التوبة)

يلا نتوب يا جماعة.... لو في حد فينا مصر علي معصية هقوله واقول لنفسي يلا نتوب.... يلا نتوب بقي ده رمضان اللي داخل علينا مش حاجة بسيطة ده شهر العتق من النار يا جماعة....دي فرصة عمرنا.... دي ايام ممكن تكون فيها نجاتنا.... يلا نندم ونوقف الذنوب ونعزم النية علي عدم العودة للي يغضب ربنا من تاني.... ايه رأيكم نتوب توبة عامة وشاملة من كل ذنوبنا.... تيجوا نفتح صفحة جديدة مع ربنا... يلا نردد مع بعض

(تبنا الي الله ورجعنا الي الله وندمنا علي ما فعلنا )

يلا يا جماعة قولوا معايا....الله علي التوبة....تعرفوا احنا دلوقتي بمشئية الرحمن وصدق نيتنا مع الله ذنوبنا اتحولت حسنات.

*يلا بقي يا قلوب محبها لربها ولنبيها ولدينها يلا ندخل عالخطوة التانية في خطوات استعدادنا لضيفنا الكريم

(قيام الليل)

فين همتنا بقي في قيام الليل طبعا ما ننساش ان من قام رمضان ايمانا واحتسابا غفر له ما تقدم من ذنبه
يلا بقي نبتدي نعلي همتنا في القيام.... يلا اللي بيصلي ركعتين في اليوم يزود واللي مقصر في القيام يبتدي من النهاردة ركعتين كدة ونزود واحدة واحدة....والله لو كان القيام في التلت الاخير من الليل.... يلا كدة نجهز قلوبنا ونشيل التراب اللي عليها....يلا نقرب من حبيبنا وما تخافوش مش هيسيبنا.

*نيجي بقى لخطوتنا التالتة يا أمة الحبيب المصطفى يا أمة اقرأ

(القرآن الكريم)

يلا كدة نمسك مصحفنا ونفتحه ونزود كدة وردنا اليومي.... ايوا طبعا هنزود ده رمضان يا جماعة.... يعني احنا داخلين علي شهر القران....
مسكنا مصحفنا وهنقرا... لا نستني قبل ما نقرا نتفق مع بعض اتفاق.... احنا هنقرا ازاي؟؟هنقرا بلسانا بس ولا ايه؟؟
لا طبعا لسانا بس ده ايه يلا كدة مع بعض نحضر قلوبنا ونفتحها لاستقبال اجمل رسايل ربنا باعتهالنا في اعظم كتاب....يلا كدة نغذي ارواحنا بالقران.

*ندخل علي الخطوة اللي بعدها واحنا بنصلي على حبيبنا المصطفى

صلاة النوافل(السنن المؤكدة)

اللي مقصر في السنن يا جماعة....يلا نبتدي نتعود عالمواظبة عليها....اوعوا يا جماعة حد فينا يكسل....احنا مش عارفين ولا ايه ان ثواب السنة في رمضان بفرض... في حد يسيب الثواب العظيم ده بردوا؟؟؟

*ندخل عالنقطة اللي بعد كدة بس مش هندخل عليها واحنا ساكتين يلا نقول اللهم بلغنا رمضان وأنت راض عنا غير غضبان

(الدعاء)

كلنا بقي بنجهز دعوات مخصوصة في رمضان وبنبقي عارفين ومتيقنين بالاستجابة....يلا نجهز من دلوقتي.....يلا بقي نبتدي ندعي وندعي وندعي ....يلا كدة نذل نفسنا لحبيبنا..... يلا كدة نخشع ونبكي.... يلا نبتدي نعيش اكتر مع احلي عبادة في أي وقت وخاصة في رمضان....يلا كدة نعود ايدينا علي رفعتها في الدعاء بذل وخشوع لحبيبنا الله.

*حاجة مهمة جدا يا جماعة ياريت ما ننسهاش عشان نرضي حبيبنا وننال رحمته

(صلة الرحم)

اللي قاطع رحم من رحمه يجري بسرعة ويوصله....لان كلنا عارفين ان الرحمة لا تتنزل علي قاطع رحم ....ايه عايزين نخسر رحمات رمضان علي شوية مشاكل بسيطة في الدنيا؟؟يلا نوصل اللي قطعنا.... ده احنا هدفنا الجنة يا جماعة.

*بصوا بقي اقولكم علي خطوة مهمة جدا جدا جدا وبتنقي وترقق قلوبنا بطريقة غريبة جدا ومن غير ما نحس والله ده غير ان احنا بيها بنضمن ظل عرش ربنا يوم لا ظل الا ظله

(الصدقة)

والله من احلي المشاعر في الدنيا يوم ما تطلع صدقة من كسب طيب وتبقي مستشعر بقلبك حديث حبيبك المصطفي (من تصدق بعدل تمرة من كسب طيب والله لا يقبل الا طيبا فان الله يتقبلها بيمينه ويربيها لصاحبها كما يربي احدكم فلوه، حتي يلقي الله والتمرة مثل جبل احد من الحسنات)صدق رسول الله صلي الله عليه وسلم
ياريت بقي نخلي الصدقة يومية حتي لو كانت صدقة قليلة وانا اسفة في كلمة قليلة دي لان مفيش حاجة قليلة عند ربنا (ومن يعمل مثقال ذرة خيرا يره ومن يعمل مثقال ذرة شرا يره) صدق الله العظيم
وقال حبيبي رسول الله(لا تحقرن من المعروف شيئا)صدق رسول الله
واللي ميقدرش يخرج كل يوم عشان يطلع صدقة ممكن يطلعها ويحطها في مكان مخصوص بنية الصدقة لحد ما ربنا ييسرله اخراجها.

طاب ممكن تستحملوني شوية واقول حاجة في نقطة الصدقة دي....شنطة رمضان، طبعا معظمنا عارف فكرة شنطة رمضان واللي ببساطة بيكون فيها معظم احتياجات البيت الضرورية من مواد غذائية وبتتقدم للفقراء وطبعا بيكون ثوابها عظيم جداااااااااااااا واهم ثوابين حناخدهم:
(1)افطار صائم:قال رسول الله صلي الله عليه وسلم
(من فطر صائما كان له مثل اجره من غير ان ينقص من اجر الصائم شيئا وكان مغفرة لذنوبه وعتقا لرقبته من النار) صدق رسول الله صلي الله عليه وسلم
الله علي الثواب العظيم ده.

(2)ادخال السرور علي مسلم:قال رسول الله صلي الله عليه وسلم
(من ادخل السرور علي اهل بيت من المسلمين لم يجد الله له جزاء الا الجنة )صدق رسول الله صلى الله عليه وسلم
شفتوا يا جماعة حاجة بسيطة جدا ومش هتكلفنا كتير والله هتبقي مكافأة ربنا لينا عليها الجنة،الله علي المكافأة دي....بالله عليكم في احلي من كدة مكافأة.

ياريت يا جماعة كلنا نشارك في مشروع شنطة رمضان ده....والله هتفرق معانا الحكاية دي كتير....بتعمل تغيير جذري للقلوب بترقق القلب القاسي(واسألوا مجرب)

بصوا يا جماعة هدفنا من الحملة باختصار هو تجهيز قلوبنا عشان العبادات تبقي يسيرة علينا....اكيد كلنا عارفين حالة قلوبنا اللي بتبقي عليها في رمضان ولو قارناها بحالة قلوبنا دلوقتي هنلاقي ان احنا قلوبنا بعيدة كل البعد عن الحالة الايمانية الجميلة اللي بنكون عايشينها في رمضان.... يبقي يوم ما نجهز قلوبنا هتبقي كل حاجة سهلة....يوم ما هنطلب نصلي ركعتين هنلاقي نفسنا بنصلي عشرة.....يوم ما نقول نقرا جزء قرآن هتلاقي نفسك بتقرا جزئين.... يوم ما نقول ندعي ونرفع ايدينا حتي ولو 10 دقايق في اليوم هنلاقي نفسنا مش عايزين ننزل ايدينا ومش عايزين نخلص دعاء....مش عايزين نطلع من حالة القرب والخشوع الجميلة.

[center]

خطواتنا باذن الله سهلة وبسيطة وربنا وعدنا انه هياخد بايدينا ومش هيسيبنا واحنا بنقول جايين لطريقك يارب العالمين هنعبدك ونخلص في عبادتك وهدفنا هو رضاك وجنتك وعتقك لينا من النار.
اللهم بلغنا شهر رمضان واعنه علي صيامه وقيامه

[/center]

موضوع قيم وأستعداد رائع لرمضان وتحفيز قوى أشكرك عليه وأضافة لنستفيد من بعضنا
س- كيف كان يمارس يومه ؟ وما هى الأساسيات التى كان يحافظ عليها .
لو استطعنا تقليد الرسول ومحاكاته فى كيفية قضاء يومه فقد كان لنا الرسول أسوة حسنة ، قل إن كنتم تحبون الله فاتبعونى يحببكم الله .
هل تعرف كيف كان يجلس الرسول عليه الصلاة والسلام وكيف كان يضحك وكيف كان يتكلم أو كيف كان يقرأ القرآن ؟ طبعاً لا لأننا لم نراه . لكن نستطيع أن نعرف كيف كان يمضى يومه فنقلده فى ذلك ونحصل على الثواب ونزداد كفاءة ونتعلم قيمة الوقت .
1- للروح " العبادة " 2- للجسد " الرياضة "
3- للعقل " العمل " 4- للعائلة " الاجتماعيات
وبذلك نستطيع أن نغذى الروح والجسد والعقل والعائلة .
أولاً العمل :
ثانياً العبادة :
أكثر الأشياء التى كان يحافظ عليها رسولنا الكريم عليه الصلاة والسلام غير الصلوات الخمس كان يحافظ على أربعة أشياء وهى .
1- قيام الليل
2- ذكر
3- دعاء
4- قراءة القرآن
كذلك يقول : : ابن القيم ( كل نفس وكل عرق يخرج فى الدنيا فى غير سبيل الله سيخرج يوم القيامة حسرة وندامة ) انتبه إلى أنفاسك وعدها على نفسك لأن من علامات مقت الله للعبد تضيع الوقت بلا فائدة ولا عمل مفيد وبذلك يضيع الإنسان على نفسه فرصة الجنة ، ومن علامات حب الله للعبد أن يجعل أوقاتك عامرة بالعمل الحسن .
المحاسبى أحد العلماء : يقول والله ودت لو أن الوقت يشترى بالمال لاشتريت بأموالى أوقات أنفقها فى سبيل الله تشتريها من من ؟ قال من الفارغين العاطلين قالوا من يعطى لك الوقت قال للجالسين على النواصى ليس لديهم أى شئ بفعلونه هؤلاء الذين يبيعون وقتهم .
تخيل بن مسعود يقول : ( ما ندمت على شئ كندمى على يوم غربت فيه شمسه ولم أجد فيه عمل ) لأنه بذلك لم يستفيد من يومه ورصيده من العمل لم يزيد بعمل هذا اليوم

أبن عقيل ألف كتاب الفنون من 800 مجلد وكان يقول أنا لا أكل كما تأكلون ولا أشرب كما تشربون بل أخذ الكعك فأضعه فى الماء حتى يصير عجين فأبتعله حتى لا يضيع الوقت . بينما نحن اليوم نأكل فى ثلاث ساعات ونشاهد الماتش ونخرج منه إلى غيره من الماتشات وهكذا نضيع الوقت فى الأكل وقنوات التليفزيون والمكالمات التليفزيونية دون أن ندرك قيمة الوقت وأننا نضيع بذلك عمرنا فيما لا طائل منه .

وهذا لأبو يوسف تلميذ أبو حنيفة : كان قبل الموت وهو يحتضر يغمى عليه وعندما يفيق يطلب من تلميده أن يأتى له بورقة وقلم لبحث مسألة فيرد تلميذه أنت تحتضر فيرد عليه أبو يوسف بأن لو أن هناك فى العمر بقية لحظة أحب أن ألقى ربى وقد قدمت فيها شئ للمسلمين وهذا هو تقييم الوقت .

وهذا أسامة بن زيد : يبلغ السادسة عشر ويقود جيش المسلمين المكون من 300 فرد لمحاربة الرومان ويعود منتصر ويعود بجيشه دون أن يقتل أو يصاب أو يأسر واحد من جيش المسلمين ، وهكذا يكون الفرق بين الفشل والنجاح .

مثال أخر سعد بن معاذ : أسلم وعمره 30 سنة ومات عمره 37 سنة أى مدة إسلامه 7 سنوات وهل تعلم عندما مات ماذا حدث ؟؟ اهتز لموته عرش الرحمن !! تخيل نزل 70 ألف ملك يشيعوا جنازته وكان سعد بن معاذ ثقيل الجثة ولكن عندما بدأ فى حمل نعشه كان خفيفاً فقال " صلى الله عليه وسلم " تحمله معكم الملائكة وعندما دخل النبى " صلى الله عليه وسلم " ليصلى عليه فى الجامع أخذ يشمر عن ساقه فتعجب الناس وعند سؤاله أجاب بأن الجامع ليس به موضع لقدم من كثرة الملائكة الذين حضروا لتشيع جنازته

إذن سبع سنوات فقط مدة إسلامه كيف كانت اعماله ليهتز لموته عرش الحمن ويشيع جثمانه كل هذا العدد من الملائكة ؟؟

وهذا مثال للعمل ولآن تكون اوقات الإنسان جميعها مشفولة بالعمل الصالح ليجنى ثمرة عمله الجنة .

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

كم يسعدنى تواجدك الكريم اختى الفاضلة /نبيلة
لما تضيفية من قيم الكلمات وانصعها
...شكر وتقدير على اضافتك الجليلة
وجعلنا اللة جميعا لا نقوى الا على رضاة وطاعتة
..وجعلنا عبادا زهادا فى دنيتة
وما تكون لنا الا جسر الى خير المقام
الجنة باذنة تعالى
اللهم بلغنا رمضان واعنا على طاعتك فية وتقبل صالح اعمالنا واجعلها صادقة خالصة لوجهك يا عزيز
....فى امان اللة اختى
ودام تواصلك الكريم

كم يسعدنى تواجدك الكريم اختى الفاضلة /نبيلة
لما تضيفية من قيم الكلمات وانصعها
...شكر وتقدير على اضافتك الجليلة
وجعلنا اللة جميعا لا نقوى الا على رضاة وطاعتة
..وجعلنا عبادا زهادا فى دنيتة
وما تكون لنا الا جسر الى خير المقام
الجنة باذنة تعالى
اللهم بلغنا رمضان واعنا على طاعتك فية وتقبل صالح اعمالنا واجعلها صادقة خالصة لوجهك يا عزيز
....فى امان اللة اختى
ودام تواصلك الكريم

أشكرك كلمة الله على المتابعة وعلى كلماتك الرقراقة بارك الله فيك

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

وبتجهز خطة لرمضان.....طاب احنا جهزنا خطة طاعاتنا في رمضان ولا لا؟؟

البداية من الان استعداد بالتوبة والندم والاستغفار مشكر كلمة الحق

علينا اخوانى ان نرفع شعار لن يسبقنى الى الله احد

السلالم عليكم
كل الشكر والتقدير لكم على مروركم الطيب
بارك الله فيكم اشكركم

_________________

اللهم كما علمت آدم علمنا وكما فهمت سليمان فهمنا
اللهم كما أتيت داود وسليمان علماً علمنا
والحمد لله الذى فضلنا على كثير من خلقه تفضيلا

اللهم بلغنا رمضان ورمضان ورمضان اللهم وفقنا لحسن طاعتك وعبادتك اللهم لاتؤاخذنا ان نسينا او اخطأنا ولاتؤخذنا بما فعل السفهاء منا واعفو عنا واغفر لنا ,بارك الله فيك كلمه حق

السلام عليكم ورحمة الله وبركاته
أشكرك أخى وحبيبى * كلمة حق " دائما أنت مبدع * اللهم بلغنا رمضان واعنا فى حسن وصدق العبادة اشكرك حبيبى * كلمة حق *

» مقارنه بين حالنا في رمضان وحالنا بعد رمضان،،،،
» كن ولا تكن في رمضان
» روح التسامح في رمضان