امس كان هناك سجال لعمنا حسن عمران عن النكد مع ان الصفحه فكاهيه وسجال اخر للقدير ابراهيم على تروح فين وتييجي منين يا واد يا يحيى والأثنين حباييك والأنثين الساعه 8 المهم حبه عم حسن وحبه إبراهيم
ونبدأ مع سجال النكد
يحيى إبراهيم..
يا صانعين النكد
عندي النكد بالكوم
دي ست مستقويه
دايما ياعمي تزوم.
واصل نكدها الكل
م توشكي للسلوم
دقيقه واحده فرح
اما همومها كوم
صاحبه فلوس ياجدع
وخلقه منها يتعوذ
شيطان الجن لو حب
يتجوز
بشكل يغم النفس
لما بتبوز.
ياموزعين النكد
ليه تعكروا الرايق
طول عمري ما بعتكم
بعتوني بدقايق
كنتوا بزمان الهنا
احبابي وشقايق
ولما جه الضنا
ما لقيت صديق لايق
بالتبر ما بعتكم
ببلاش بعتوني
كنتوا لقلبي الامل.
والضي بعيوني
علي كل حال والنبي
برضو انستوني
يا بياعين النكد
انا برضو محسوبكم
ناصبين صوان النكد
والحسره بعيونكم
والفرح ليه والنيي.
دايما مخاصمكم
يا بياعين النكد
سايق عليكو النبي
خفوا النكد حبه.
النمله تصبح فيل
َوالحبه ليه قبه
يا بياعين النكد
جمله وقطاعي
مين اللي بدع النكد
ما يقول لي ايه الداعي
دي البسمه يا اهل العقول
صدقه ومخفيه
بالبسمه عمر يطول
والرك ع النيه
جبت الحرير سندسي
قالت لي يارزيه
سقيتها كام المدام
لم صلح حالها
بين البشر تلطم
وتقول لي ياهفيه
حلفت اادبها
جبت ياخال ضره
اتفقوا الاتنين
عيشه بقت مره
وقالت لي يامسكين
ابليس بذاته كمان
مع مكر دي النسا
لم يقدر علي وليه
صاحبت صاحب وقلت
ان مت يدفني
سكنته روح القليب
وفرشت له النني
مع بعض صبح ومسا.
وبعيشتي متهني
صحيح كان له طبايع.
دايما بتشغلني
اقول ده خل وفي
والعيب يجوز مني
وبعد طول الزمن
والعشرة يا عمي
أتاريه مصاحبني علي
اخد المره مني
ياسجال مالك
قالبها هم ونكد
صفحه فرح وسرور
خايفه باين تنحسد
امانه ياعم حسن
اوعاكش تعملها
ده القلب ف سجالك
اصابه هم وكمد
النكد عارف عنواني
وعارف ازاي يكايدني
وصاحبني عمري وزمان
حالف ودايما يعاندني
ومراتى منها واه ياني
كان فكري قال راح تسعدني
نكد نكد من غير عدد
طالب محاسب يحاسبني
قالوا لها ياحلوه
كلاويكي صابها عطب
ومرادنا تغيرها
احسن يزيد التعب
ومين هيتبرع
عن واحده من كلاويه
قلت حبيب الروح
وبروحي راح افديه
واهديه عيوني وكلوه
للحييب اداويه
واتمنى نظره رضا
ويحن قلبي اليه
اتاري طبعه النكد
وده طبع لازق فيه
سالتني بعد شفاها
واخد كلاويه
بذمتك كام مره
وبكلوتك تتبرع علي وليه
خلص سجال القدير حسن عمران
ندخل على سوء الظن وسجال ابراهيم على
ياسئ الظن يا
سوء ادبك مع مولاك
لو تحسن الظن راح
تعلي علي الافلاك
اياك وسوء الظن
ياعمنا اياك
ياسئ الظن
ايه تجني بسوء ظنك
اعقلها وتوكل وعيش
ويانا وكانك
رامي حمولك علي
اللي ما خيب بيوم ظنك
هو اللي عالم بحالك
وبحسن وسوء ظنك
ولا تظن بمره السوء
مهما حال الدنيا يسوء
حسن الظن ضمان من ربك
راح يحميك من مصرع سوء
مهما الدنيا تزيد بحمولها
رب قدير برضه يعدلها
بحسن الظن تعيش متهني
ولا مره يهمك احمالها
ياللي تسوء الظن تعالي
فوق سوء ظنك تتعالي
تلقي رحمه ربى رحيبه
تتغير من حاله لحاله
ربك قال في كتابة تعالي
حسن الظن ده اجمل حاله
احسن ظنك باللي نشاك
خلي تكالك علي مولاك
بكن فيكون ربك سواك
بسوء الظن تشيل الهم
تبقي ليل ونهار مغتم
خليك عن سوء ظنك
وانسي كل همومك
ليه تهتم
قالوا سوء الظن
من حسن الفطن
قلت سوء الظن
يورث المحن
ياللي تسئ الظن
تتجرئ على مولاك
وبحسن ظنك بربك
تعيش بقلب ملاك
خلي قلبك دليلك
وسيره هيدلك
واوعي وسوء الطويه
بيها يدوم ذلك
واحسن الظن بالله
وبكل من قابلك
اصل الحياه مدرسه
وفيها نتعلم
واحسن وصالح خليلك
لا تمله ولا يملك@ابراهيم علي
أمس في 10:48 am من طرف مريم صلاح
