رد على الزوج النكدى

كيف تنكدين علي زوجك
*عندما يعود زوجك من العمل تعبان مش طايق روحه لاتنتظري دخوله من باب الشقه بوجه بشوش بل بتكشيره وبوز جامد وبملابس المطبخ الغرقانه بصل وصلصه وطبعا شعرك المنكوش والمرتفع مترين ومتنسيش يكون في ايديك اكبر سكينه في المطبخ وشوحي بها في الهواء وانتي بتكلميه

*هيقولك سلام عليكم ازيك ياروحي اوعي تصدقي كلامه المعسول فورا ردي عليه الاكل لسه قدامه ساعه اتصبر بحته جبنه او شويه فول واوعي تعملي حاجه هو ملزم يدخل المطبخ حتي ولو راجع مستوي ومش شايف قدامه هو انتي فاضيه مش كفايه عليكي شغل البيت يعني هتقطعي نفسك.

*اصدميه دايما ماما جايه تتغذي معانا انهارده او اخوكي او اي حد مش بيطيق سيرته من اهلك وياريت الموضوع ده كل يوم واعملي علي السفره اكل كتير وغالي ومتنسيش ديوك رومي وحمام محشي فريك ومكرونه بشاميل ووز وبط و اغلي انواع الجمبري والسمك والسلطات علي سفرتك.

*اشتري الحلويات من افضل الاماكن واغلاها واوعي تبخلي وانتفي ريش جوزك ريشه ريشه لانه معظم الرجاله بخيله جلده وجوزك علي ماتعوديه وابنك علي ماتربيه.

*دايما نكدي عليه باخبار وحشه يعني موت حد قريبك اوقريبه حد اتعور او فلس او اي مشكله عائليه واياكي تفرحيه ابدا وياريت تفتحي علي طول قناه الجزيره او اي قناه اخبار .

*كلي واتخني وميهمكيش الكرش ولو مش عاجبه يتفلق الراجل بيحب الست الرفيعه الخفيفه الرشيقه خليكي عكس الستات تخينه اكيله وبكرش وياريت تكون بتشخري وانتي نايمه واياكي من استخدام اي برفان الا وانتي خارجه من البيت واوعي حتي تولعي بخور واكتمي اوضه النوم بريحه البصل والثوم علشان ينام في الصاله او حتي عن امه.

*جوزك لو كان رومانسي لاتقيمي معه حوار فالرجل الرومانسي عاوز يتكلم ويطول في الكلام علي طول اقطمي معاه الحديث ولو كان راجل طيب ياسلام سيطري علي البيت وكوني دكتاتوره والكلمه كلمتك والشوري شورتك يعني سيده البيت الاولي اه انتي مش اقل من مبارك ولا اي حاكم عربي واوعي في يوم يهمك ولا تخافي فقوه المرأه في عقلها وشدتها.

*الاولاد اسمعي طبعا المفيد في حكايه الولاد كل سنه خلفي لجوزك عيل واملي البيت بالعيال حتي ولو تخلفي دسته وايه يعني العيال عزوه ولو مش قادر علي مصاريفهم يطفش او يهرب وهو ده المطلوب وانتي ليكي الشقه والعفش والمؤخروالنفقه وهو ليه السجن والصبر والجنه.

*ابنك احسن من جوزك دايما اهتمي بيه وجوزك اهمليه وان اي حد من عيالك عيط اجري شوفي عاوز ايه واوعي ضناكي يحس ان جوزك له عندك معزه يطلع العيل علي طول انطوائي وحطي ابنك جوه عينيكي اه ابنك سندك لكن جوزك ماشي ماشي.

*في ساعه الصفا برضه خليكي زي مانتي نكديه والبوز الناشف عرض مستمر وبالنسبه للموضوع اياه في السريع سريع وبدون اي مكياج ولا قمصان ملونه ولا كلام فاضي من ده ومعظم الرجاله اصلا اتبهدلوا من الفراخ البيضه والميه الملوثه ومعندش عندهم قوه ولا طاقه واللي فيهم جته وبعضلات بعد الجواز بيفيص بلا وكسه.

*جوزك طبعا علي ماتعوديه يعني من ليله الدخله اكسريه كلما يقولك حاجه قولي لا كانك معارضه في حزب فاشل وان كانت حتي لا في مصلحتك مش مهم المهم العند والظهور بالغباء وعدم الفهم .

** ومع ذلك المرأة النكديه لها فوائد وهى:
1- تجعل لسان زوجها رطب بذكر الله لانه طول النهار بيقول حسبى الله ونعم الوكيل
2- تساعد الزوج على غض البصر لانه كره صنف الحريم كله
3- تساعد الزوج على تقويه صله الرحم لانه دائما هربان عند أمه
4- تساعد الزوج فى المحافظه على رشاقته لان نفسه مسدودة عن الاكل
5- تجعل من زوجها رجل ناجح لانه بيقضى اطول فترة ممكنه فى الشغل

ملحوظه : لو شفتوا زوجى هتعرفوا انى مش نكديه علشان جميل ومربرب وعلى طول مزوغ من الشغل وأمه الله يرحمها يعنى ملوش غيرى وفى البيت برضاه مش غصب عنه حتى اسألوه

:bhy:


ايه القنيلة دي يالولو ومن العيار الثقيل كمان طيب الله يسامحك

هههههههههههههههههههههههههههههههههههههههههههههههههه
:oymhynk:

:bhy:

انت كمان ياسوسو مبسوطة من الموضوع الله يسامحكن يابنات حواء

هههههههههههههههههههههههههههههههههههههههههههههههههههههه

اللهم لاتجعلني زوجا نكدي

هههههههههههههههههه

هههههههههههه

ملحوظه : لو شفتوا زوجى هتعرفوا انى مش نكديه علشان
جميل ومربرب وعلى طول مزوغ من الشغل
وأمه الله يرحمها يعنى ملوش غيرى وفى البيت برضاه مش غصب عنه حتى اسألوه

أكيد لولو متاكدين من غير ما نسأله
ههههههههههههههههههههههه

:lol:

أه يالولو ،،،اسألونى انا مش هتكلم بس هحكى قصه صغيرة (كان فيه واحد بيصلى فى الجامع والشيخ قال اللى تعباه مراته يقف والكل وقف الا واحد ،قاله يعنى مستريح قوى، رد عليه وقال لأ دى كسره لى ظهرى )

السلام عليكم ورحمة الله وبركاته
أشكرك أختى لولو " هههههههههه * اللهم بلغنا رمضان واعنا فى حسن وصدق العبادة اشكرك اختى

اشكرك أخى على عيسى على مرورك الكريم
وكل عام وانت بخير

مشكورة حبيبتى قلبى الايمان

:6nhm:

شكرا لك استاذ نبيل على مرورك الكريم

لولو
......الله يرحمك يا سى السيد ...
فين ايامك يا امينة
.........وانا اقول نسبة العنوسه زادت ليه اتارى بسبب موضوع لولو
.....وبلاش يالولو نسأل زوجك ربنا يلهمه الصبر ههههههههههههههه
تسلمى لولو بس من بعيد لبعيد هههههههههه
........استرها علينا يارب

شكرا لك كلمه حق
لكن سى السيد هو البادى والبادى أظلم
يستحمل بقى

شكرا لولو لكن انا هدبح القطه من اولها

لكن فين القطه.....كانت هنا راحت فين

ههههههههههههههههههههههههههههه