(١٥) أخي الحبيب
مش مهم أبدا إنك تعلَّق
لكن #ضروري_جداً_إنك_تقرأ
..........................................
سجال ثنائي يوميا بمشاركة الشاعر القدير مصباح أبو حماد
(١٥) الحلقة الخامسةعشر
(#شهادة_الزور)
،،،،،،،،،،،،،،،،،،،،،
ياعم يحيى مساء النور
ياابو وش منور كالبنور
جهز حالك..راح نتكلم
عن موضوع شهادة الزور
تقصد مين انطق بالحق
لما شْهِدت مراير زور
فيها ايه لو مات الحق
فلوس بتحلِّي مرار الزور
حرام عليك ارجع.لاتقول
اوعى تكرر تاني القول
ديَّا كبيرة من الكبائر
اللي حذَّر منها الرسول
وايه الحل صعبة معايش
ولا جنابك مانتش عايش
منين هنجيب والحال مقلوب
كله عايش.. مظلوم طايش
علشان انت ياحلو تعيش
تظلم غيرك وتقول باطل
تنصر ظالم على مظلوم
ظالم جيّْ ف الحق يماطل
المظلوم ليه رب كريم
ربي بحال خلقه عليم
هي الكلمه لو مش اقولها
غيري يقول ويمشي سليم
كلمة كدب تقولها كمان
راح تدخَّل (حد) لومان
من وراهـ تتشرد أسرة
وانت بالجنيهات فرحان
المكتوب ما فيهش مهروب
فاكر يعنى هتعدل دنيا
شربنا المر وشلنا ذنوب
نفسي أعيش السعد ف ثانية
فاكر لما شهدت الزور
لحساب طرف م الطرفين
قاطعوا بعض بكل فتور
وظلُّوا سنين متخاصمين
ليه تشيلني وحدي الهم
ليه دايما ابقى المحقوق
ليه ما تحاسب اللي يجيني
تعاببن داخله جوّا شقوق
عند المحكمة دايما واقف
عيني ترقب كل مصيبة
بينك وبين (المتر) تحالف
ماركة شاهد بس غرببة
عشرين خمسين مابتخالف
لشهادة الزور... أما عجيبة
والله انا عارف انه حرام
وانه كبيره تودِّي النار
جوع البطن تمللي صيام
بس المولي أكيد غفار
إوعى تحلّ ياعمي حرام
وتقول انه... كريم غفــار
هوّا غفور مش عايزة كلام
بس الظلم داطعمه مرار
لو انت ظلمت ازاي هـ تنام.؟
سمعت حديث لرســـول الله
قول الزور...... إلاَّهـ إلاَّهـ
لكن لو فكرت... اتوب
يقبل توبتي وأعود من تانى
واللي خلاص وما عدش خلاص
قولي الزور بيهد كياني
سألت القلب ورد عليا
قلبي الطيب يوم افتاني
ارجع تايب باكي ونايب
ولا اشهد زور ابدا تاني
مين يقدر ... بس يقول
باب التوبة خلاص مقفول
باب التوبة دايما مفتوح
بس ليها شروط وأصول
قولي شروطها وايه أحوالها
وليه الدنيا اتشقلب حالها
نفسي أتوب ولا ابات معيوب
تغور الدنيا واللي سألها
أول شرط .... لازم تندم
ع اللي فيه ياعم عصيت
تاني شرط تقلع فورا
عن هذا الذنب.... ياريت
اما التالت لازم تعزم
آلا تعود ...مهما لقيت
اما الرابع حق الناس
كل (واحد) كنت أذيت
روح واطلب منه يسامحك
ع اللي ف حقه ياحلو جنيت
وإن كان حقه عيني ومادي
املي تكون حقه رديت
تبقى فعلا توبة نصوحة
كدا شروطها تكون وفِّيت
وليه تصعبها ياعم الناس
عاوز ارجع تاني واتوب
ليه تفضحني وعند الناس
دا ربك دايما رب قلوب
هو لوحده اشكي همومي
يقبل مني توبتي وصومي
واحلف مرة ما ابات غالب
دايما ابدا اكون مغلوب
شرع المولي مافيهش خلاف
نعمل زي الشرع ماقال
من ربك لو كنت تخاف
أنا ماعندي كلام يتقال
عمي نويت وخلاص ع التوبة
يشهد ربي دي اخر نوبة
عارف انِّ العمر دقايق
وان الخطوة كمان محسوبة
،،،،،.،،،،،،،،،،،،،،،،،،،،،،،،،،،،،
طب انت جي بكرة باتم
طبعا جي ياخفيف الدم
بكره كلامنا يكون عن ايه
بكرة نقول.. مستعجل ليه
اليوم في 9:29 am من طرف مريم صلاح
