ماذا تفعل اذا علمت انك تموت غدا؟؟؟؟؟؟

بسم الله الرحمن الرحيم
سؤال يطرح نفسه على ذهنى و على اذهاننا جميعا كما اظن
ماذا تفعل اذا علمت انك ستموت غدا؟
طبعا نحن نعلم ان الاعمار بيد الله وان الله اعلم بعمرنا جميعا وبمتى يعيش هذا و متى يموت هذا ولكن لنفرض سويا انك عرفت انك ميتا غدا ولنرى ماذا سيفعل كل منا فى هذه الحالة؟
لنستعرض بعض انواع منا كبشر ونرى فيم سيفكر كل منا
الاول:
شخصية مرموقة فى المجتمع صاحب نفوذ كبير لنقل رجل سياسة فاسد!!!!
وعرف بهذا الامر فماذا يفعل؟
لم يبقى امامه سوى اربع و عشرين ساعة سيستعرض شريط حياته امام عينيه و طبعا شريط ملئ بالاذية و المحسوبية واستغلال النفوذ و الطلوع على اكتاف الخلق ووقف حال ملايين الشباب لانه راكب فى المنصب بقاله عشرين سنه والجدع الى يعرف يزحزحه منه وكمان يا ما ضرب فلوس فى جيبه من الخلق و.... و......و......
يعمل ايه؟
اول حاجة للاسف ضميره مش مأنبه بس فكر فى عياله المنصب هيروح الحصانه راحت العيال هيتشردوا فى الاسئلة من اين لكم هذا؟
بسرعة فكر ومن خلال الكمبيوتر و الانترنت تمكن من نقل جميع امواله الى بنك فى الخارج اسفة مجموعة بنوك فى الخارج وطبعا باسم المدام و العيال واداهم كل المعلومات اللازمة عشان يبقوا يلموا الفلوس لما هو يمشى وبعدين راح مريح ضهره لورا على الكنبة وقال الحمد لله انا كده استريحت حتى لو مت دلوقت خلاص مش فارقة ........ مفكرش الفلوس الحرام هتعمل ايه فى العيال مفكرش يستغفر حتى والله اعلم بالنية و القبول بس فيه ناس مننا بتفكر كده.........
التانى:
موظف غلبان قضى عمره بيخدم الحكومة و الناس بمنتهى التفانى و الاخلاص و الامانه عمره ما مد ايده فى جيب غيره ولا عمل حاجة تغضب ربنا وربا عياله رغم الامكانيات البسيطة و دخلهم احسن جامعات هيعمل ايه صاحبنا اول ما يعرف!!!!!!!
اول حاجة قال انا لله وانا اليه راجعون وراح لامم عياله حواليه
وبدا يوصيهم على بعض انهم يحبوا بعض و يراعوا بعض ومحدش يزعل التانى ولا يجور على حقه ويراعوا ربنا فى كل تصرفاتهم ولو اشتغلوا بعد التخرج يراعوا حقوق الناس و ميجوروش على حق حد وميغضبوش ربنا ابد ووصاهم على امهم وبعدين العيال باسوا ايدوا وقالوا للراجل بعد الشر هو قال مرحبا بقضاء الله
اللهم اما بلغت اللهم فاشهد؟
وبعدين الراجل نام وقال انا كده استريحت ربنا يستر!!!!!!!!!!!!!!
الثالث/:
شاب فى العقد التانى من عمره الاستاذ اتخرج من الكليه مش لاقى شغل طبعا و بياخد المصروف من بابا لا ومش مكفيه انه طويل و عريض و بيقبض من ابوه الا كمان بيفرتك الفلوس فى الهلس
كل يوم فى ديسكو شكل بيرقص و يعربد وطبعا العلاقات اياها شئ اساسى فى حياته وكتير نصحوه يبعد عن الحاجات ديه بما فيهم اهله ولا فيه فايدة يعمل ايه صاحبنا ده!!!!!!!!!!!!!
بمجرد ما عرف اسمر كام ساعة مش بيتكلم بيلم عاميله الهباب فى دماغه من اول الغش فى الامتحان و السجاير من ورا ابوه فى الحمام و معاكسة بنت الجيران فى الطالعة والنازلة والخناق مع اهله لحد النصايب الى قلناها فى الاول
وبعدين وقف بيه الشريط عند واحد جاره جدع كان مرة نصحه يصلى و يتوب وساعتها كل الى جه فى باله يقوم يجرى على الواد ده
راحله البيت امه قالت الواد راح يصلى المغرب فى الجامع الى ورانا الواد مكدبش خبر و جرى على الجامع طبعا كان الواد بيصلى استناه لحد الصلاة ما خلصت و نده عليه الواد قاله اتوضى و تعالى اصل النهارده الجمعة بقعد فى الجامع من المغرب للعشاء الواد اتوضا و دخله و حكاله جاره قاله لسة فاكر بع فوات الاوان انا ياما نصحتك بس انت نادم على كل الى عاملته قاله طبعا قاله طب قوم صلى ركعتين استغفار معايا و بعدين ركعتين تطوع و صلوا سوا قاله قوم روح اعتذر لامك و ابوك على كل الى عاملتها معاهم حاول تصلح؟؟؟؟؟؟
الواد راح اتاسف لاهله وقطع علاقته بالتليفون بكل العيال اياهم ومسح كل النصايب الى كانت على الموبا يل و الكومبيوتر وقعد يستغفر وفجاة سال نفسه هل ربنا يتقبل منى الله اعلم (ان الله يغفر الذنوب جميعا)!!!!!!!!!!!!!!!!!!!!
وعلى فكرة النموذج ده شاب او بنت مش فارقة كتير!!!!!!!!!!!!!
الرابع/:
رجل اعمال متدين و ملتزم عمل فلوسه بعرق جبينه و اشتغل و تعب لحد ما عمل الى وصله ده كله وعمره ما نسى حق الفقراء فى فلوسه ودايما بيزكى و يصوم وملتزم جدا هيعمل ايه صاحبنا؟؟؟؟؟؟؟؟
اول ماعرف حمد ربنا على كل النعم الى ربنا اعطاها له وحمد ربنا انه طول فى عمره لما شاف ولاده كويسين وعانه يربيهم كويس وحمد ربنا انه بار باهله و اهله بيدعوا له بس فجاة جه على باله سؤال فين حق الاسلام فى رقبتى فلسطين و العراق و كل مصايب البلاد الاسلامية ديه انا فين منها؟؟؟؟؟
وبسرعة جمع ولاده و سالهم السؤال ده
ابنه الكبير قاله بمنتهى السرعة مفيش الا انك تتبرع بجزء من فلوسك لهم الراجل مكدبش خبر و خصص مبلغ للاعانات للمحتاجين فى فلسطين و العراق ولبنان.
وبعدين قعد شوية لقى العصر بيدن قام صلى و قعد يقرا قرآن كالعادة بتاعته و بعدين نزل يروح شركته عشان هو عامل شيفت بعد الضهر بيزود بيه الانتاج و المرتبات للموظفين وافتكر ساعتها
ان اذا قامت الساعة وفى يد اح منك فسيلة فليغرسها فقال اموت على رجليا وانا بشتغل عشان ربنا و الناس
ده نموذج موجود برضه ديه مش مثاليه زى كل النماذج الى فاتت ما هى موجودة برضه فينا!!!!!!!!!!!!!!!!!!!
الخامس؟:
ست بيت قضت عمرها تخدم عيالها و تسهر على راحة جوزها واولادها ولم تتعرف على الالتزام الا من وقت قصير فاصبحت تداوم على التقرب الى الله بالعبادات و الطاعات وعرفت هتعمل ايه الحاجة ديه!!!!!!!!!!!!!
اول حد فكرت فيه عيالها اتصلت بيهم كلهم فى بيوتهم وقعدت تسلم عليهم وتبوسهم و تبوس احفادها و خرجت سلمت على كل جيرانها و اتصلت بكل الاقارب تسلم عليهم ما هى ديه حياتها و بعدين قعدت تقرا قرآن طبعا على قدها ما هى مش متعلمة اساسا وبعدين سالت نفسها هو ييا ربى انا كده كويسة وممكن ادخل الجنة؟
الله أعلم ربنا اعلم بعباده و بقلوبهم وهو اعلم من فى الجنة ومن فى النار !!!!!!!!!!!!!!!!!!!!
بس نقدر نقول ان الست قدت رسالتها و طلعت رجالة وستات نافعين لنفسهم و لبلادهم و لدينهم بس برضه الله اعلم!!!!
السادس بقى:
ربنا يجيرنا جميعا
الاخ ده مش فارقة معاه اى حاجة فى الدنيا عايش كده ياكل و يشرب و ينام و يروح يصيع شوية مع اصحابه و خلاص واهه عمره بيضيع وايام بتمر و خلصنا ولسة طالب حتى المذاكرة و الثانوية العامة مخنوق منها مش طايق ينجح فيها واهله ابوه وامه طافحين الدم عشانه ما هو وحيدهم و بيحاولوا معاه بكل الطرق بس ديل الكلب بقى الواد عرف هيعمل ايه..................
اولا قعد يضحك و مصدقش و قال اموت ايه ده انا لسة صغير و بعدين انا زى القرد لا انا عيان ولا عندى مرض مزمن ولا اى حاجة ده انا حتى البرد مش بيجيلى سيبك سيبك مش مهم خش كده على الموقع اياه شوف ايه الجديد وفضل قاعد...........
الله يكون فى عونه المرء يبعث على ما مات عليه !!!!!!!!!!!!

بسم الله الرحمن الرحيم
نكمل بقى احنا يا بشر بنفكر ازاى و ادى كام واحد منا و تفكيرهم:
السابع/:
بنت زى القمر عايقة جدا الموضة كل حياتها امها وابوها بيشتغلوا بره ومتغربين عشان يعملوا لها حياة تفتخر بيها هى و اخواتها بس الهانم اهم حاجة فى حياتها الموضة و اللبس و الماكياج باحدث الصيحات مهما كانت مناسبة ولا لأ .
الاخت عرفت ان الموضة الشعر القصير جرت على الكوافير جذت شعرها بعدها بشهر الشعر الطويل رجع موضة جرت وصاته تكنولوجيا بقى الله يكون فى عون شعرها اهى نعمة من ربنا بتهدر ما اهه ملوش صاحب.....
بعدين لقيت الموضة الشفايف الكبيرة جرت على الدكتور اياه ون فخت عشان ما اطولش عليكوا نفخت و شفطت و كبرت و صغرت و عملت كل حاجة بتطلع جديد عاديك كمان عن اللبس الى لا تعرف منه هى لابسة و لا قالعة ولا هممها حاجة
الهانم عرفت هتعمل ايه!!!!!!!!!!!!!!!!!!!!!
اولا ساعتها كانت قدام المرايه بتسرح شعرها الى لونه معدش باين من الصبغة قالت طب اخلص شعرى و افكر هاعمل ايه لقت بعد شعرها شوية نمش فى و شها قالت طب احط الماسك ده وبعدين افكر بعد الماسك لقت سواد تحت عنيها قالت طب احط اللوشن الاول وهلما جرى وفضلت تاجل حتى ضاع العمر يا ولدى؟؟؟؟
لا الموضة و الماكياج فادوها ولا حتى لحقت تقول لنفسها حاجة على الاعتداء السافر الى عملاه على خلقة ربنا الله اعلم بها بقى!!!
الثامن:
دكتور مشهور وعنده مستشفى خاص كبييييييييييييييييييير جدا بيعمل كل انواع العمليات المشروع منها و الى مش مشروع عيل ينزل ولاده يولد يسرق كليه يديها لحد وماله كله بينفع و اهه بيتعب ناس عشان يريح غيرهم و معتبر نفسه بيحقق مبدا التافل الاجتماعى ده غيره انه حتى لما بيحاول يعمل خير و يدخل فقير يعمله عملية بياخد منه تذكار (أى عضو هو شايف ان المريض مش محتاجه حاليا)!!!!!!!!!!!!!!!!!
الاخ الذى يعد من ملائكة الرحمة عرف هيعمل ايه !!!!!!!!!!!!!!
أول حاجة خاف اخواته يورثوه مع العيال فى الهلمة الى هو عاملها عمل علطول نقل لملكية كل حاجة للعيال و امهم وامه واهله فى دهية بقى .....
وبعدين قعد يتذكر امجاده فى غرفة العمليات و المعجزات الى عملها من وجهة نظره فى النص عدى على شوية عمايات من اياها اعتبر فى نفسه انه كان بيساعد اصحاب هذه العمليات و بيرحم اصحابها من العذاب وقال انا الحمد لله ضميري مرتاح ده انا طول عمرى بعالج الناس و اساعدهم واعتبر نفسه برئ جدا و مش محتاج يستغفر على حاجة....
من وجهة نظره هو صح الله اعلم عقاب تقطيعه فى لحم الناس ايه!!!! ربنا يسامحنا جميعا ....

بسم الله الرحمن الرحيم
استكمالا لما بدأناه من قبل هيا بنا نرى كيف نتعامل مع قضاء الله ؟
التاسع:
الشخصية ديه بقى شاب فى العقد الثالث من عمره ملتزم تفوق فى دراسته حتى تم تعيينه فى الجامعة و يقوم بالدراسات العليا رغبة فى الحصول على الدكتوراة فى مجال علمى هام جدا يحتاجه الوطن و العلم العربى كله و أعانه الله وتزوج ولديه طفل فى الخامسة من عمره.
ماذا سيفعل العالم التقى أذا علم انه يموت غدا؟
طبعا اخذته الصدمة فى البدايه و نحن بشر و من لم يخف من الموت و الثواب و العقاب ليس بانسان ثم أول ما تبادر الى ذهنه ابنه و علينا ان نعذره كما قلنا هو بشر فابنه لازال فى الخامسة من عمره و اخذ يفكر انه لن يشهد اول يوم فى الدراسة لابنه لن يشهد افراحه و احزانه لن يرى نجحاته و لا فشله فى امر ما مما يستدعى النصيحة و اخذه الخوف على ابنه من هذا الزمان الصعب الذى نعيشه الملئ بالفتن و المغريات ثم افاق من هذا وهو يقول لا لنفسه لن تجعلينى انانيا و اتصل بوالده و اخذ يوصيه على ابنه و زوجته و يسال والده ان يرعى ابنه كما راعاه و رباه تربيه صالحة و كذلك اوصى زوجته التى و عدته انها ستظل وراءه حتى يكون كما يريد هو و اكثر .
ومن ثم احس انه اطمأن على ابنه فبدا يفكر فيما تبقى له من ساعات و البحث المهم الذى يعمل عليه و فائدة هذا البحث للامة و المسلمين فانتفض من مكانه واغلق عليه غرفته ولم يخرج منها حتى انهى البحث ثم اتصل با حد اصدقاءه و طلب ان يزوره فقال له الصديق تفضل فى اى و قت
فهرع الى منزل صديقه وما ان وصل حتى اعطى البحث لصديقه و اوصاه ان يسلمه فى الصباح للجهات العلمية المختصة و ان يعمل على ايصاله الى النور فهو بحث هام للامة كلها واخذ يقول لصاحبه لربما يجعلنى الله بهذا البحث سبب فى خروج الامة من الكبوة التى تعيشها فساله صاحبه:
لما كل هذا الاستعجال اذهب لبيتك ونام و فى الصباح اذهب بنفسك لتسليمه وأيضا لتحظى بالمجد العلمى ؟
فقال له الشاب : وهل لازال فى العمر بقية و ان الله سبحانه و تعالى قال (لا تقولن لشئ انى فاعل ذلك غدا إلا أن يشاء الله) و مصير المسلمين و حياتهم و مستقبلهم و مستقبل الأمة و رفعتها لا يستحق منى التقاعس .
ثم ترك زميله و عاد لبيته و دخل غرفته و اخذ يقرا القرآن و يستغفر ربه...........
إن المرء يبعث على ما مات عليه آخر عمل قرر يعمله فى حياته هو للأمة و للإسلام فيا ترى ما هو جزاء هذا العالم عن رب العالمين كبير جدا إن شاء الله فالشاب عاش و مات وهو يئن لألام الأمة الإسلامية و يعمل على تحسين وضع المسلمين فهو لن يضام بإذن الله !!!!!!!!!!!!!.
وطبعا الله اعلم بالجزاء لهذا العمل و بالنية لكل منا و لكن
ياليت لنا مثل هذه الخاتمة المشرفة نختم حياتنا بعمل عظيم للأمة و بعمل لإرضاء الخالق العظيم ولابد ألا ننسى
أن عليه الصلاة و السلام قال : من لم يهتم لأمر المسلمين فليس منهم.

منقول