سجال امس مجمع مع قبه النابغه
ياللي انت غاوي الجمال
ف القبر طل وشوف
تلقي الجمال اهو زال
والعضم صار مكشوف
ده ياما غيرك عشق
حسان الوف والوف
ارضي بمقسمومك
اصل الرضا موصوف
سبحانه جلا علاه
عطانا كشوف وكشوف
ياللي هويت الجمال
ع القبر بص وطل
فين الجمال ياجدع
صبح القليب معتل
يارب لجل النبي
اكفينا شر الذل
ونرضى باللي انكتب
نحياها ورد وفل
ابن اللئام اتنصف
وابن الكرام انذل
قالوا زمان بالمثل
فيه ناس بتشرب عسل
وناس بتشرب خل
وناس بعشقها
فيها الميزان اختل
ياللي انت غاوي الجمال
عشق الجسد فاني
بتطلب الربح من جسد
تحت التراب فإني
العين ع الخد سالت
مستني ايه تاني
حتي جمال الخدود
راح نورها بثواني
ربك ده واحد احد
ومن عداه فاني
ياللي انت غاوي الجمال
ف القبر بص وشوف
ما دايم الا الوفا
والحب والمعروف
ورد الجناين دبل
فوق غصنه صار متلوف
شاعر كلامي درر
وتعالي بص وشوف
مين اللي قال زينا
وادبه كان معروف
ياللي انت غاوي الجمال
وروح تناجي روح
ارضي بمحبوك
وابني ياولدي صروح
متعنا اشعارك.
وقول كمان وتبوح
عشق الجسد فاني
مش باقي غير الروح
ياللي انت تهوي الجمال
وروح تناجي روح
ادخل هنا بحزبنا
هتلاقي باب مفتوح
فيه تلاقي الهنا
تلقي القليب مشروح
والعشق في شرعنا
ومدح النبي ممدوح
ارفع عينيك في السما
تلقي عبر وفتوح
وياما زارنا معني
والقليب مجروح
عديت سبع بحور لجل محبوبي
عديت نجوم. الليل
ما نلت مرغوبي
عديت كتير هجرك
وبعت مكتوبي
عديت سبع بحور لجل محبوبي
لم اتاني رد
عديت نجوم الليل
ما نلت مرغوبي
ما لقيتش غير الصد
عديت كتير هجرك وبعت مكتوبي
وجفاك يزيد ع الحد
ياللى تحب الجمال
بكره ألجمال زايل
بنت الاصول ياجدع
تعدل المايل
اما جميله المحيا
لما تتمايل
بحسنها وقدها
يا عم تتخايل
لا طلت بلح الشام
ولا عنب اليمن طايل
ناهد الموجي
النظره ياساده بتحرك الاحساس
لما تصاحب ياولدي
صفوه الجلاس
يبقي شفيعك محمد
وبتمدح العباس
عاشق جمال النبي
ما دامت الانفاس
طلعت فوق السطوح
وعملت بنيه
وقلت عاشق متيم
والرك ع النيه
لقيت بين اليمام
واقفه لي حوريه
تقولش اخت القمر
بكفوف محنيه
قلت ياستنا قولي
لي اسمك ايه
قالت الاسم ناهد
والاصل مصريه
طلبت منها الوداد
قالت لي روح روح
ابليس بذاته لم
يقدر علي وليه
اسمحو لي اغني
لأجمل الجميلات
فكره مجنونه خطرت لي
انا العاشق لنور ضيك
ببات واصحي الاغيكى
تدوم إلعشره في حيك
ثوب العفه محليكي
جمال الصحبه والاحباب
حلاوه السهره والانخاب
خلاص عشقي يداويكي
دوم ياارضنا الخضرا
ذند ي راح يعمرها
رمال صحاريكي الصفرا
زرعي راح يخضرها
ست َالكل يااصيله
شجره واحلي ضليله
صابره وشايله احمالنا
ضايفه كل احبابك
طريد وطنه علي بابك
ظنوا فيك ظن الخير
علي بابك ما عدش كسير
غنوه قالوها في الموال
في عشقك ليالي طوال
قلبك ع الجميع حاني
كما النغمه بالحاني
لو ابعد بيوم عنك
ما ازيد بيوم تاني
ناسك احلي ما فيكي
هوايا ياامي كافيكي
وانا العاشق اراضيكي
ياغاليه كيف اراضيكي
//٪٪٪٪٪٪٪٪٪٪‰
ياست الكل ياسمرا
وحق ربي ذي القدره
هعيش ليكي واموت فيكي
نور العين ما يوفيكي
منا عاشق لنور ضيك
لو في الدنيا مين زيك
كما النني لضي العين
قلبك ع الجميع حاني
في وتري اغلي الحاني
غاليه وساكنه وجداني
عليل وبعشق اوطاني
ظني يوم بيها ما يخيب
طاب لي العيش وبرحابك
ضيوفك اغلي احبابك
صاينه عهود وحافظه وداد
شوقي ليك بينده لي
سنابك خيل بترقص لي
زماني مر علي مهلي
رياضك حته م الجنه
ذنود العتره تحميكي
دوم حارسه اراضيكي
خالص روحي يفديكي
حنان الام لما تضم
جمال صحبه خال مع عم
ثناكي يسحر الألباب
تمللي عشقنا غلاب
بين الاهل والأصحاب
انا عاشق اراضيكي
ياحلوه هغني موالك
وجوه القليب شالك
ياحلوه نزلي شالك
وحشتيني
ياساكنه اذيني وبطيني
وحشتيني
يااغلى من ضيا عيني
وحشتيني
ياساكنه في حنايا الروح.
ونظره حب تكويني
انا عاشق قليب مجروح
وعشقك داب بتكويني
انا عاشق ولو نظره
من المحبوب بتكفيني
ولساعه طلوع الروح
ياحلوه لحد تكفيني
اقولها لك بسري أبوح
وحشتيني
يامالكه القلب من جوه
وانا لا حول ولا قوة
غرامك يحيي احلامي
يا اجمل صورة بمنامي
عشقي وحبي وهيامي
ولو سالو اقول هوه
أمس في 9:02 pm من طرف مريم صلاح
